2012-03-11
Day 1—-Part 1(澳門->香港->日本東京)yoho~~~執好哂d相喇~~~可以出日本遊記喇~~真係開心~~原來有人期待我的遊記~~好~~要俾心機d寫先得~~~~~我地係3月11日出發既~訂野之前都無諗起…….越近出發既日期先醒起….係喎….舊年日本311大地震喎…….事有湊巧……就係呢一日出發….講真….出發前我都有好驚呀…..又驚地震….又驚輻射……不過….是福不是禍….是禍躲不過~照去~太掛住日本喇~~我地有成三年無去過喇~呢三年無去既原因係：1.d yen太貴…..2.呢三年又想去下d唔同既地方…..3.之前又地震又輻射…….4.唔講又唔覺….原來我同毛寶從來未試過兩個人”自由行”…每次都會有其他人一齊去~跟團先試過………咁我地就諗….不如今年試下搵個地方兩個人自由行一下~咁最熟既地方就係：日本東京~加上好想去~咁就成團喇~
今次我地係搭All Nippon Airways(以下簡稱ANA)係香港出發~出發之前都好開心~~因為又係香港機場飛~我地最鐘意香港飛~因為香港機場夠大夠靚夠多野食~哥日我地搭朝早0955班機……好可惜……最早哥班由澳門出發香港機場既機場船…..同我地飛既時間少於3小時….所以我地無得搭……..好可憐….兩個小朋友…..係搭凌晨4點鐘既普通港澳碼頭船……再坐A11號巴士去機場………到左機場先係六點幾….
我地係七點半先可以由東瀛遊個領隊手上攞機票…..(我地唔係跟團….只係一d同團一齊出發既自由行package….呢d package通常都會平d…不過唔好既地方就係你唔可以揀航班時間….不過佢個時間通常都係最早班機去….最遲班機番~)…出發哥日澳門超凍…仲有落雨…多謝毛寶爸爸黎車埋我去碼頭咋~~睇天氣報告…日本都好似幾凍~所以著褸~
見有成個鐘時間….去食番個早餐先~~四點幾起身到呢個時候都係無食過野~食左我好耐無食過既飛碟呀~~仲要係吞拿魚口味~我個人黎講….飛碟岩岩有既時候…我就已經超鐘意食~~~鐘意到想買部野番屋企自己整~~久別重逢…我覺得好好味呀~~毛寶食左個蕃茄通粉(其實我地係想食麥當勞的…因為毛寶想食扭扭粉….我想食薯餅….最後見到個招牌好開心….點知係禁區….我地又未有機票….兩個齊聲爆左粗xx)
係東瀛遊個領隊手上接過機票….就衝入去禁區—買藥….因為毛寶出發之前個喉嚨唔舒服…佢堅稱佢只係喉嚨癢…無唔舒服……到左出發既呢一日….佢最終承認自己感冒~所以去買左盒速效幸福傷風素~之後就去左我地個24號閘口一路上網等登機~
介紹下d團友先….有我啦~毛寶啦~仲有….燕早呀~(燕早成日俾毛寶笑佢個名老土~)
仲有第一次出場既mika呀~好靚呀~於是我地四個就浩浩蕩蕩咁一齊出發~
不過得番狂歡二寶…..杯杯無黎… ;[
今次我地係搭ANA NH912班機飛去東京成田機場~好開心呀…因為….後面講~
超感謝的~因為我係澳門出發時落好大雨…不過好彩有媽媽遮我落樓同有毛寶爸爸車…..去到香港等巴士就無落雨….直到到左機場先開始落雨~好彩~
今次都係特區護照陪我出發的~
登機了~超快地上到去佢就開始派小食……隔離d叔叔由小食開始已經飲啤酒~我就試下飲lemonade~唔錯~唔太甜~包小食超好吃~果真係日本航空公司既野好味d~
放飯喇~~~我要講點解我咁鐘意搭ANA先~首先…我係一個超級飛機餐迷~超鐘意試各個航空公司既飛機餐~~~~(不過我依家既財力….只係嚐到經濟艙的~)~~之前都搭過ANA….佢個飛機餐超好吃的~俾我地講足三年…點好味點好味~~所以我今次好開心同好期待再坐ANA~~~~今次佢唔係叫你揀beef or chicken….係俾餐牌你睇….揀和式定西式….我同毛寶無細心研究…一口咬定：和式既~~~你睇下……好靚呀~~~~~~~~~睇見都令人覺得賞心悅目呢~~~係黑芝麻咖哩豬扒飯呀…..冷麵好好味~~個飯都好好味呀~~平時毛寶唔會太理個飛機餐…今次佢都話好味~我就更加唔使講…成個清哂~仲飲埋白酒~
到着~超快地飛左4個鐘多dd….係當地時間1445就到左成田機場喇~記得日本快我地澳門一個鐘架~~~較快個電話時間先~超快地….唔使兩分鐘….過左海關…真係好快~對上一次我地黎要排成個鐘架!!用多三分鐘就攞埋行李出得去喇~我地今次本來諗住搭機場巴士直去酒店….不過最後都係選乘Narita Express~一出機場禁區落地下鐵個扶手電梯就係~
今次~係我地第四次自由行黎東京喇~~~興奮呀
首先講下匯率先~我地出發前最平既匯率係9.65….即係965yen=96.5hkd…..(依家番左黎仲平…9.25咋….好耐無見過咁平…..)….為左方便我地就當個匯率係10咁計啦~揀搭Narita Express既原因….係因為….比起酒店巴士平!其實本身酒店巴士同Narita Express係一樣價既(酒店巴士Limousine bus—3000yen=300hkd….Narita Express—3110yen=311hkd)…..不過俾我見到有個優惠package……所以放棄了巴士…同埋又驚巴士塞車~~個package係JR窗口有得買….出示你個passport以遊客身份就有得買….套票價係3500yen(單程)=350hkd…但裏面包含左一張出市區既Narita express出市區飛….仲有一張好似八達通既叫Suica既卡….裏面卡值有1500yen…同埋張卡既按金500yen(張Suica卡可以之後搭其他JR線或其他兼容Pasmo既交通工具~好有用~唔使次次買飛~)!變相1500yen=150hkd就可以出市區~~~足足平左一半架~記得用呢個優惠呀~
呢個優惠我地三年之前黎都用過~佢張Suica都有換新款~好驚喜呢~
其實我地係住係池袋既…不過佢同我地講下一班去池袋既車係個半鐘之後….算啦…唯有係新宿駅度轉山手線去池袋啦…..不過唔係太好受….因為佢唔係個個駅都有扶手電梯或者Lip架….所以………..要搬gip上落樓梯的….不過岩岩黎..個gip無咩野….就…搬啦..
hehe~仲有人係車內賣野食架~~~好吸引~上次搭台灣d高鐵都有~我會望住架車d野食超耐….但係無幫襯~
今次我地係住Sunshine City Prince Hotel…係個package set左要住呢間既…..因為我地次次去池袋都會見到既~所以覺得幾近~就覺得無問題啦~點知其實呢個Sunshine city係行街哥part…..酒店哥part……要行過過過一大段路才到的….有點流汗…..
check完in攞埋房….六點幾….兩個都餓到癩….超開心既係：我地酒店大堂有間好大既family mart~~~~24小時便利店~~超開心的~第一時間衝入去搵野食….首先見到好耐無見的—罐裝熱粟米湯呢~~~~~~~攞上手~~暖哂~~一入口~好好味呀~~~~~~~我好鐘意呢款粟米湯的~
不過都唔平架…成120yen一罐…不過咁耐無飲..又一場黎到….飲啦梗係~~
跟住就出去搏命喇~~~~~~~呢個時候覺得日本唔係太凍…我已經換上冷衫就算~
呢度係行到熟哂既池袋~
經過池袋駅裏面既Newdays便利店…..見到……三年前開始愛上既即食卵~好好味架佢~~已經有調味~蛋黃似溏心的~蛋白有味….超好吃的~忍唔住….每人先食一隻~78yen=7.8hkd一隻~
我地本身諗住係新宿睇d野先….同埋要去買第二日既車飛…..於是我地好有型咁行去之前可以買到飛既新宿駅新南口….點知新南口裝修中….個JR巴士車站搬左去個超遠既地方….華…好彩有練習一次…..如果唔係就慘喇…..搵都搵死……
我d記性越黎越差囉….
今日小i同我講話上個禮拜有三樣野改左…
過左一個鐘之後….
我淨係…記得一樣…..@__@
可憐既小朋友…
今日下晝番工時…
腦裏面全都是熱浪薯片的影子…
我好想食呀……
報時：距離台北吃吃吃之旅仲有—-17日~
報時：距離法國瑞士塵世美之旅仲有—-60日~
好開心呀~~
噚日終於成功地買左法國去瑞士既車飛喇~
解決左一樣煩人既事~~
噚晚已經同媽媽商量緊去台灣時食咩好味野~
我想食鹽酥雞和臭豆腐~
沒有留言:
張貼留言