米芝蓮意大利餐：Don Alfonso

星期六日既下晝…..都係打機渡過…都好呀….起碼唔使使錢先~唉….不過本身噚晚有得去燒野食架嘛…..最後因為又落雨又大霧又凍取消左…..好失望…因為我真係好想食燒腸仔(勁重蜜糖哥隻~)…..但係今日一起身又曬到燒屁屁….激死人喇…..好羨慕呀……..皮皮有得買貴婦狗仔養….佢就好啦…..我都好想養番隻狗仔呀….好想~我諗如果最後得番我自己一個人住既時候我一定會買隻狗仔陪我…..因為我實在太怕寂寞…..定還是我個人比較缺乏安全感?(唔知點解d女仔咁鐘意話自己無安全感…哈哈~)



本來我屋企人話要係我去旅行既中秋節哥時離棄我….要去食新葡京間米芝蓮意大利餐做節….可惜好景不常~佢地問完原來哥晚食要成千蚊一個人….佢地即刻唔食….扮好人話等埋我番黎先食~今年既國慶十月一日……我地就約埋一齊去當.亞豐素(Don Alfonso)度食~重點係：有人請~

我地哥日十二點去到…好神奇…一個人都未有…但booking就爆哂~

我覺得佢裏面既裝修都幾靚~



藏酒量睇落都好似幾豐富~不過我唔係咁識欣賞~

其實佢既裝修….我最鐘意係佢紅色哥盞水晶吊燈~

逼我阿媽同佢影張相….睇佢個樣幾唔情願…………….

介紹下佢個set先呀….佢有分三隻既…分別係：2 courses with dessert($280)，3 courses with dessert($380)，full menu($480)…..個重點係：有人請~

咁我梗係揀最貴哥個啦~即係有4 courses with dessert~



我初頭唔知前面呢碟係咩….諗左好耐…我仲同我表姐估一粒粒係咪白朱古力….我表姐仲用手督下佢…..我仲諗：食白朱古力都有汁淋落去???我地忍唔住問人…..點知………….原來一粒粒係牛油…另外係橄欖油…….for麵包用…..

我同表姐相視而笑：做左now仔tim~……佢d麵包都ok既…不過我就覺得舊葡京間法國餐d麵包好食d~不過佢呢度支陳年黑醋真係好味到……………………………



好~我揀既頭盤：意式海蜆伴炸海藻粉團…..好味~

到湯…我揀：青豆蓉湯伴薄荷及脆朝鮮薊及紅蝦…..飲到我打冷震

最驚飲豆蓉湯



到第三個粉類：天使幼麵伴地中海蝦….呢個好好好好好味呀~

主菜：牛仔柳釀水牛芝士配豬臉頰伴香草，菠菜及紅酒汁

好味好味~



甜品：熱朱古力蛋糕配櫻桃雪葩…..即係心太軟~

個熱朱古力蛋糕好好味呀~~~~可惜個雪葩溶左咁多啦……………….不過如果要比…都係舊葡京哥邊Robuchon d甜品好食d….佢個拿破崙呀…….勁正~



仲有個朱古力配埋咖啡…不過唔係舊舊都咁好食…………

食到咁飽我就揀左飲凍檸水喇….

總括黎講：以480蚊(未加一)呢個價錢食到米芝蓮意大利餐既4 courses with dessert……都係好抵既~可以一試~….仲有一個發現…就係黎訂位食既….係香港人居多!







有人係facebook留過呢首eason既歌….我都好鐘意好鐘意~ [youtube http://www.youtube.com/watch?v=tdN13VbvIE8&fs=1&hl=zh_TW]

揚帆時 人潮沒有你 我是我 和途人一起
停頓時 在你笑開的眼眉 望穿秋水之美
回程時 浪淘盡了你 任背影 長睡著不起
留下我 在糞土當中 翻檢背囊 直到拾回自己

掌心因此多出一根刺 沒有刺痛便懶知
就當共你 有舊情沒有往事
如煙 因給你遞過火
如火 卻也沒熔掉我
回望最初 當喪失是得著可不可
可痛若驪歌 樂如兒歌 像你沒來過 沒去過
誰同行 仍同樣結尾 血液裡 才遺傳悲喜
誰亦難 避過這一身客塵 但剛巧出於你
垂頭前 沒緣份喪氣 睡到醒 才站立得起
盲目過 便看到天機 反覆往來 又再做回自己

即使一生多出一根刺 沒有刺痛別要知
就當共你 有劇情沒有故事

如煙 因給你遞過火
如火 卻也沒熔掉我
回望最初 當喪失是得著可不可
可痛若驪歌 樂如兒歌 像你沒來過 沒去過
如花 超生了沒有果
如果 過路能重踏過
就當最初 是碎步湖上可不可
不種下甚麼 摘來甚麼
像我沒來過 沒去過

(陳奕迅一句：回望最初…當喪失是得著可不可…可痛若驪歌…樂如兒歌…像你沒來過….沒去過……………….聽完之後教我無奈得流下一滴很感性的眼淚)



報時：距離新加坡肉骨茶之旅仲有—-14日

兩個禮拜咋~