我的生日會@星際蘇淅滙2011

yoho~今日既工作量正常番少少~令我有變番做人既感覺~~天氣好潮濕呀….濕到噚晚訓覺時好難以入睡……硬係覺得空氣好侷…..好難抖氣……….所以決定…今晚開冷氣訓~!唔係唔環保呀….係醫生建議媽媽開架~



繼續繼續講我舊年既生日飯呀~呢餐係媽媽請我既生日飯~就係我生日既前一晚食既…媽媽話想食上海菜….同埋想食星際酒店既蘇浙滙~食之前無咩好感…因為我之前食過佢中午任食……好似98蚊位….點心紙d野都幾吸引…..不過係一d都唔好食囉……亦無諗過會再幫襯……..不過媽媽話想食呢間就去試下夜晚啦~

出席既人有……三位靚女~媽媽真好~請埋毛寶一齊開生日會~

我地哥日被安排坐卡位…..坐得幾舒服~環境都ok架~侍應哥哥姐姐亦有禮貌!

第一味係醉雞~好味道~夠哂酒香~

第二味係我好想食既素鵝….唔係真既鵝…係用腐皮炸成既….呢個…呢度….整得超級好吃呀~~~~~基本上我自己食左半碟~外脆內軟~係呢種呀~~~~

第三味係清炒蝦仁~~好味道~蝦炒得夠脆~配上鎮江醋食~一流~

第四味蟹粉小籠包….唔….呢個一般…唔夠我係香港食既哥個好味

第五味為毛寶而設既菜煨麵~ok!

第六味…..我真係唔記得呢個係咩排骨…醬燒排骨?唔記得…我淨係記得…好好味~~~我地三個都讚好~d肉又唔怕鞋…正斗呀~

媽媽話佢唔夠飽…想叫多個普通既小籠包..呢個普通啦…都係秀蘭小館個小籠包好味!

第八樣係甜品時間喇~呢個好似係咩紅棗糕…又幾清甜喎~好味呀~~~楊枝金露就普通野啦~

經過blog友旭仔講起..我先知原來星際酒店既呢間蘇浙滙係米芝蓮一星喎~!你之前問我好無味..我依家可以答你：千祈唔好中午去食任食…平野無好…如果唔係一定會失望……夜晚出品…..好好味喎~~~我諗我會再去!!!好好好好好好味~我記得哥晚食左咁多野…..三個人600幾蚊….唔係平野….唔係貴野………但係係好味野~

好多謝媽媽你呀~咁辛苦生我出黎臭到我依家牛高馬大~其實生日前既呢一日我過得好唔開心架…..因為呢日我番工時媽媽同我講佢突然間睇野好朦…..隻眼無啦啦睇野有一個黑點…..哥日佢係山頂睇左成日醫生….又要照呢樣哥樣…搞左成日…..我哥日就仲要番工既…….一路番工又一路擔心…..又咩都幫唔到手…..每一次我有病媽媽都會係我身邊照顧我….我有好內疚…..心急到係廁所喊左出黎……..一放工就即刻衝上去陪媽媽……搞左好耐….不過好彩最後唔使做手術…..話其實咁樣既視力無得再醫…原因係年紀大………就係山頂睇完醫生我地先一齊去食飯………..所以生日前既呢一晚…我係唔開心…..雖然我成日笑你又搏你咀….但係….媽媽我真係好愛你…..我也愛爸爸…雖然佢已經唔係我地身邊…..我會用120分力黎錫你的*3*….所以27歲時的生日願望…係希望媽媽可以身體健康!過得開心!…….我都希望毛寶…我識既朋友…仲有所有blog友既爸爸媽媽屋企人都身體健康~有健康先可以做到自己想做既野~*3*大家~

媽媽係我心目中既靚女~*3*






我既身與心都準備好要去旅行喇~
好開心呀~~
不過又好擔心…
因為好唔捨得媽媽~
我阿媽又會話我：好似平時照顧你哥個係我喎…
哈哈……
今日放工時諗起…
我好想食鹵水鵝翼呀..
好想好想…….
流口水中…..



今日貞貞生日呀~~~
生日快樂呀~祝你…..心想事成~
想要咩..有咩~
好似過緊新年呀~



有同岩岩結婚~
蜜月旅行係去北歐睇極光..
仲要係自由行!!超勁!!
今朝睇fb佢post d相出黎..
真係成功睇到!!(其實極光真係好難見到)
恭喜恭喜!!!



報時：距離日本東京血拼美食之旅仲有—-4日~
報時：距離台北吃吃吃之旅仲有—-30日~
報時：距離法國瑞士塵世美之旅仲有—-73日~
哎呀…..法國d車飛仲未訂添…
日本d優惠劵未印添….
要記住先得…..