日本東京血拼美食之旅2012-03-14第四天Part 2(天朗氣清~)

今日都係病假中……..其實噚晚依然咳咳咳…..喉嚨可能咳損左…超痛….不過我噚晚都算早訓…..都幾乖咁啦….係咪通常訓到朝早都會咳醒??朝早六點幾七點就咳醒左……忍唔住起身……吐哂d痰佢…..企係廁所咳左好耐……..去廚房飲啖水….再咳過….如是者吐左好多(有d核突望見諒)……之後訓番….再起身時……覺得個喉嚨好番好多喇~~~~~yeah~~放炮仗慶祝~~~~~喉嚨無咁痛喇~~好野~~~~又無咁多咳~~~好野~~~~真正的好野~~~~明天可以精精神神上班去~~~~~



2012-03-14
Day 4—-Part 2(日本東京)跟住就去行平時去開既shopping street行下~~

每次經過都會影既小物雜貨店Coeur de Coeur~貪佢外表靚~不過好似一次都無幫襯過~

另外一間專賣青蛙的雜貨店~

第一次行過見到有間專賣冷呀….線呀….等等手工勞作材料既鋪頭….入去參觀下~我都買左兩個羊毛顫公仔(要自己整~)…不過諗諗下….我都未學過…都唔知識唔識整添~

不過覺得吉祥寺呢條街好似越黎越少野行……連平時去開哥間玩具店都搬左去一個超遠既地方…仲少野賣左…..公園又唔會次次行(井之頭恩賜公園…都幾好行~幾靚…如果有櫻花睇我會去的~仲有公園出口有條街都幾多野睇~)….下次都係諗下再黎唔黎吉祥寺好…不過吉祥寺有d藥妝店又真係平過新宿池袋哥d既~…….講開又講…但係依家藥妝店己經無咩平野買….因為匯率問題……我以前同杯係藥妝店睇超耐要毛寶等到恰眼訓…我今次都無咩行藥妝店….睇藥為主…佢d護膚品一d都唔再抵了….好似我用開既sofina防曬….澳門係288mop….日本折左之後竟然賣3100円=310hkd……咁….我為乜事唔番澳門買呀??所以今次….一件護膚品同化妝品都無買!!



又行過牛奶妹既蛋糕屋~今年又換了新衣服~下次搵哂四次去既相俾大家對照下我同牛奶妹既變化先~~~

中午時間就黎到新宿蟹道樂度食蟹喇~~食全蟹宴架~~~~~~好開心呀~~~~~我地去新宿總店食…..地址：東京都新宿區新宿3-14-20テアトル大樓7・8F…….Website：http://douraku.co.jp.t.at.hp.transer.com/kanto/..有好幾間分店…想去第二間可以check下其他地址….有餐牌睇~~重點有中文睇架呢個~~雖然有d譯到怪怪地…不過你都會明既~雖然係話7-8樓…其實你都係要上左8樓先睇佢俾你坐咩位~

裝修都帶點點舊時日本風味~坐位係要你疑似跪係榻榻米食….其實係坐架~因為下面有個窿伸隻腳落去的~

我地坐低研究左一陣…..見我地將個餐牌揭黎揭去…..佢攞左第二個有中文既餐牌黎~~~我地就係想食呢個喇~~~~下午四點前都可叫既午市套餐~~~之前都黎食過~~食過番尋味~~有幾款俾你揀既~~~

我地就叫左最平哥個同埋中間價錢哥個華之舞2900円=290hkd…同埋扇之舞3500円=350hkd~~~可以試下多d野~~咩都有d~~但全部菜式都有用蟹的~~~~~

連托筷子既托都係蟹黎架~~kawaii~~

呢度個杏酒好好飲架~~~一飲難忘呀~~因為通常出面淨係有梅酒飲~~好少聽有杏酒飲既…..杏酒價錢550円

兩個套餐都有既：水煮松葉蟹~(點醋食)…同醋食唔錯~不過始終水煮…蟹味有d流失!

兩個套餐都有既：松葉蟹刺身….這個刺身的超好吃~~真的超好吃~~超鮮甜~~

扇之舞餐：松葉蟹茶碗蒸~好味~清清地~

兩個套餐都有既：蟹肉沙律~夠清新~好味~~~

扇之舞餐：迷你奶油汁焗蟹…..個器皿好得意~~細細個架又有蟹既圖案~~正因為佢細….份量岩岩好~~因為呢個食太多會好漏~但係好好味~~~

扇之舞餐：迷你松葉蟹燒賣~有芥末同豉油俾你調味~~ok~

華之舞餐：炸松葉蟹餅…..炸既…加上點d黑munk munk既吉列汁…食唔到咩蟹味…呢個一般….不過勝在攞到黎夠熱辣辣~

扇之舞餐：松葉蟹箱壓壽司….即係關西名物….攞個箱壓到d壽司變方型的~呢個一般~不過佢黑黑地色哥舊醬瓜超級的好吃~~送飯一流的~

華之舞餐：松葉蟹雜錦小鍋(釜飯)…..呢個超好吃的~~~~係將d蟹同飯一齊蒸…….一開蓋超香的~整左每人一碗飯….每人有d蟹腳…….有指示教我地食架….首先叫我地享受左一啖飯香先…之後將佢茶壺內的木魚湯倒入碗中…..加紫菜變成泡飯食…..這個超好吃~~飯和蟹都好吃….水煮蟹同蒸既蟹分別真係好大!!!!蒸蟹鮮味係哂度!!!!!!

題外話：我超蠢的….我誤會左佢指示紙上既提示….懶醒咁同毛寶講將d倒番入鍋度…..毛寶問乜唔係直接倒入碗度食…我話︰梗係想整飯焦啦………..最後倒左d湯入去等左一陣發現……..個窩咁深佢又無俾湯匙我地…點攞番d湯同飯焦出黎????最後係毛寶對了…我懶醒了~我將成個窩抽起將所有野倒番入我個碗中…….哈哈~



扇之舞餐：左邊的蟹肉清湯和……華之舞餐：右邊的蟹肉麵豉湯和醬菜~

甜品…..兩個餐都可以係同五款甜品裏面選自己鐘意既~我揀左呢個~首先個侍應個綠茶同個掃好似日本茶道d人咁搞搞一輪(唔記得影相~)…之後將熱熱地既抹茶淋上個雪糕度~都幾好味~~最緊要有表演睇~(可惜毛寶去左廁所睇唔到~)

毛寶揀既綠茶雪糕~好味~

睇番依家d相先睇到個雪糕都有將蟹仔形既紙墊住~kawaii~

最後就係茶喇~

好難講話揀邊個餐好…因為個好好味既蟹蒸飯係華之舞先有(平哥個餐)….而其他好多唔同種類既蟹料理又係扇之舞先有(中間貴哥個餐)….所以如果你有兩個人去既話….咁就試下叫哂兩個share黎食仲開心~~~順帶一提~佢夜晚都有套餐的~不過無中午時間咁平~都可以試下的~之前都有食過夜晚都唔錯~夜晚就多人d….中午時段超少人(閒日~)……..難得午市套餐做到四點~~岩哂我地行完街過黎仲有得食~不過服務員姐姐態度麻麻…無咩笑容~不過都值得試下呢個蟹宴~





今天沒懶在家~
我有好用心咁排台灣行程~
務求媽媽玩得開心~
yeah~



7-11今日開始換懶懶熊喇~~~
好想換呀~~~~
有無人唔要印花俾我呀~~~



報時：距離台北吃吃吃之旅仲有—-8日~
報時：距離法國瑞士塵世美之旅仲有—-51日~
諗起台灣既野食就流哂口水喇~~~
去完台灣又要開始諗法國既行程…..肯定頭都大~~
不過去完之後我一定好失落囉…………………………………
無得再報時…….
可能要等到年尾先有….
鬼叫我今年d旅行集中哂係年頭咩…(你自己排既….)