聖羅撒園遊會2011

今日又打敗仗喇….噚晚訓哥時都覺得自己唔妥…..今朝起身個頭又痛…個胃又嘔又反胃…隻眼扯住…頭暈………..所以都係決定上山頂睇醫生…..不過今日等左成兩個鐘先睇完….算啦….今個星期病好過下個星期先病…….呢個禮拜一定要全力養好身體去玩!!我有個同事同我一樣有偏頭痛……我地呢個禮拜頭痛既時間一樣…..上個禮拜五一齊痛…..之後佢星期二三請病假時我都有痛…不過無佢痛得咁犀利….今日媽媽幫我番公司交假紙….原來佢噚晚開始都有痛…不過今次佢又無我痛得咁犀利……我諗…真係因為呢個”春天”既天氣….食左藥訓覺…我發夢…自己行番公司….番工….坐低做野…..同事見到我問我請病假做咩仲番黎…我答佢：要做野架嘛!!…………..我發夢都掛住番工….你睇我幾愛公司…….不過訓醒個人仲係暈暈地…..睇黎我要練大隻d先得…唔係星期日點食自助餐呀!!



我係~我係自戀~你又打黎話我醜啦!!!不過唔準你話我似咀角屎!!

好耐無勇氣唔帶眼鏡影相~就算化左妝都無…因為覺得歲月令我的眼袋又大了~

今日帶大家一齊番我母校睇睇~時為舊年……10月…哈哈~~因為學校搞校慶園遊會呀~先有得番去行下~我係讀聖羅撒女子中學中文部~對呢間學校有好深既感覺….因為我係由bb仔既托兒所開始入黎….直到我高三畢業~~歷時17個寒暑….好恐怖呀…我一生有一大部份時間係呢度….其實我好鐘意我學校哥種古舊既建築~令我覺得好有書卷氣~(但我成績唔係好過人哥隻~)…..依家我都好欣賞呢條似大三巴既走廊~不過以前好憎….因為就好遲到既時候我要跑好多級樓梯呢~~加上我高三間課室仲要係天台….要直跑上4樓!!

係呢間學校發生過好多開心唔開心既野~呢d野成日同學聚會時都會攞番出黎講…依家就全部變哂做笑料啦~~~講舊時真開心(我好老氣橫秋~)~~我地學校仲自己有一個幾大下又幾靚下既教堂~成日係裏面開彌撒…我就成日係入面訓著~

行到上黎就見到熟悉既陰棚~小朋友搭校巴都係呢度集合~仲有小息時賣既野食都係呢度買~~園遊會期間就有好多攤位俾大家玩~

一入到去…….呆左….我以前熟悉既操場去左邊???????呢d係咩黎架…..好醜呀…好似外國哥d好新既學校…我無番黎好多年..我…我..我接受唔到囉…..

新同舊好格格不入囉……好醜呀..我愛以前古舊既學校!!

不過操場就好似大左好多~想像到我以前細個哥時係呢度跑黎跑去打羽毛球的情況嗎?



好彩我望入裏面….原來….裏面仍然係我熟悉的走廊~熟悉的班房~

唔知聖羅撒既校友仲記唔記得聖母岩附近哥兩張乒乓波檯?小息時成日衝落飛個乒乓波板落檯去霸位~

仲有後門既耶穌像….佢無咩唔同…唔同既係…多左個閉路電視…….其實我以前細個行過呢度…..會有d驚…次次行過望下耶穌….之後會快跑番入課室~

其實呢日番黎既重點節目係：我係fb見有舊同學話番黎學校時…竟然有得賣每個聖羅撒學生都食過…而且都鐘意食既咖哩魚蛋~~~一入校門已經週圍搵…點知佢話賣哂…我唔忿氣參觀完成個學校再落去~~終於俾我買到喇~~~~王天不負有心人~~~好開心呀~~~以前就係陰棚哥度賣魚蛋架喇~~~一放小息就衝去買~~為既係：希望姨姨俾多d汁我!!!!因為d汁係超級超級的好味!!!!!!!!!真係真係好好味架~~我話聖羅撒既咖哩魚蛋係澳門美食100強都不為過!!!!!!仲有雞奕之類既小食都好好味架~~~~以前賣1蚊4粒….依家呢兜野…..要20蚊~唔好話20蚊….50蚊我都會買黎食!!!真係真係好耐好耐無食過…超掛住~以我所知依家既聖羅撒係已經無咖哩魚蛋喇~好珍惜呀~

oh my god~~~~~~~~~超級的好吃~~~~仲係以前既味~~~~好好味呀~~~唯一要挑剔既係：魚蛋既質地……咖哩汁仍然係以前既咖哩汁…不過d魚蛋差左d….依家哥d魚蛋有d硬…以前哥d軟軟的………..回憶總是比較美好的~有得再食到~我好珍惜!

唔知係咪讀女校既關係~我覺得我比較男仔頭同粗魯d~又鐘意打人~(好似無咩關係喎小姐….擺明係藉口…我諗我讀男女校都係一樣….)諗起以前既日子~好開心~如果今年既園遊會又有咖哩魚蛋賣…我想……………………哈哈~





岩岩睇報紙睇到….
16蒲酒店個自助餐有6種生蠔食….
好想試….不過要成488一個人…
之前聽人講佢自助餐d熱盤又麻麻地喎…
488….都係諗下先啦…
咁貴可以試到Altira裏面哥個好正好正既sunday brunch喇~
我連續6日無用過錢喇~~好叻呀~~成功呀~~



噚晚見到Air Macau有招聘…
我想起我自己…原來都有i have a dream..
不過生活總係將夢想….慢慢磨滅…



報時：距離日本東京血拼美食之旅仲有—-8日~
報時：距離台北吃吃吃之旅仲有—-34日~
報時：距離法國瑞士塵世美之旅仲有—-77日~
今日有個好消息!!
東瀛遊打黎….話我地本身係坐達美航空(應該係美國航空…唔想搭…)
依家轉左做坐ANA呢~~~~
點解我咁開心??因為ANA既飛機餐上次食過好好吃呢~~~~(I am飛機餐狂迷~)
好似記得仲有sparkling wine飲~~(病了還是不忘吃與喝~)