小t: 法國瑞士塵世美之旅2012-05-20第二天Part 2(天陰及後大晴)

2012年6月14日星期四

法國瑞士塵世美之旅2012-05-20第二天Part 2(天陰及後大晴)

做得呢份工越耐….越憎d嘈之巴閉既小朋友……..唔知而家d父母點教小朋友??!!?!?!?係個counter度嘈到拆天咁都唔話下佢……係要我出聲鬧個0靚仔佢先輕輕咁話佢一句….真係一句咋….多一句都無………連續做左兩個家庭……腎上腺素直線上升!!!!如果要我成日對住呢d0靚仔…我諗我會精神失常….產後抑鬱………聽到佢把聲都覺煩……..我應該係會勁鬧自己個蘇蝦哥d人………我真係好無耐性~

2012-05-20
Day 2—-Part 2(杜拜—->法國巴黎)
好喇~之前都講到….個屋主要我地兩點鐘先可以check-in….哥陣出到去先12點….唯有搵個地方……食野~坐下~……揀左呢間係我地間民宿街口既cafe~”BIANCO”

佢地d cafe露天位係唔興面對面坐架…..全部位係一致向街坐~因為佢地歐洲可以曬太陽既時間少~所以佢地係非常恨曬太陽的~

其實民宿附近有好多cafe既~點解我地要揀呢間??因為我地係俾呢個餐吸引左架~咁平仲唔行入去~我講過啦~我地唔識法文….識哥少少單字……..同埋將法文當英文睇……以我既才智….part 1係咪果汁呀…..part 2主菜當佢係英文睇都估到啦…..part 3揀甜品唔識第二個咪揀第一個生果沙律咪得囉~搞掂~叫人過黎落單~我同佢講要呢個set…個侍應望我一望回我一句：are you children?…..我：no….this is the set for children???…..侍應：yes~…..咁佢問我係咪細路擺明潤我啦…….ENFANT=兒童……大家認住呢個字呀!!!!出左一次醜呀!!!!唔怪得咁平啦!!!€10=100hkd(係歐洲黎講係好平…我地要將個消費水平提高…..唔可以諗港澳30蚊一碗麵~雖然我好想~)

好喇好喇冷靜d~毛寶就叫左呢杯cafe viennois~

根據當事人所講….佢話好好好好好好好好飲喎……好飲到一啖都無留番俾我!!!!!!!呢張相我都係”借”佢杯野影個相咋!!!可惡~~~~

我地向現實低頭…..都係無平野食….唯有叫呢個餐啦(仲要係兩份食)….€19=190hkd……好喇~又黎估估下時間…..part 1就梗係問我飲咩啦….順序係咖啡茶朱古力橙汁…好喇…下面幾個開始唔識喇….咁就揀凍朱古力啦~……part 2….又係當佢係英文咁睇~見到burger同omelette已經有d想嘔~(因為岩岩落機前先食完….)…..咁咪揀salade cesar凱撒沙律囉~….part 3唔使揀慳番~

我明明係叫凍朱古力喎….點解黎左熱朱古力既?!?!?!同埋…有多杯橙汁??!?!?!咩事?

我個凱撒沙律呢~~~又擺得幾靚喎~~~~沙律好味~仲附多三個包~有牛角包朱古力包半邊法棍~我記得我地食哂~夠哂飽~右下角個甜品類似麵包布甸既物體….淋左d呍呢嗱汁係面….又幾好味喎~雖然佢好樣衰~個堆生果…唔知加左咩….有怪味…毛寶將佢食哂…佢話佢好需要清新既野喎~

我好now仔~~原來佢地依家興落橄欖油同黑醋….係用噴樽囉~~~唔係倒出黎~~呢個設計查實唔錯喎~~~咁又興奮地玩左一陣~

點呀~有無postcard feel呀~我迫毛寶幫我行出街影架~我好鐘意呢兩張postcard呀~~~~~你睇我地幾慘….食野要搬埋個gip一齊食….

一點五十分我地已經企係民宿樓下等……一心諗個民宿主人會早d等我地….點知….鬼影都唔見…..等左幾分鐘….我超急尿……狂講….黎未呀落黎未呀…..點呀…..唔係搭正兩點先落黎呀…………………最後佢真係超準時兩點出現!!!我地個巴黎民宿地址：20 RUE MARIE STUART 75002 Paris……..好喇…話一話俾大家知我地係點book民宿先…..俾個網址大家：http://www.homelidays.co.uk/……我地就係homelidays呢度自己搵民宿既…佢唔止法國架….成個歐洲….亞洲..美國…西印度…南美之類之類都有的~大家想book民宿可以上呢度睇下~不過自己睇清楚佢間屋有咩無咩…..如果你揀二樓以上…你最好睇清楚有無電梯!!!因為巴黎好多樓係無架!!!!同埋夏天去睇下佢有無冷氣….我地哥度有電梯無冷氣的…好彩係五月天唔太熱~佢地好似通常都係一個個禮拜咁租~~~我地都係租一個禮拜…即係7日6夜…..租金係€810=8100hkd(要睇清楚…因為通常租俾2-4人住….但係同一價錢…咁梗係臭夠四個人抵d啦!!!!!同埋有d可能要同屋主一齊住…所以要睇清楚哂成間屋所有資料!!!好彩我地哥間唔使~)……四個人分….每人2025hkd…..即係每人每晚337.5hkd….抵到咁…..平過係法國住酒店好多好多~~~~~~如果住酒店我諗一間雙人房每晚1500hkd不等…..同埋地點可能無咁好…..哥個網有埋間屋既相你睇….唔衰得去邊卦~(我諗)……book民宿時要用paypal俾左10%租金佢先….即係€81=810hkd…..

見到呀民宿主人…係一個高大後生仔….應該後生過我….佢帶我地上二樓…..打開門….又幾四正喎~~~~呢個係客廳~~~~~幾光猛設計幾新潮~張黑色梳化可以變梳化床…咁係其中一張床喇~