法國瑞士塵世美之旅2012-05-21第三天Part 4(超級凍超級大風大雨)

今朝起身個胃有d喇住喇住……放左三日假..都預左要還…….超級多野做….做到缺氧…..或者我應該學下某d人….咁我生活應該輕鬆d~……小i出左北區呀….嗚嗚嗚….好掛念呢~星期三無得同佢早餐會開心完先做野……好彩chlo仔星期四番黎陪我…..今日心裏面最開心既事係：媽媽聽日番黎~



2012-05-21
Day 3—-Part 4(法國巴黎)龐畢度中心(Centre Georges Pompidou)大到走得我腿也軟了~

wakaka~最鐘意睇souvenir shop~

其實每一次去旅行最殺到我錢既….唔係名牌…..其中一樣係博物館出既鉛筆呀~~~~~~~

我係咪好奇怪呀~~因為由細到大我都有儲鉛筆既習慣~~識彎曲既鉛筆…超長既鉛筆…唔同形狀既鉛筆我都愛~近成日去旅行~於是都好鐘意儲博物館既鉛筆…貪佢會印上自己博物館個名~幾值得紀念咁~上面哥支係佢地出既畢卡索鉛筆….正面睇唔到….實際上佢係呈橢圓形的~~~好得意~下面哥支就係印有龐畢度中心外貌既鉛筆~

下次得閒時show哂我d鉛筆俾大家睇下~

原來佢二樓仲有一個公共閱讀圖書館~裏面仲有一個關於漫畫既展覽~

第二樣我去旅行最鐘意買既就係postcard喇~~除左好靚既風景postcard外…仲好鐘意d古怪postcard~~~試過有木製的水松製的鐵片製的幻燈片製的~好似呢張咁~~有水係入面~~但我無買呢張~因為我唔知用咩筆寫先岩~~~

仲有呢張可以旋轉既postcard~~一路轉個圖案都會跟住唔同~~好好玩~~已經寄到番黎我屋企~~下次post俾大家睇下我呢幾年去旅行寄番俾自己既postcard~原來大大話話自己同人地寄俾我既~~加埋加埋有成70張~~~~~

行左兩個幾三個鐘~臨走見無咩雨諗住同龐畢度中心合照下…..你睇下…吹到我個頭…大風到…….凍到我拉哂拉鏈變做史力奇~

好咯~呢日悠悠閒閒過左一日~由龐畢度中心慢步行番我地住哥度~去平民超級市場買下野先~我覺得呢d平民超市d野唔算太貴喎~好似同澳門差唔多~

呢晚晚餐本身無諗過食咩好…..於是我提議買燒雞食!!!!次次行過都聞到超香的~~睇住佢轉轉轉咁流哂口水~~~加上以前細個係法國時成日買黎食~~當懷念下都好~~~~

買左最細哥隻~~€12.99=129.9hkd~

今晚由我黎準備晚餐~~~~~~~前菜我用係平民超市買既材料黎整架~~~火腿加藍芝士加小蕃茄~

主菜就係岩岩買哥隻烤雞~~~~好香呀真係~~個脾位d肉好嫩~~~~好香~~~

仲買左支玫瑰酒飲~雪到凍一凍~當然可以就咁攤開個紙袋就食啦~~~不過民宿既廚具用品真係好齊全喎~~~~唔用好浪費jei~做人都係有d生活情趣好~~係咪~

仲係超市買左呢兩樣飯後果~~~~~個雪糕又平又好味~~~~€1.8=18hkd~~~

焦糖布甸好好味~~~以前細個成日食~~~~最鐘意佢個底有搣鍚紙呢個設計~~~~一搣開~~焦糖就會向下流喇~~~~~~~

晚餐甜品~~~~~完滿~~~~個雪糕仲有青蘋果肉囉~~~好好味呀~~~我好賢妻良母呀~~~(但無一樣係我煮~~~wakakkaka~~)

呢餐晚餐兩個人€20都唔使~~~~好抵~~~~





跟住我頭先番屋企send sms俾媽媽…
我：你聽日番到嘛係咪?
媽：係呀…我坐27號中午機聽晚星期三可以同你食飯….
但我諗完又諗…巴黎27號中午機已經係我地27號晚既7點..
佢仲點同我食晚飯???
於是我好驚佢miss左班機…
我：你到底飛27號既01:15定13:15架?你哥邊中午已經係我哥邊夜晚喎你有無睇錯呀?
媽：哈哈應該係飛27號中午28號先到香港…
我：……………………………………頭先又咁肯定係27號星期三到…..
等我期待左聽日咁耐…
原來係世紀大騙局!!!
我問佢好多次…幾時番..
佢次次都係答我星期三番到….27號星期三夜晚同我食飯..
無啦…我聽日原來咩都無喇….;[
又要做多日孤獨老人….
等我仲周圍同人講話佢聽日番添…..嗚嗚嗚



今晚又係食烚菜…
唔係好夠~
依家出去再整多塊法式烤多士吃吃先~~~~~



報時：距離六公子出使韓國之旅仲有—-95日~