2012年6月15日 星期五

法國瑞士塵世美之旅2012-05-20第二天Part 3(陰天及後大晴)

今日終於到星期五喇喇喇~~~~~~~適逢今日都係出雙糧既大喜日子~~~~~~~真係開心到癲左~~~~~~~~不過我會好乖~唔會亂買野~~我要好乖乖咁儲起哂d錢~hehehe~無野買但係都係好開心呀~:]…..下個禮拜我調我過隔離counter….有d怯….因為我有成年未坐過隔離counter d野~本身諗住攞野番屋企溫習….後尾諗諗下:你係咪痴左線呀放假溫習………….最後將d筆記放低~



2012-05-19
Day 2—-Part 3(杜拜—->法國巴黎)
開始行程喇~~出發途中見到幾靚唔知係咩都留下倩影~





行下行下就望到西堤島(La Cite)~巴黎人視呢個係塞納河上既島為市中心~好似有司法大廈(palais de Jistice)同巴黎古監獄(Conciergerie)架喎…不過我搞唔清邊個建築物打邊個建築物~因為外型都太似~




拉歇微歇橋(Pont I’Archeveche)定係聖路易斯橋(Pont St-Louis)???我淨係知天氣好好….太陽曬到….開始有d熱辣辣~
呢條仲唔係塞納河???



橋上留影~




再慢慢行過去西堤島哥邊行左一陣街…包括行過大家都好鐘意買既L’Occitane……因為毛寶諗住幫佢家姐買香水….不過發現又唔係話平澳門好多喎~其實應該話同澳門差唔多~連d細hand cream都係相差幾蚊葡幣…咁我唔使咁傻仔搬番黎啦~~




行下行下見到一個好鬼靚既教堂背面…我仲話:係咪到左聖母院(Notre Dame)喇????行過正面望下….真係到左喇~~~好鬼靚呀~~~~~~~~~~



呢d地方好高危架~~朋友記得個袋要好似我咁石歧婆咁孭住係前面先得架!!!影相時都唔好大意!!





入教堂參觀就免費既~上塔頂就要俾錢….paris museum pass好似免費既…本身都有安排到上去…不過預計既時間遲左少少先到….所以跳過佢諗住去哥個早d關門既景點先…諗住遲幾日再入去參觀同上塔頂….點知最後都係唔夠時間….今次無入去睇到呀;[….希望下次去番啦!!!!!!



聖母院沿岸都有好多呢d路邊檔賣畫同手信~




呢個時候我地開始心急喇….因為我地要去既景點收六點…..哥時已經四點九….但我地仲未搵到……..於是加快腳程……係google map度睇地圖好近既…..點知實際行黎係有d遠…….估計錯誤~我記得呢程行得有d攰~(唔好意記得之前哥晚掛住係機上面睇戲而訓得半個鐘….)……….不過跟住地圖行係無錯既~~~我地係五點鐘度就行到去奧塞美術館(Musee d’Orsay)….地址:rue de la legion d’honneur 75…..網站:www.musee-orsay.fr…有paris museum pass可免費入~



千祈咪做傻仔呀!!!!如果你有museum pass既話你係唔使排哥條長長既人龍架!!!因為排隊入去仲要排隊買飛……有pass既話好似係C入口….3分鐘唔使就入到!!



奧塞美術館係由火車站改建架~佢裏面好靚的~裏面唔俾影相架…不過個個都係呢個最靚景觀最靚既位都影一張….咁我無理由唔跟影jei~好典雅好靚~



佢既展品都幾豐富…不過好似係以繪畫比較多…好似莫內(Claude Monet)…高更(Paul Gauguin)….梵高(Vincent Willem van Gogh)…..我強調…我對任何藝術係無任何既研究!!亦唔係藝術既狂熱份子…..所以我都係本住睇下名畫既心態入場的~不過有d畫家d畫真係畫得好鬼靚!!!!唔知佢地點畫~~好勁~~可惜唔影得相啦!!!臨走前再合照~
如果住得唔近想搭地鐵我見其實佢門口有個站架….就係RER既C線….Musee d’Orsay站~去完博物館行番轉頭條可能無頭先咁緊張..行起上黎又覺得….其實又唔係好長喎~








今日有個未夠五歲既0靚仔傻架…
佢同佢亞媽一齊黎…一入到黎我個counter….
我:你好請坐啦….
0靚仔:(攬實手中一堆紙)你唔使旨意偷睇我d測驗卷呀!!!!(一黎就有戲)
我:(認真)我鬼得閒偷睇你d測驗卷呀……你又唔係一百分
0靚仔:咩呀!!!我一百分架(一個好狠既樣望住我攞張測驗卷對住我)
我:那~我咪睇到囉~你自己俾我睇既~我使乜偷睇jei~
個0靚仔成個呆左…..我嬴了~



今日有個同事話我知….
同事:頭先xxx個男同事讚你靚女呀….
我:個同事係咪………..老花呀…..
我淨係覺得好搞笑……….
因為個男同事已經六十幾七十歲…………..
唔通……我只係吸引到呢個年齡層既男性……..wakakakaka



有個朋友….今日有兩件喜事~
好鄧佢開心呀~踏入人生另一階段~
祝佢永遠都開心幸福~



報時:距離六公子出使韓國之旅仲有—-106日~

沒有留言:

張貼留言