2012年6月19日 星期二

法國瑞士塵世美之旅2012-05-21第三天Part 1(超級凍超級大風大雨)

今日番工個頭頭暈到癲…..成個人反下反下捱到收工…….放工連菜都唔想煮……煮緊菜時又想嘔…..但係又好肚餓…..聞到隔離屋煮餸….又覺得好香……………..平時一碌番屋企就寫blog…..頭暈頭痛拖到依家10點幾先寫……….就知我有幾頭暈………………今日又過左隔離counter搞事….仍然係做4隻….一d進步都無…..做哥4隻仲要學人做錯野…..很挫敗…..亦覺得自己好低智……



2012-05-21
Day 3—-Part 1(法國巴黎)
話說之前哥晚我地兩個十點半就訓左….超眼訓…..係好好訓既情況之下十點半訓到去第二朝清晨五點半醒左訓唔番~哈哈~~我係咪有時差呀~~好喇~呢日出發~天陰陰有少少雨….氣溫要用凍字形容….同噚日完全唔同!!首先就去買左號稱好好味既麵包鋪Paul~就係我地民宿附近~我仲俾毛寶笑我:你連呢d都影呀….可能呢間麵包鋪係法國裏面等同我地既聖安娜或者馬利奧咋~…..頂…成件事醜樣哂……咪俾我發現你自己都有影~:p…….網址:www.paul.fr…….旅遊書介紹佢除左包之外其他甜品好似檸檬批咁幾正….不過我無試~下次你地有試話我知好無食~佢出面有露天位坐~可以買完係出面食~






我地買左條芝士條兩份食…好似係€0.87=8.7hkd一條~唔太貴~不過有d硬…但係超香的芝士味~~~~幾好味~



好喇~~跟住我地要進行走火警練習….咩叫走火警練習??呢個陣間先講~講左買飛先~佢搭地鐵呢都係靠呢部野買飛的~幾驚唔識睇呀~好彩佢有英文…….一張飛賣€1.6=16hkd…..唔理你搭幾多個站……如果一次過買十張既話就€11.6=116hkd….即係變左11.6hkd一程~(可以轉同區段既RER一次)…..係咪抵先~咁梗係買十張啦~橫掂又唔止搭一次既又無有效期既~不過如果買呢d十張飛既…搭既站有區域限制….好似係比較近市中心既1-2區先得…..越近郊區既就唔會覆蓋…即係要再買飛~呢個自己研究下~無圖好難同你講~

巴黎超多人逃票囉!!!!!d人跳過個搞搞閘就好有型咁走左去……我地試過有一次搭車見到查票員….不過佢齋行無查過任何野…….不過如果俾佢捉到聽講罰款會好甘的!其實買十張我地玩六日都夠搭~無謂學佢地然後自己擔驚受怕~



好喇~~我要講下咩叫走火警演習喇~事緣我地係澳門出發之前個幾月上網買左由巴黎去瑞士蘇黎世既TGV火車飛…..早個幾月前book都好似好快無位……second class無哂特價飛…..反而first class既特價飛平過無減價既second class喎….咁梗係first class啦!!由於遲左買(出發日前既三個月就可以買喇記得早d買會平d)…我哥張最平既….897hkd….另外既兩張909hkd….仲有一張正價既1150hkd…….唔知點解我哥張佢唔俾我print @ home…要我print @ station……由於我地哥日太早車(清晨六點三…揀咁早係因為越晏越貴!!)…地鐵五點半先開…..去到個站先再搵TGV個站怕恨錯難返….同埋又要印飛…..所以就有呢個走火警演習喇~要熟習路線唔使搵一去就去到哥隻…..因為搭車連去到火車站得45分鐘….俾埋TGV個網址大家先:www.RailEurope.hk/tgv…..歐洲國家去國家…我覺得坐TGV唔錯喎~



我地揀左搭TGV時係Gare de Lyon站上車…..係我地個站搭RER A線或者D線都可以去到~搭一個站…..一到左Gare de Lyon一落車….華…..臭到呀….一陣尿壓味…..真係超臭….差d嘔出黎呀!!!!!!落車見到有TGV既圖示就上上面哥層…點知一上到去…一個TGV既圖示都無…..於是死死地氣問個地鐵站個Information….好彩哥個野都好有禮貌~佢同我地講跟住9號出口就會見到TGV個站喇….華….一個圖示都無點知會係9號出口呀…癲的….好彩有走火警咋…唔係既話哥日推住行李個人仲慌呀!!!!!好喇~跟住9號出口行再搭扶手電梯上….終於見到TGV個站喇~~~走火警成功左一半~知道點行黎!!黎到TGV站我終於見到一個似樣d既火車站喇~感動~



五日後我地就會搭呢d TGV火車由巴黎過瑞士蘇黎世囉~





第二個任務就係要係呢d機度印番我哥張火車飛出黎~你訂左之後佢會send番個e-mail同你確認….會俾你一個電子客票號…你係呢部機入番就印到~有英文睇的~易操作~唔怕出醜~我都識用相信大部份人都識用~



睇下幾叻~成功印到喇~成張機票咁~
我宣佈:走火警演習~成功~



走完火警喇~去下一個行程~黎到巴士底站(Bastille)….我地係Gare de Lyon站話去只需一個站……搭Metro 1號線(La Defense方向)….如果唔係哥個站出發就仲有Metro 5號同8號線都去到~一出站……………….超大雨!!!!!!;[…..一出就見到的巴士底廣場(Place de la Bastille)同七月柱(Colonne de Juillet)…..我地兩個帶得一把遮…太大雨影唔到合照添…

好凍呀凍到打哂冷震~



哈哈~~第一個景點~~~食飯~~~~毛寶達人分毫不差將我由巴士底廣場黎到雨果咖啡(Cafe Hugo)…..岩岩先係機上面睇完hugo(但好似唔係同一個hugo~哈哈~)~覺得呢間cafe好有親切感~~~點鮮無啦啦有間叫hugo既cafe…因為雨果故居就係附近~雨果咖啡地址:22, Place des Vosges 75004 Paris



因為太大雨….我地坐係室內~都幾舒服~




好彩呢度個餐牌有英文咋~~~~~~都可以知道自己叫咩食~~~




我叫左杯熱朱古力(chocolat)…€3.8=38hkd….都幾香濃~最主要我覺得好凍~


毛寶叫了鮮榨橙汁(orange presse)…..我估無左presse呢個字應該就唔係新鮮果d果汁…而係只係包裝罐頭哥d果汁…係咪呀識法文既叻人????



好開心佢自動波俾水喉水我地飲呀~唔使俾錢叫~呢度個侍應姐姐超好人~有笑容~nice~



其實我地係有目標咁黎架~~因為旅遊書話呢度有洋蔥湯飲~~~梗係要試下正宗的法國洋蔥湯啦~~我唔係好鐘意飲西湯~~因為我覺得中湯先係達人~唯一好鐘意飲既西湯就係法式洋蔥湯~~~~不過我地發現佢餐牌係無寫洋蔥湯(soupe oignon)架…我地係俾圖佢睇…姐姐問左廚房一陣先話可以幫我地整~~~~~~~於是我地一人叫左一個~~€5.8=58hkd~~




華華華~好吸引呀~~唔知點解佢地d洋蔥湯煲到啡啡的~唔知係咪佢地d洋蔥同我地哥d唔同呢~~~~有麵包仲有芝士覆蓋係面~~~好好味好正呀~~~飲完成身暖哂~



第二樣野食三文魚炒蛋(OEufs brouilles au saumon)…€7.1=71hkd….開頭食其實幾好食的~~不過食得多有d漏~




仲有第三樣都係旅遊書介紹要食的…又係餐牌無寫俾圖佢睇的法式烤三文治(croque monsieur)…..有d得意喎個字~monsieur唔係解先生咩??唔通好似我地咁有先生炒飯???€6=60hkd….其實就係兩塊麵包中間夾塊火腿….個面鋪d芝士然後去焗~但係呢個地方呢個情景食~當堂成件事法國哂~~其實幾好味既~~不過開始飽飽喇~




(咁岩線我後尾係忽然一週睇到有關法國既介紹……又咁岩線有講呢個Croque-Monsieur既由來喎….咁就打上黎俾大家睇下~幾得意~有興趣可以睇下~)…..以下有關介紹Croque-Monsieur同埋Croque-Madame係來自忽然一週:曾有法國鋼鐵工人,隨手把未吃完的芝腿治放在焊爐上,便去處理突發狀況,回來發現三文治變成脆口多士,咬落煙韌,有濃濃芝士香,成了(Croque-Monsieur)。有心人後來在多士上加了隻太陽蛋,活像法國女士愛戴的寬邊帽,便成了(Croque-Madame)。……..原來係咁的~~~



我本身想叫多樣野食…..好彩哥個好人姐姐提我地可能會食唔哂無再叫落去~~~因為真係…好鬼飽~~~



食緊哥時d雨越落越大~~~~~唯有慢慢食啦~~~同埋安慰自己:法國落雨好浪漫呀~:]




呢餐食左€32.7=327hkd~價錢都算ok啦~~不過覺得坐係哥度食野都悠閒舒服~~有機會再去飲洋蔥湯~~~~~大滿足~






好多謝毛寶今日送暖黎我屋企~
佢為我送上佢媽媽煲既靚湯~
你媽媽煲既湯真係好好飲架~~~
謝謝你們*3*



明明今日全日勁好天…..
依家又狂風大雨喇~
整定我做唔到瘋狂行為~



我都幾鐘意聽林欣彤呢首歌…..因為睇起勢搖滾我先知有呢首歌~真係多謝布志綸~明明係一首輕快既歌….但偏偏聽到人有想喊既感覺…………….;[[youtube http://www.youtube.com/watch?v=oB2qmX0Je78&version=3&f=videos&app=youtube_gdata]偏執個性 有錯直指
那樣跟你 唇齒相依
伶牙俐齒 嚇怕身邊王子

最想恃寵生驕似小花貓
不知道自己得一對爪
其實很想倚靠又怕倚靠
還令相戀的那位 嚇跑

柔弱孩子很可愛
太硬朗女子不好愛
無奈自己不肯悔改
驍勇善戰於各種比賽
卻面對最愛都不懂愛
天生太倔強 如古板化石困進死海

心知道你 最要面子
我誤傷了你 都不知 循環地失戀
性格偏激也許如此 比不上靜宜

抱得再狠只得半點體溫
捉不到內心的親切感
其實很想擁吻用錯口吻
還用生繭的兩手 抱緊
(“其實很想倚靠又怕倚靠”…..活脫脫的寫照….或者林欣彤講得岩….”可愛的人方可愛”)



噚晚為左少少事喊左好耐….
淚流滿面…..
怪可憐的~
其實我係一個很愛哭~
也很能哭的一個人~



過了一個很辛苦的工作天~
代表距離媽媽番黎既時間又近左一日~



報時:距離六公子出使韓國之旅仲有—-102日~

5 則留言:

  1. hello 小t,

    想問你係巴黎火車站的自助機印番張車飛出黎時, 要唔要入PIN CODE(CREDIT CARD) 呀? 佢封確認信寫住話要的.

    另外, 買QATAR 機票時已經揀左坐位, 仲要唔要做Online check in 呀?

    謝謝!! ^ ^ coco

    回覆刪除
    回覆
    1. HI~
      我哥時淨係打番佢send e-mail俾我哥個電子客票號咁就攞到架~佢又無叫我入pin code喎~不過我已經有成年無搭過tgv喇~唔知佢有無野改呀~
      呢篇blog係我第一次搭~就係要我print @ station...
      第二次係同年既10搭...佢就迫我要我俾郵費寄速遞俾我...俾多百幾蚊架~
      所以我懷疑佢次次唔同~

      我平時如果網上mark位後我都會網上check in先的~(因為我今次去澳洲都係咁~)

      sorry依家先睇到你既留言呀~希望無覆遲左你啦~

      刪除
    2. HI~
      我哥時淨係打番佢send e-mail俾我哥個電子客票號咁就攞到架~佢又無叫我入pin code喎~不過我已經有成年無搭過tgv喇~唔知佢有無野改呀~
      呢篇blog係我第一次搭~就係要我print @ station...
      第二次係同年既10搭...佢就迫我要我俾郵費寄速遞俾我...俾多百幾蚊架~
      所以我懷疑佢次次唔同~

      我平時如果網上mark位後我都會網上check in先的~(因為我今次去澳洲都係咁~)

      sorry依家先睇到你既留言呀~希望無覆遲左你啦~

      刪除
    3. ... 我仲未出發... 唔該晒你呀.!!! 如果唔得就去COUNTER 問佢拎飛...(我見有人試過咁樣做)

      追梗你澳洲遊記, 加油!!!! ^ ^ coco

      刪除
  2. 想問一問,如果買左巴黎到蘇黎世的車票之后,可唔可以改時間的?

    回覆刪除