法國瑞士塵世美之旅2012--->預備篇

星期六同星期日都睇左套3D戲…..噚日睇左MIB3…..MIB無論影評係好睇定唔好睇….我都係會追落去~無他~追開就有情意結~~~~睇到最尾我竟然有少少想喊~~今日就去左睇普羅米修斯Prometheus….睇之前我以為係d類似外星人既戲…….臨開波睇先知係異形既前傳……..好彩都唔算太核突~都幾好睇~



出發前準備
華華華~~~今日終於出到法國瑞士既遊記喇~~~今次我想講少少前言先~我超乖的~星期五晚由夜晚10點開始揀相揀到凌晨三點~~~~~終於排好揀好哂相出blog喇~~~~好興奮呀~~~因為我覺得寫番個旅遊blog等於去多一次旅行咁樣~~~~我今次都幾期待自己寫blog的~~~(有d變態~)~~~可能有人諗點解我要揀相揀咁耐???因為其實我唔止用自己d相….仲用埋毛寶影d相~(你知啦~毛寶d相都有忠粉架嘛~)…..我部相機有2200張相+毛寶iPhone的700張相+毛寶lomo機的400張相=”3300張相”….痴線的~



想用少少時間係度讚下毛寶~點解要用毛寶d相??除左因為佢d相都有忠粉之外…..因為佢影d相真係…….好鬼靚呀~~~~本身我諗住淨係用我自己d相….但一睇我同佢影同一個景….佢就有本事影到成張相好似postcard咁靚…..幾鬼唔抵得佢~~~~所以今次個遊記都係用我地兩個加埋既相寫成架~~~~~我覺得好似我眼裏面睇到既野同佢眼裏面睇到既野係唔一樣……遲d你地睇相就會感受到!!往往因為睇既人…相機…同角度….都會令到張相表現既野都唔同~佢真係我心中既藝術家~*3*….(之後大家見到d相顏色鮮d或者有懷舊味哥d就係毛寶影架喇~~)



又要講下預備既野呀…..去旅行之前要講下有關買旅遊書呢樣野….你知啦…自由行有好多資料要搵架…所以一本好既旅遊書真係好緊要….有關巴黎既書我地買左三四本架…..不過唔係本本都好睇同岩用~有幾本我地真係睇到想訓覺(重點第一係要好睇)……….毛寶過甚至產生唔想去既念頭~~~~~所以我想推介一下我地認為幾好既一本書~~~就係呢本：搭地鐵玩巴黎~~~呢本唔錯喎….地圖ok(最緊要係個地圖)….介紹d野又實用!!….加上岩哂我地….個主題係：搭地鐵…..因為佢寫出最好遊巴黎既方法係地鐵+步行!!!!!……..如果想去巴黎自由行~呢本唔錯喎~

我地淨係帶左呢本書去咋~~~除左書既地圖之外…唔好忘記仲有一樣好好用既野~~~就係google map喇~~~成個旅行都係靠google map呢個超清析既地圖幫我地搵到無數既路…..遲下再講下佢既神奇~



瑞士既書….真係睇極都唔會覺得好睇….一打開就想訓….比較好既係呢本

我哥時去台灣買的~(台灣最多旅遊書買~)…….如果你想旅行順利….旅行前既行程規劃仲有資料搜集係一定要做的~(其實大家都知我地係去旅行前一個禮拜我地先有哂整個行程出黎…..要出動四個人腦做資料搜集+專登出黎傾先搞得掂~)….機票哥d我都留意左好耐…..最後係舊年年尾佢地番意到阿聯酋航空有特價機票出就即買~住宿方面都係自己上網搵的民宿….因為酒店太貴~(呢個遲d講~)



去旅行之前仲要換錢的………我第一次見瑞士法郎呢種貨幣咋~~~超靚囉~~~好似一張張既博物館入場劵咁呀~~~~~

講下兌換率先~由於去兩個地方用唔同貨幣…..去法國用歐羅…..我換哥時大約徘徊係9.99-10.30之間……即係€1=10hkd(用10好計d~)…..我就係帶住咁多過法國喇~~€1300=13000hkd~~~心口有個勇字~~(我地番左黎之後歐羅跌到去9.6囉….)

而瑞士法郎…個兌換率係8.4-8.5之間…..個貨幣簡稱有寫係CHF….又有寫係SFR…..我地作話可能係德文叫法或者係法文叫法唔同……我鐘意叫CHF多d…..即係1CHF=8.5hkd(又係用8.5啦好計d)…..我只係換左600CHF=5100hkd~~哈哈~~因為毛寶話歐羅用唔哂可以係瑞士火車站換瑞士法郎…於是我就唯有寄望d歐羅用唔哂啦~~~番到黎d瑞郎跌到8囉(我每天都有睇交易現場的~)

其實出發之前我地大約計左要用幾多錢….包括交通…住宿…食飯…買野…之類之類~





華華華~~~
我星期五去左買Mr.隻起勢搖滾既dvd…
我有幾可套戲會買dvd呀……….最多好好睇哥d我都係買vcd..
所以我真係好重視呢~~
另外我仲為左Mr.個澳門623演唱會…
我走左去Daiso買左個14蚊既大聲公…
諗住入場壯大聲勢支持布志綸~~~(唔知我到時敢唔敢用呢~~)
what a crazy 忠粉~



今日番左去阿婆度食飯….
舅母：阿bee你去左邊度黎呀??隻手咁黑既(驚叫)
我：?!?!?我咪去左法國囉
舅母：下??!?!法國咁曬既咩??
我：係呀….我無查個身既防曬淨係查面咋又成日用手遮太陽..
舅母：華…我以為你唔知做咩隻手咁黑仲以為d關節有事呀..
我：……………
原來我隻手已經黑到去呢個程度………….
隻手點先可以美白????




報時：距離六公子出使韓國之旅仲有—-111日~