日本東京血拼美食之旅2012-03-14第四天Part 1(天朗氣清~)

今日係番工日………本來番晏係9點度起身…..點知朝早咳咳咳咳醒…..發現個喉嚨仲痛過噚日…..本身係俾十張紙劃喉嚨哥隻痛….今日直頭係俾界刀界既哥隻痛……唯有起身飲多d水啦…..好準時咁番工………一番工成個人都暈陀陀…….叫籌入黎做……本身做七分鐘既野…..做左成十幾分鐘先做完…….原因係因為我每講兩句….咳三下….每講兩句….咳三下……如是者…你知我地依家幾多野講啦…又要有禮貌喎………我已經盡力俾禮貌…..好可惜有禮貌之後送埋咳咳咳俾d客……仲有我哥個咳到就黎想嘔既表情…今日獨家發送……六個有五個客都係聽唔到我講野….哄到個身超埋黎聽…..跟住好多同事頂我唔順問我做咩唔抖多一日………我就話：醫生哥日求佢先俾一日假我咋……跟住佢地就話醫生好衰…….叫我再睇….因為我真係咳到癲…..多謝大家既厚愛同關心…….基於其實我自己都好辛苦…..自己都頂自己唔順….走左上山頂再睇…..食左隻消炎藥5次反而仲痛………..好快分左流…….不過分左流等左成兩個鐘都未到我睇……後尾見到後過我既人都睇左..我好聲好氣問分流站護士…我：唔該我想問下仲有幾個先到我??護士：4個(冷淡既語氣….我預左….見佢用手護住個肚但又未見肚…我估佢有左….咁就仲要算啦….陀仔都好辛苦)…….點知再叫多六個人入去診室都未叫到我….唔係4個就到我咩??我再走去問護士：唔該仲有幾多個……(我未問完)….護士：唔得閒(望都無望過我行開左……)……火都黎….使唔使咁呀….我都體諒你地醫院真係有好多病人好多野做……但係我都係病左至黎je…….於是我好嬲….企係度等佢番黎……佢見到我問我：咩事架?……我：你依家得閒喇下嘛??(我都唔客氣)….個護士先知衰：呀…依家先少少得閒咋…..係啦..你叫咩名呀..我幫你睇啦….你仲有兩個呀…….我：頭先話4個叫左6個入去都未到我…..依家又仲有兩個呀??護士：我都唔知架…醫生叫架………………………之後再叫多三個先到我囉….唔明點解…..唉…算啦……見你大肚我先放你一馬咋…….(不過有可能佢唔係大肚…係肚痛….大肚係我自己想像~)….好彩醫生可憐我坐counter俾左兩日病假我…..可以俾我個喉嚨休息下…….

2012-03-14
Day 4—-Part 1(日本東京)一早起身天氣仍然咁好呀~~~呢日我地就去吉祥寺~一個我地認為好舒服既地方~係過左番工時間搭既JR舒服好多~我都幾鐘意呢張相~

係池袋搭山手線去新宿轉車….仲掛住玩影相…哈哈…..明明睇書同地鐵圖都話中央.総武線…..係各駅停…會經吉祥寺架嘛….但佢去到中野就會番轉頭去番新宿……連續兩次都搭錯車!!後尾忍唔住….轉第二條線搭……今次搭中央線(快速)…..上車前係月台問左個日本女仔…..確定係岩既我地先上車…..今次終於搭岩~不過浪費左30分鐘~~!!



終於到達吉祥寺了~~氣息太好了~~毛寶話只有日本先有呢d分岔口~

吉祥寺超多人踩單車~~!!可能係呢個原因令到我地覺得呢個地方既人總係好悠閒~

呢張都好有冬天feel~

我地次次黎親吉祥寺都會黎呢間PANCAKE DAYs度食早餐架~~~~地址：東京都武藏野市御殿山1-3-9…..有興趣上website睇下：www.pancakedays.jp

係一間小小的cafe黎架~~~我好鐘意呢間cafe~

鐘意黎呢度既原因好簡單~~睇下餐牌就知喇~~

因為會為你送上笑臉~~~~:]:]:]:]:]



我真心唔知醜想叫呢個kids餐(因為平)….不過好彩睇清楚…..原來係限定小學生以下的~橫睇掂睇….我地都唔似小學生~可能係外國人眼中..毛寶似~

以前淨係得鹹食pancake…依家有埋甜品喎~好靚呀~~~不過依家係我地既早餐時餐~~都係叫鹹食啦~~~

我地叫左一個餐….另外再叫多一杯飲品兩份~(飲品可以唔叫…我地飲哥兩款野都唔係幾好飲….仲要唔平囉….散叫哥杯要成500円=50hkd架)黎喇黎喇~~~笑臉要來了~

可以食到兩款味~鹹食有煙三文魚…洋蔥….沙律醬同雜菜…好味~用笑臉黎食甜食~碟的左上角有奶油~同埋蜜糖~好味好味~



鐘意黎呢度既原因係因為成日都覺得食克佢會開心d架~~

唔好睇少呢間野呀….閒日都有咁多人囉!!仲有d人係出面等位架!!好彩我地行快一步…唔使等位~不過都唔係平架~一個餐有野食加杯野飲要980円….加另外一杯飲品500円…….已經要成1480円=148hkd…..兩個人既早餐價~不過算啦~難得黎到~

笑臉鋪中處處見~

我有把笑臉帶回家呀~~~~好可愛~~~

為了遷就攝影效果…..兩個變了~超大手的人~



我地發現左原來原宿都有佢間cafe~~下次去試原宿的~~~~要吃甜食~~

希望快d唔好再咳喇…
咳到個喉嚨都損哂好痛呀….
今日睇醫生都睇左成兩個幾鐘…
食埋野搞攞藥…….又搞左成個鐘…
(因為我樓下間藥房話我聽佢有兩隻藥無貨….要行去全昌先有….)
如是者…….
搞左成個下晝先番到屋企休息喇…..



報時：距離台北吃吃吃之旅仲有—-9日~
報時：距離法國瑞士塵世美之旅仲有—-52日~
我仲要養好身體去台灣食麻辣火鍋架….拜託拜託~