法國瑞士塵世美之旅2012-05-20第二天Part 4(陰天及後大晴)

今朝過左隔離坐counter…..成一年無坐過…..驚驚地~做左兩鐘頭先做得四隻…..感覺自己似個智障…..明明平時做開兩個鐘10幾20隻….叫我情何以堪????所以今日就算有好多野做…..都好似唔係好關我事~聽日繼續做智障….



2012-05-20
Day 2—-Part 4(杜拜—->法國巴黎)行完美術館~梗係要搵d野補充下體力啦~~~~成日係澳門都有食macaron….我係覺得顏色靚!法國野!外表少女先食…..不過我食落覺得一d都唔好食….食到成口野咁…….多數都係酒店自助餐食…….所以今次去法國…..我一定要試正宗的macaron!!!!!!!係diana既介紹….仲有毛寶睇書搵到既情況下…..睇黎一定要食呢間1862年開業既Laduree!!地址：21 rue Bonaparte…….網址：www.laduree.fr………….

其實有好多間分店~香榭麗榭大道都見到有….不過哥間超級的多人!!!我諗起碼要排半個鐘!!!!凡爾賽宮入面都有…不過無散買…要一盒盒買!!



有另一間係隔離….呢間係賣佢既相關附產品…好似macaron電話繩呀…香水呀之類之類~入面都幾kawaii架~~當參觀下都幾好架~不過我覺得d野有d貴無買到~

我好鐘意佢櫥窗既擺設呀~~~好靚好kawaii好少女的~~

記住呀~店內係嚴禁影相架~~~~~~~~~有邊個可以拒絕d咁靚既甜品呀~~~

中間幅相有個士多啤梨形既蛋糕超靚呢~~~~~~



好喇~~又黎一個問題喇~~~揀咩口味好呢~必試既有：Caramel a la fleur de sel=Soft caramel with sea salt….跟住我地再叫左Guimauve fraise bonbon=Strawberry candy marshallow….同埋Framboise=raspberry~……每個€1.7=17hkd…..我覺得…幾貴….細細粒…..17蚊一粒喎…..我買三粒已經50蚊~毛寶：我覺得唔貴喎

第一個放入口既係焦糖海鹽味~天呀~原來真正既macaron係咁既味架…….我之前食哥d簡直係白食!!!!!!!!!!質感已經好唔同~~~~~焦糖海鹽味好味~不過我覺得有d甜~……第二個放入口係哥個士多啤梨棉花糖…..中間有層白色棉花糖超級超級可愛喎~呢個好少女好好味呀~~~~第三個係覆盆子~~~超級超級的好吃~~~~~~~

呢度既macaron一d都唔漏~~~~~係澳門食哥d得d香精假味~~~呢度食到既無論口感同味道攞哂一百分囉~~真係真係好好味~~~無老點~下次黎我要試埋其他味呀~~~~~~~好好味呀~~~~~~其他既都唔想再放入口~

之後就途步行番我地民宿哥頭lu~(我地兩張相係咪好作狀呀~)

都七點幾咯~仲咁好太陽~

今晚晚飯地點：Leon~主打食青口的~係我地民宿附近5分鐘路程~唔知哥間地址係咩…我有另一個聖傑曼區分店地址：131, bd St Germain 6eme….全巴黎有11間….其他分店地址可睇網址：www.leon-de-bruxelles.fr…….

佢篇我地坐係盞黃燈下面…..搞到我地影d相都變左黃面婆~

我地中菜小食興食花生…..呢間興食呢個~

呢張俾皮皮笑我撩緊牙囉….人地食緊餅嘛!!!!



唔係華麗餐廳~係大眾化食堂~

又同大家研究下餐牌笑下我先呀~~我地想叫餐食…都係無咩幾個字識……我地研究左一陣….得出….每個餐咪有兩個價錢既….左面個價錢呢就係entree+plat ou plat+dessert…憑我地聰明既材智….即係左面價錢=前菜+主菜 或 主菜+甜品……右面價錢entree+plat+dessert….唔使我講啦~….我地想試哂前菜主菜甜品….不過又唔想俾咁多錢….於是…我地叫兩個左面價錢既餐~然後就叫一個係前菜+主菜….一個係主菜+甜品咪得囉~~~~~係咪醒先~~~~~講下四樣餐有咩唔同先….四個餐每個餐都有青口主菜或另一種唔係青口主菜選擇…..另一種主菜我地無試唔講啦……主力有吃過哂呢四款青口(我地唔係痴的~食咁多….係之後兩位公子黎到我地有再食~)…..tradition(應該傳統煮法就加白酒加西芹哥種做法~~好好味~)……original(裏面有得揀青口口味…我地揀左Leon a la creme…忌廉口味~~~都好正呀~~~~)…..gourmand(有三隻揀….指佢圖中既青口…..唔小心咁揀左超重口味既水欖口味…..唔係唔好味既…不過係重口味囉~唔鐘意黑色一粒粒哥d水欖既人唔好叫囉…)…………plancha(又係睇圖叫左les moules a la plancha…海鮮口味的~)

毛寶仲叫左杯啤酒飲~

其中一個餐既前菜黎喇~~我地揀左la croquette de fromage”Vieux Bruges”sur salade….揀佢既原因係…因為我認得fromage=cheese~~~又芝士又沙律唔知係咩~~~出到黎~~原來係炸芝士~~~~~個底有d沙律~~~個炸芝士堅係好食喎!!!!!!

傳統口味的…………超級的好吃~~~必點呀~~~~~~法國d青口唔同我地平時食哥d大粒青口….佢係細細的…..d肉嫩嫩的~就好似我咁~~~wakakakaka~~

海鮮口味的~~都ok好味…..仲有三隻大蝦都幾好味~不過呢個味好似有dd濃味蓋過佢本身青口的味~~我都係鐘意傳統的~

唔使驚唔夠飽呀~每個青口都有跟一個薯條….而每個薯條都係無限任加的~~~~

甜品叫了la gaufre d’Honore avec de la creme fouettee~原來係waffle呀~可惜係cream唔係跟雪糕啦~

我覺得呢度d野食好好味喎~~~今餐大約食左€44=440hkd~~~晚餐都唔算貴呀(歐洲黎講~)~~~食得又開心~~如果想試法國巴黎的嫩嫩青口….呢間真係唔錯喎~~~~值得一試~

食飽之後我地番民宿….飲下茶上下網….無幾耐……睡魔急call…..兩個都十點半跑上床訓覺…..(去旅行未試過咁早…..唔好話去旅行…係屋企都好耐無試過….)





唉….
我諗住星期三做一件好瘋既事…
俾哂藉口自己話襯後生要瘋一次…..
星期六星期日發哂花癲係咁講…(無一個人支持我)
講到我諗住真係做….
點知個天都唔幫我……整個打風…
今朝起身天氣報告話打後一兩日都係有狂風大驟雨…
於是放棄…..
放棄左之後…..
放工我見到風光明媚…綠草如茵…
我依家再上網睇天氣…
又話間中有陽光有微雨…..玩我呀….
不過決定左放棄就算啦…唉…….



噚日係父親節…
都咪話唔傷感….
大家可以同爸爸開開心心咁慶祝…
我就只可以同其他人既爸爸食飯慶祝…
所以我揀左噚日去拜老豆…
可以祝佢係哥邊父親節快樂之餘..
仲可以提早同佢做端午節….
我仲買左隻糉去拜佢….
我可以做到既只有呢d;[



今日輪到媽媽去旅行喇..
我好掛住佢呀….
得番我一個人好屋企…
其實我係一個好怕寂寞既一個人~(又唔諗下自己去旅行時媽媽都好悶)
今次係爸爸唔係度之後媽媽離開我去最長既一次旅行…
我其實覺得我係哥d唔係好識照顧自己既人…
智智障障咁….
(其實講唔識照顧自己唔係講我唔識煮野食…係我為左懶而好求其食哥隻)
好難諗到以後如果真係得番我自己一個人住會係點….
我諗我會好難過….
諗到呢度…
我流左兩行馬尿……..;[ (好啦我老實講其實我流左好多行…好似唔係幾有型..)
聞到抽油煙機傳黎樓下炒菜既蒜蓉香氣…..我流口水….
唔知點解今晚食哥d九菜花有陣燒味味…
我係咪開始有5x幻覺???



報時：距離六公子出使韓國之旅仲有—-103日~