日本東京血拼美食之旅2012-03-11第一天Part 2(天氣清涼)

本身今朝係渡假feel架…..唔知點解……下晝就開始多野做到short左…..水又無飲過….尿又無痾過…..可唔可憐先….. ;[…….不過算啦…多野做得黎d人都唔算傻同喪….起碼我可以全力加速咁做~~唔使解釋咁多~~不過下晝發現….去日本既渡假心情無左….唔得!!我要聽日搵番先得………..今日放工都係快快跑番屋企寫


2012-03-11
Day 1—-Part 2(澳門->香港->日本東京)好喇~去完大老遠買車飛之後….我地就進軍涉谷喇~

好可惜因為搵車飛用左我地好多時間…..毛寶想行既哥間野已經收左lu~真慘…第一日想搵既野都行唔到….途經呢間賣帽既鋪頭…覺得好靚~好似宮崎駿筆下既鋪頭咁~

路經呢間Disney Store…梗係要入一入去朝下聖先~其實我最主要既目的係想睇下有無d咩得意野可以俾小i同sasa做手信~因為佢地係米老鼠迷~可惜無收獲~

今次黎日本…去之前有個同事俾左d係雜誌剪低介紹食野既地方…..個標題大約係：係日本円10算年代…點樣可以食得好又食得慳?…..今次我地會試下呢本雜誌講既野真唔真!!睇下係咪又好味又抵~~~第一晚我地就係涉谷度食左一間叫東京基地既cafe….地址：渋谷区宇田川町28-1高山ランド第15ビル7F….提供網址俾你地喇：http://1or8-kichi.com/……哥度既裝修係…無乜既….不過呢種不經意…又有另一種風味喎~

唔公平呀….點解我要坐呢個影到大面既位呀???



係咪好用心咁睇餐牌呢~我扮野咋~因為全日文…根本睇唔明~

亂叫左杯野飲….似薑啤….又有橙味~超好飲呀~不過都幾貴喎….好似成600円=60hkd一杯……..點慳錢呀……毛寶話佢好鐘意呢張相~

呢個又係睇圖叫既….類似係八爪魚沙律咁樣….似地中海風味的….話實在….都幾好食喎~不過…呢碟野咁q細碟…..550円=55hkd…..又點慳錢呀…..

其實雜誌介紹我地黎…有介紹埋有咩好食既….呢個主菜終於唔使亂叫….我地直接俾張雜誌佢睇話佢聽我地要呢個seafood risotto…..擺出黎時就已經覺得好靚好靚….好香好香喇~好香茄味同海鮮味……..食入口…..oooo…..超好吃的~d飯燴到有哂海鮮味……好正呀~香噴噴又好味既飯….多謝980円=98hkd…..其實唔平…因為佢個飯好勁細個…我地未食完已經叫多個雜誌推介既飯頂一頂肚……

你睇下我同佢影哥張相就知佢幾細啦…….



後尾叫左個cheese risotto….呢個其實一直都想試不過我地好驚佢好漏..所以無叫…見佢咁細個就叫黎試下啦~~~價值800円=80hkd….一出黎…..華…..香氣四溢呀~~~~上面哥幾塊係脆脆既芝士…..將佢整碎同下面個芝士燴飯一齊食……發生咩事…..呢個世界上有d咁好味既野咩?????超勁好味的~~~~(要係芝士同好既人先明~)…….兩個起勢咁食…

講真呢餐飯真係幾好味架~~~~~不過…我地除左追求好味之外….仲追求平食嘛…..呢餐飯食左成大約3530円=353hkd…….一d都唔抵囉……不過真係好好味~~已經講定下次黎都一定要食呀~~~~~~~~我見隔離檯d人超有錢囉….d野飲飲完一杯又一杯……我同毛寶就慳住慳住飲架…..仲問佢攞埋水飲~

諗住行一陣街…..行左Loft同埋forever21……行過一間新開既寵物店…d細細隻狗仔超得意呀……癲架……..仲有隻超得意既馬騮仔賣….我無記錯係萬幾蚊hkd一隻….港澳俾唔俾養??????真係超得意囉~~睇左超耐~

暫別涉谷~(記住係暫別~)因為咩都未行~

我地番去我地酒店哥頭再行下~我地酒店條街最多係咩????就係呢d夾公仔既鋪頭喇~~~有一大隻懶懶熊呀~~~~~好得意~

超大堆頭的~~~~~望d公仔望左超耐~~睇過幾間….最多機係夾懶懶熊同迪士尼哥隻duffy….唔知點解日本係超鐘意duffy的~~~對上幾次黎我地都有夾到好多野~又毛顫呀….公仔呀….鎖匙扣之類咁~…今次我都有試….我都想試下夾無著衫版duffy…..可惜….我用左200円都夾唔到….我放棄了~

第一日既戰利品~~~好少呀可…算啦~呢日唔係好夠時間呀~超鐘意呢把縮骨遮~上次黎都有買…..用足三年先爛…..特點係超級的輕…體形小…顏色超鮮艷~我成日放係個袋度都唔使攞出黎…..所以有失魂雨係唔會令我失魂架~重點係：平…..550円咋~Newdays便利店有售~簡直係送禮自用超佳品~個袋仔都好抵~係forever21買~950円咋~澳門絕對搵唔到~

重有重大發現…日本d百貨公司呀…鋪頭呀…成日都收好早….八點度就收….令到我地呢d買物狂好苦惱……我地睇書發現酒店隔離….有一個超市開24小時的……叫SEIYU….有d野仲賣得好平!!!!!!好似支裝飲品…..自動售賣機或者便利店都係賣120円一支架….呢度係賣88円!!!足足平3蚊架~~~唔好睇少呢3蚊hkd呀…..因為日本呢度太多野飲要試!!!慳番好多架!!圖中中間白色哥支有氣乳酸飲料….超好飲的~比起其他同類型既乳酸飲品好味得多~~我地仲買左宵夜……呢間超市仲有刺身賣…我地去哥時已經係深夜時份….所以刺身有割引(減價)…..甜蝦+墨魚刺身只需290円=29hkd….太平了~~~~加埋士多啤梨同乳酪~~呢個宵夜超滿足的~~~~~~~~~~~

華~~呢一刻好開心~~
因為聽日小i話幫我買肥仔記既雞翼薯仔米中辣~
好耐無食過喇~~
我用等待既心情黎迎接聽日呀~~
聽日又可以同小i開早餐會~(因為之前分開左唔同更~)



好誇張呢~
今日小i中午放工時同我講…
小i：你快d放d相出黎啦…
我：我會寫blog~唔會放上fb喎~
小i：我要投訴呀你出得太慢喇!
我：…我…我今次快左架喇….
中午番工小i同我講…
小i：我頭先睇你個blog睇到我唔記得左食飯呀…阿媽提我先醒起…
多謝捧場呀~~~~~~



報時：距離台北吃吃吃之旅仲有—-16日~
報時：距離法國瑞士塵世美之旅仲有—-59日~
今日好有型咁將個台灣自由行….
寫左個大概出黎~
不過俾兩個人睇過之後…
佢地都話……好鬆動喎~
無計啦…同媽媽去…唔可以行太多路架~