朗公子生日會2012

唔知點解呢幾晚都訓得好差…….好眼訓但係訓唔著…..搞到我今朝起身頭暈暈胃痛又呆左一陣…….呢幾日真係好鬼熱…….好似話聽日落雨~~希望可以涼少少啦~~我個人…怕熱又怕凍囉………又怕乾喎….終於等到聽日星期五喇……開心哂~



yoho~我終於寫到今年第一個公子生日喇~~~2012第一位公子生日係一月份~~~壽星公係朗公子呀~~~佢揀左係法廚天地Jack’s Kitchen度食….呢間之前有人食過話幾好味所以黎試下~~~無裝修…細鋪頭~

食完一輪湯呀前菜呀沙律呀….再黎一個法式焗蝸牛~~~我真係好鐘意食蝸牛架~~~好好味~~用佢d汁點麵包好正~

有個唔知咩燒豬手…幾好味喎~

法式青口~~~大讚~~呢種煮法既青口真係好好味~

呢個唔知咩咩煮帶子都正~

第一個高潮來了~我地好想試佢個巨巨海鮮盆的~

真係幾大個藏滿好多野食呀~~有麵包蟹啦蝦啦生蠔啦翡翠螺啦青口啦龍蝦啦蜆啦~麵包蟹我第一次食咋..不過我覺得麻麻啦~可能因為凍食卦~蝦ok~生蠔都可以不過瘦左dd啦~翡翠螺好味~青口好味~龍蝦還可以~蜆都ok~~~不過毛寶同我表姐分別之後再去食過…話差左d lu~

超級的飽…點知仲有兩個pizza!!!!!!我比較鐘意食白色哥個多d~因為係芝士pizza~

多野食到癲呀~~~~~~食到個個公子都飽飽~(其實我係食左團年飯再過黎食的~但都食左好多野~~~~)

我覺得佢d甜品都唔錯喎~~心太軟~~仲有哥個桑莓乳酪既甜品都好正~

七個人….食到超飽的~~~呢一次我地食幾好味喎….不過之後有人食過話變得麻麻….真定假我都唔知~~~~食左朗公子2200蚊~~多謝哂~~~差在呢度抽氣超差的…食完成身臭崩崩!!



好喇….講完野食…仲有戲玉…又黎輕輕鬆鬆玩下七公子假領做下熱身先~

第二高潮~切蛋糕~~我地舊年有個口號：朗仔26~嫁番大陸~~~我地幫佢安排嫁去溫州~~~所以佢依家個朵係：溫州媳婦;]~~哇卡卡卡卡~~~~~

因為用電單車送個蛋糕黎…..所以成個蛋糕有d走樣~~好彩塊牌仲係度~~~



到呢一刻佢仲笑得好開心架~~~~~~~

第三高潮~送禮物~又係送我俾佢~~~~~tiffany~好少女呀~

因為佢又有個朵叫”陳豪”….因為佢好鐘意飲咖啡到去學沖咖啡….所以有呢個朵…..於是送埋咖啡機….同埋磨咖啡豆機俾佢~

第四個高潮要來了~~~~~~因為主廚兼老闆係法國人—->佢就係Jack’s Kitchen哥個Jack…..我地聽聞如果佢知道有人生日….佢會—->緊緊的給他一個birthday kiss~~~朗公子話：唔好呀…唔好咁大聲呀!!!….公子們又點會咁聽話呢????唱生日歌時已經超大聲引佢注意….又有公子大叫：hey~ birthday girl~~~birthday kiss kiss kiss………..經過一輪大叫之後…….(以下相片全部都超手震…..因為影相既人一路影一路笑~敬請原諒~:})…..救命呀~~~Jack開始跳舞入鏡喇~~~~~~一路跳一路扮朗公子尖叫行埋去~~~最後”kiss”*3*

哇卡卡卡卡卡卡~~~~~~~~~~~~~~~~~~~~~~~~~~~~~~~~~~~~~~~~~~



之後佢話俾多支蠟燭俾佢許多個願~一路攬住佢一路吹……不過唔知點解吹極都吹唔熄佢~~~~~~我地話影唔到佢kiss叫佢補多個~~~睇下朗公子~~成個硬哂~~

唔得呀…..我依家睇番都笑到氣咳呀~~~~d fuji相好靚呀~~~

不過我地話個焦點….始終係正中間哥張~~~~~~~~~~~~哈哈哈哈x12112121212

我地話知佢就黎嫁去溫州所以俾佢結婚前要過一個瘋狂晚上……但係….成餐飯太好笑喇~~~笑到其餘六公子標哂眼水~~~~~~~~~~~我地紛紛表達：雖然我地都係好玩得….但我都係接受唔到呢個birthday kiss~~~~~~如果個男主角後生d同靚仔d都還可以的~~~~~~~~好喇~~笑完喇~澄清番朗公子仲係可愛既少女黎架….同埋佢無話要嫁去溫州~全部都係我地幫佢作野架咋~一餐飯~~四個高潮~開心哂~祝你當時許既願望成真啦:]





突然知道星期一夜晚無飯食..
sad sad地添…..
如果….有人….陪我去neway唱k就好喇~~~
成個月無唱過身痕呀~~~



報時：距離六公子出使韓國之旅仲有—-114日~
去完旅行一個禮拜都無…
就大叫：好想快d去旅行呀……
皆因我發現去旅行個樣好精神…
番工個樣真係霉霉地….