唔講唔知~~其實…我個人其實都幾鐘意飲茶架~~~睇到d點心紙…無論傳統點心定新派點心….都係令我垂涎三尺的~除左好鐘意食永利軒d野之外~我仲好鐘意食葡京酒店入面哥間日麗~~~點心又多花款~~~又好味….我最buy哥個係XO醬煎糯米雞(右上角哥幅圖~)……個面煎到脆脆地~~內裏又保留番飯同料交融哥種感覺…好難形容~~~~~
其實我唔應該著重講野食的~因為呢日飲茶係我地舊同學敍會呢~;P…你知啦~大家出左黎做野真係好難約~~咁難約都約到咁多人都好叻架喇~~~~多謝何b做搞手~之後話再約架~約下約下又無哂影lu~有無留意呀???朗仔同毛寶都係我同學仔黎架~~~坐我右手邊既皮皮係我表妹~又係我同學仔~~~呢班人全部都細過我……又係我最大….我好似去到邊都係最大…..同學會又係咁….七公子又係咁…..成日俾人笑我老…頂~不過咁耐無見~大家仲係好似以前咁~超多野講….好嘈呀~~哈哈~成日講番我地以前學校d白痴野講~真係…好開心~好好笑~永遠覺得讀書哥時識既朋友仔會容易成為好朋友多….依家做野…好難真係會識到真心既朋友仔….可能因為大家忘住表現自己卦~不過好彩我都識到d…真的感恩~
叫到成檯都係野食呀…..食到我地超飽….每人都係…..70幾蚊咋~~~飲茶喎~點心算精美喎….酒店裏面喎…..70幾蚊咋~~不過呢度又係長期爆滿….你想即興星期日黎???….”得….十一點半黎到….半個鐘交番檯囉…一係就三點之後先有位喎(有時四點添)”….係經常聽到既答案…想飲茶…都係訂定位好d~就算唔係假日…佢都係咁爆架…
今日我叫阿i…..
我：喂~摸下我隻手仔啦~~唔知點解去完旅行之後隻手仔好滑呀~~
i：………(用心摸)….係喎……
我：滑呀le~
i：係啦….點解咁滑既???全世界最滑既人種係黑人喎……你………
我：……………………..er…………(唔通係因為我曬到黑左所以變滑….)@__@
今日八佰伴VIP day….
媽媽竟然有勇氣衝入去…
買左個新gip…..華~~
掌聲鼓勵~~~
梗係啦….有人遲兩個禮拜到佢去旅行喇…
德國喎….荷蘭喎….法國喎….瑞士喎…
仲要去得多地方過我…
仲同我講：岩岩好呀呢個季節去荷蘭睇鬱金香…..@__@
車…好叻咩…
留低個可憐孤女半個月…….
(可能佢之前哥半個月都係上網不停唱我~~wakakaka~~)
毛寶話佢今日會去曬埋佢lomo機d相喇~~
好快就可以合併哂佢地啦~
我晚晚都好乖咁執相架~~~~
讚下我乖啦~~
報時：距離六公子出使韓國之旅仲有—-115日~
今日凱公子搵到d新既韓國晚飯地點~~
期待期待~~~
沒有留言:
張貼留言