日本東京血拼美食之旅2012-03-13第三天Part 3(大晴天~)

講到星期五既我講野講到走哂音咁……唔知大家有無睇之前東張西望請華仔同葉德嫻上去為桃姐接受訪問……..哥時葉德嫻把聲病到出唔聲咁滯…我仲笑佢：heehe….有人病到把聲咁既……完全唔係佢把聲………………..星期六咪報應囉……起身時直頭出唔到聲……..成日同人講野都唔可以大聲…一大聲就會變葉德嫻病左哥把聲….簡直超醜….就係由星期六開始俾毛寶叫我做桃姐(係老土姐先岩…)…….夜晚出街食飯想食咩用手指一指叫毛寶夾俾我食….毛寶同皮皮都笑我話好似照顧緊老人家咁…..其實我feel到自己好唔舒服….做咩都無力….不過約左食飯又唔想失約~星期日起身把聲終於出番黎….不過個喉嚨開始撕裂咁痛…..開始咳….咳到有d頭痛…….所以終於頂唔順上左山頂睇醫生…今日放病假……..喉嚨仍然痛…噚晚咳左成晚訓唔好……起身至依家痾左3次…唔知做咩……所以有兩晚好乖咁完全無開過電腦~



2012-03-13
Day 3—-Part 3(日本東京)行左一陣裏原宿…就梗係行過對面既竹下通啦~竹下通賣d價錢相宜d既野~不過平既野….靚唔靚就見人見智喇~

點知行行下…..華……卡樂b都有專門店?!?!?!?咁勁??入去睇下先~

行到入去人頭湧湧…..要睇真d野都唔係易事~

華~原來有野食賣架~~~係即炸既卡樂b呀~~有薯片薯條架~~~見到d架妹個個拎住杯野係度kawaii kawaii~一路攞相機影影影…..見最新出哥本旅遊書又無介紹喎….我地推斷……呢間卡樂b係新鮮滾熱辣新開架~~~~~~唔係唔試呀下?????????

條隊都幾長下….有成十幾個人係前面…..排緊既時候左望望右望望……間卡樂b有好多唔同口味既零食買架~~其實我係十分想買架….不過諗下自己個gip…….er…..

我好想買中間哥行右手邊哥隻公仔架…..因為覺得自己唔會玩無買…依家睇番張相又諗…點解哥時唔買呀…………



自從有呢隻jagabee公仔出現係卡樂b呢隻牌子之後毛寶就覺得成個卡樂b可愛哂~~佢仲話覺得呢隻野好似我~不過唔係話我可愛…係話我同佢一樣有雀班咋~

一路排隊一路睇有咩食….綠色呢個係排no.1架…梗係要食啦~薯片餐牌….一粒字都唔識睇喎~不過店員用佢僅有既英文話左俾我地知其中一個係朱古力味…..薯片同朱古力?!唔要….於是亂叫左其他……….買完之後就等佢即炸…都等左5分鐘度….一攞完飛我就即刻行過去同俾野食既姐姐講我地係唔識日文既~等佢知道到我地哥時可以叫我攞~等緊時聞到大大陣芝士味….心諗…如果我地都叫中芝士味薯片就好喇~不過我地係要交俾個天安排~

出爐喇~~~~上天送左芝士味俾我地食呀~~~~多謝老天爺爺~

新屎坑總是好味的~熱辣辣的即炸薯片….加上芝士醬係面~~唔錯唔錯~不過如果芝士醬可以多d就好喇~~~綠色哥個都幾好味~叫做試過下竹下通新野做左潮人啦~

第二樣竹下通我次次都食就係Marion crepes~唔係無咩特別…係一種情意結~

本身想叫士多啤梨味雪糕同芝士餅crepe架~不過行到埋去見到有芒果味的期間限定…….即時轉軚~~~~

好無味就見人見智啦~我都係比較鐘意鹹既crepe~成400円=40hkd一個架…兩個人食一個好喇~

越夜既竹下通….越熱鬧~不過我地就係呢個時候走喇~番酒店放低野~

跟住就出發去我好想好想試既—-登亭鰻魚飯…..係上野架…..我地特登係池袋搭成七八個站黎呢度食…因為旅遊書講到好好食….除鰻魚飯外仲有個湯…叫肝吸…係用鰻魚內臟煲成既湯~好想試~本旅遊書寫佢收22:00….我地好乖20:40去到….點知……………..佢提早左休息囉….收20:30…有無人明我當時既心情???我就在上野街頭….講左三次粗口….

順便提一提….上野有好多賣野食既手信鋪頭都好抵~可以睇下



我係超想係日本食一碗鰻魚飯….於是我死心不息係上野行超多個圈….行行下…..我地行入一條街…黑黑地….超多男人望我地……我再望左望右……竟然有好多影住女仔豐胸既相….寫住momoko喎…….竟然俾我地行左入去上野既紅燈區!!!!有個飲左酒既阿叔突然向一個隻手ja住電視話講緊既女仔作詢問狀…….只見個女仔好驚咁灑手擰頭拒絕….我同毛寶估計佢問緊個女仔價…..痴線架!!個女仔一d都唔似做哥d囉….咪癲啦…..呢個紅燈區比起新宿歌舞妓町恐怖一千倍有多!!!!!!!!!!女仔夜晚千祈唔好係上野亂行呀!!!!!!三魂唔見七魄之際見到呢間有鰻魚飯個圖即刻衝入去食食避避先~

同師傅近距離接觸~睇一睇餐牌…..先知原來….呢間係一間韓國餐廳…我去到日本…食韓國野~唔知搞咩~

唔理喇~我要食鰻魚飯呀~見都唔係好貴~700円~試下囉~都幾好味喎~重點係：佢除左鰻魚俾好多汁之外…..個飯另外都落左重手汁~開心~

重叫左個餃子食~有水準~~!!皮薄多汁~正~

毛寶食左個泡菜豆腐鍋跟飯同前菜~我地真係搞事~不過好好味喎~~!!但係唔知係咪太躁…..毛寶食食下爆流鼻血…….止極都止唔到……用左10分鐘先搞掂….最後由我接手泡菜鍋~好味道~~

晚上的JR月台~冷清~

呢d就係第三日既戰利品喇~~~~痴左線囉~~買左四個袋~~~好喜歡agnes b哥個~~波點袋餃子款~~多謝12000円~~心心袋都好鐘意~~依家番工用緊~書包買黎之後去旅行用…毛寶話呢隻紫牌the north face係日本先有..我先買~~成1000hkd的…有點心痛~不過算啦…買個好d去旅行用個背脊會舒服d架~(自我安慰中~)…..head potter舊款黎架..不過貪佢可以貼身用….愛黎去法國自由行就岩哂啦~價錢無變…以前毛寶買只係600幾hkd…依家日元高左..我買變左要900幾hkd….sad……………….仲買左少少野食~

坐係電腦檯前我仍然咳過不停…
幾時先好番??
我下個禮拜就要去旅行架喇..
我要食好多好野架…
嗚嗚….
不過我知小病是福~
但係都係快快遠離我啦~~~~~



報時：距離台北吃吃吃之旅仲有—-10日~
報時：距離法國瑞士塵世美之旅仲有—-53日~
好緊張呀~~
就快去台北喇~
我一個人plan架…
唔知媽媽滿唔滿意佢呢個生日之旅呢??
希望大家都玩得開心啦~