法國瑞士塵世美之旅2012-05-19第一天(陰天少雨)

噚日星期一已經好多野做……今日仲多……只係聽到…..聽日只會再加籌………………………今日放工覺得做左一日半既野…………唉…………..我淨係想做兩個鐘可以有一個小Break…….咁就好喇~聽朝有得食麥當勞….我依家都feel唔到開心;[



2012-05-19
Day 1(澳門->香港->杜拜)yoyoyoyoyoyoyo~~~~出發喇~~~呢個旅行由2011年5月開始講架~~~~經過一年時間既籌備終於開始左我地既旅行喇~~~就如之前所講….其中兩位公子因為有個好緊要既試要考….所以要後幾日先join番我地~~於是就我和毛寶兩人先行出發~超級緊張心跳的~~~哥日飛黃昏18:40…..可以搭機場船了~~開心~~唔使自己抽黎抽去~~~通常搭機場船都要搭起飛前三小時既船……有一班15:45(差5分鐘….唔夠3個鐘)…..我問賣飛哥個野搭唔搭得….因為15:45之前哥班船係14:00….好似太早…..佢話可以於是就搭15:45出發了~出發哥日好彩有毛寶的二姊和二姊夫黎接我地去碼頭(謝謝~)…..因為哥日出門口都係有少少落雨….(我最近三次旅行紀錄出門都係落雨的……why?)



我超級期待去法國的~因為可以話係舊地重遊~之前好細個時去過一次旅行……跟住因為”回歸”而移民左去法國(97之前都有好多香港人移民既呢~)……不過…住左9個月度…..我實在忍唔住太寂寞…..求爸爸求左好耐….之後成家又一齊番番澳門~~(運吉的~)….可惜既係…….我學唔好法文….因為當時太細個(小學一年班)….加上我讀國際學校….所以都無咩學好~唯一應該係學會俾其他鬼仔蝦既時候…..還手打交囉~(我知我好粗魯….但哥個時候係無人幫到你囉~)…….個鬼仔俾我打過之後知我唔好蝦~就無再蝦過我lu~(叻豬~)



hello~素顏現身~搭飛機好乾化唔到妝~(希望無嚇親小朋友~)….出發前我超乖的沖涼洗頭~預備好要搭一日一夜機!!!睇下~~我地帶中gip去咋~無人信有女仔去法國用中gip~仲去15日…….哈哈~~我地就要創造呢個奇蹟~

點知班船就黎去到香港機場時話碼頭無位泊…..跟坐熄引擎係海中心拋下拋下等有位….就係咁…..拋左三個字先泊到位埋去….話實在…我幾想嘔…..



非常非常的期待搭呢間航空公司~阿聯酋航空Emirates Airline~~~因為好耐好耐之前坐過好舒服~~~(我地當時跟旅行團被upgrade左坐商務客位~有14年前~當年d經濟位都唔錯的~)….仲有出發之前crystal話阿聯酋航空被網上票選為全球最佳餐膳航空公司(非官方)….我呢個飛機餐迷怎能不期待~~~~~~~~~~~~~~~~不過可惜……check-in時個地勤…….將我同毛寶第二程機既機位分開坐……….大拿拿7個鐘喎….又話爆哂無得轉….唉~通常普通航班登機時間都係起飛前半個鐘…..唔知點解佢要起飛前50分鐘登機???我地飛18:40…佢要我地17:50登機囉….我望下隻錶……已經17:30…..痴線架!!!!!!!仲未過行李檢查未攞番機場保安稅未搭無人駕駛列車未買雜誌……連我好想食既勝博殿都未食………………..我唔知點解平日無人既行李檢查…呢日一大堆人………………………….過完行李檢查退埋機場保安稅(今次係香港機場遇上最無禮貌既人…就係退錢哥個…張錢飛俾我飛到差d飛出佢張檯…一句對唔住都無我話佢佢仲啤我….最後我送左一句死八婆俾佢~)…得番10分鐘去閘口…..我諗…我地今次預時間預得太少了~老貓燒鬚~

我地係搭阿聯酋航空EK383航班時間18:40由香港飛往杜拜轉機…..飛8個鐘30分鐘……….暫時既成員係t~毛寶~囉jer~熊熊~

Aircraft係A330-200…..就算幾趕…我地都係買左兩本雜誌上機~

趕到上左機先有機會影呢張慣性相~特區護照出發~值得留意既係：其實澳門特區護照去杜拜係要簽證的….如果只係轉機唔出境….而轉機時間少於24小時….就可以唔使簽證…….雖然我得到旅行社既證實….但都係….驚驚地~(因為之前去中東同非洲國家佢攞住我地本護照驗屍咁驗…….真係幾驚的~毛寶仲試過係埃及俾海關叫入房…)

影完呢張相先望下週圍….咦….乜隻機….咁舊既???????位又窄…..亞洲身型既我同毛寶都覺得唔舒服!!!電視細到呀……我張檯仲係爛既添….點搞呀???



welcome drink~我選了菠蘿汁~小食…還可以~

第一餐晚餐…appetiser係spicy salmon salad(幾中東味~幾好味~)….main course我揀左stir-fried chicken with cashew nuts(意想不到的好味~雞肉仲要係嫩架囉~~)…dessert係red bean cake(即係紅豆糕啦….怪怪的)…..野飲我緊係飲白酒啦~nice~

其實好多人都怕食飛機餐喎….我覺得幾好的~因為我當佢係一餐fine dining看待的~試諗下有前菜又有主菜又有甜品又有芝士…..紅白酒其他野飲任飲….環境方面打開窗咪有月亮同一堆星囉~樂觀d既其實可以咁諗~



毛寶哥個main course揀左fillet of nile perch….俾人笑我英文差都係咁話….除左of字之外….我一隻字都唔識解…………(番屋企查字典先知係nile perch=尼羅河魣魚….相當屈機…..我英文唔叻點會識perch呀…中文我都未識……寫fish咪好囉….我唔識頭哥幾隻字都知係咩嘛…都唔顧下人地唔識英文既)…毛寶揀呢個既原因(係咪覺得佢好勁呀~)….係因為空姐攞住個寫住”雞和魚”既餐牌而揀的~

唔記得講…這個魚的相當好吃~有機會遇到呢個”fillet of nile perch”可以叫下~



對我黎講搭飛機既樂趣…除左研究飛機餐既所有野之外….仲有就係睇戲~~但係呢隻機超少戲睇….悶到抽筋….個player仲係以前哥d飛機咁樣由佢控制幾時播….無得自己揀睇邊套先開始播…搞到我有時想睇哥套戲miss左開頭又唔想睇….呢程機…我淨係睇左八星抱囍(爛片一套…好彩新年無俾錢入場睇….但有d位我都係笑得好開心~:])……第二餐…..sandwich—-cheese and chicken on focaccia bread……講真…..成個餐….最好味係後面兜生果…..個包堅難食…連我都食唔落….

我成程無訓過…….實在坐得太唔舒服



華~經歷8個半小時我地終於到左杜拜囉~~~同澳門相差四小時…到既時候已經係哥度既夜晚11點幾~

我由呢度開始已經石歧婆上身~(p.s.石歧婆無貶義….只係將個袋孭係最前面以防俾人偷野~)



杜拜機場~我諗呢個機場專係俾人轉機用….全部鋪頭….我懷疑開24小時….好似係第二度未見過~超多人轉機……完全係一個小型不夜城~杜拜機場有收費淋浴同免費淋浴….收費會提供清潔用品毛巾風筒之類既野俾你(但我唔記得收費幾多)…..免費咪就係咩都無囉~得個花曬俾你~~~毛寶忍唔住…..帶哂野沖涼…我梗係懶得就懶啦~:]…..免費淋浴好多個廁所都有架~其中一個好似係221閘口哥個廁所~(唔記得有無記錯架~:])

沖完涼就週圍行下佢d duty free~都有好多中東特式既手信買既~

提下大家…..毛寶上網做過資料搜集….如果你搭阿聯酋航空係杜拜轉機個時間超過4小時或以上…..可以攞你哥兩程機既機票….去一樓既呢個information度攞一張meal voucher…..去指定既商鋪換一餐~~~其中一間係麥當勞~

連機場裏面都似個沙漠~

左揀右揀…毛寶話以下落黎10幾日都係食西餐…要食d亞洲野….所以用meal voucher去呢間指定商鋪度食~

幾週到~野飲都可以換~野食一般啦~唔使錢無得要求咁多~~最緊要機場有免費wifi就得喇~~(呢樣真係唔係個個機場必定有…澳門就係其中一個…無……)

噚晚好開心去到neway唱k~
超耐無唱過~發現佢依家有Mr.既演唱會視聽版~
超開心~
好開心咁番到屋企…
同一個人whatsapp…
xx：no update ge
我：係呀~番到黎好攰嘛~
xx：你咁樣對你d忠粉架….知得我今晚唔同你唱k..我就有得睇blog
我：……………………….
好多謝呢位忠粉對我咁忠心~
但我真係好想唱k呀~



報時：距離六公子出使韓國之旅仲有—-109日~