2010年11月29日 星期一

新加坡熱辣辣之旅2010/11/22第一天Part2(天晴)

無驚無險地過左星期一喇~好開心~~~今日差唔多派哂d手信俾人…..好咯~唔使煩囉~哈哈~~~今日好開心呀….因為….俾我知道左……………………………..我有得去睇容祖兒演唱會~~~~~~~~~~~~~~~~~~~~~~~~~~~~~~~~~~~好開心呀….見到fb個個講有得去睇….我就好羨慕….因為本身都有機會去睇….因為又撞左去旅行….之後尾場又撞左mandy結婚………yo~依家有得睇~~~就好~開~心~去香港食番餐好既慶祝先~~~~~



2010-11-22

Day 1—-Part 2(澳門->香港->新加坡)

坐左四個幾鐘頭機終於都到左新加坡樟宜機場(Singapore Changi Airport)




過關可以嫓美上次去日本哥時咁快…唔使兩分鐘就過左關~

重點係:我阿媽一過完海關諗住睇下係邊條行李輸送帶既時候………佢已經係第一條輸送帶見到自己件行李飛過……使唔使咁有效率呀???不過我就係呢度發現我個gipgip變左跛豪囉………………….同埋我覺得新加坡應該幾重視聖誕節喎….睇下佢地已經有聖誕節裝飾喇~~i love christmas~



由於我地經費有限…..所以放棄左搭的士….選擇較平既MRT(即係香港d地鐵)出市區…..因為我地睇到旅遊書寫新加坡d的士有好多附加費~

佢地d自助賣飛既機都幾易用同幾易明~有哂中文英文….我地去酒店既路線:先係機場既terminal 2即係MRT CG2呢個站(綠線)->EW4(過對面轉第二條去Boon Lay方向既綠線)->EW16(落車行去站內既紫線NE3)->NE5(紫線)就到左我地要去既克拉碼頭(Clarke Quay)……..其間有個新加坡人主動走過黎提醒我地架車一定要落車轉車先去到第二到…..如果唔係就會原車折返去機場~真係出門遇貴人呀~新加坡人真係好好人~不過真係….熱到飛起…..一出到去d無冷氣既地方….又濕又熱…….我知新加坡一年四季都熱….不過我唔知有一個亞洲地方會熱到咁…我仲帶左3件外套去~哈哈…..一件都無著過~



呢d就去單程既MRT bitbit卡…記得每次用完都可以去番d自助機度…入番張卡入去就可以換番S$1…都有成6蚊架….每次買飛佢都有收你S$1…所以記得!!

其實佢有d好似儲值卡咁樣唔使次次買飛…不過我地唔想入太多錢入去所以就次次買……但係我地發現佢地唔係太多人搭…….我地次次都唔使排隊就買到飛~好方便~



我地上網睇地圖知道酒店好近地鐵站…..所以想睇下個地圖知道要行邊個方向去油店….點知….原來我地一出地鐵站…….行兩步…..真係行兩步咋!!!!就到左酒店~~原來我地間酒店係相連~~真係無揀錯~~

間酒店叫Swissotel Merchant Court……間房又夠大又光猛又乾淨……最緊要近MRT……下次黎我都會住番呢間~



放低d野我地就開始行程~行左兩分鐘就去到牛車水(China Town)….點解叫牛車水…原因係1821年….第一批中國福建移民抵達新加坡之後係呢度聚集….成日都拉牛車去安祥路一帶攞水….牛車水個名就係咁黎~





好得意真係好似幾有中國色彩喎~



一路行去搵cafe..就見到呢間最古老印度廟—-馬里安曼廟(Sri Mariamman Temple)……不過我地行過時佢已經收左~




行多兩個街就搵到我地要搵既哥間cafe~叫Shots…..佢外面仲寫住a cafe on ann siang hill(安祥路)…..哈哈~鮮紅色既外牆~




但內裏係乾淨既白色~~~好舒服呀d冷氣….有室外坐….不過….太熱喇……



我叫左杯orange smoothie飲…..如果無左d cream會好好多~



唔~~~~~~~不得不提….我地遇上左呢世人(暫時)最好食既雲石蛋糕…..真係…好好味呀………….仲好味過山頂醫院哥個好多~~~~~~~~



你睇下佢d朱古力既比例多到……..真係真係好好味…舊蛋糕熱熱的….表皮仲要脆脆地…如果我再去既話….我一定會再黎呢度…..食呢個雲石蛋糕~

唔係我認叻….真係拍得住我整既朱古力蛋糕咁好味~(我整既唔係有咩特別技巧….只係我落勁多料~~~不過我唔係成日整…..哈哈~)



一行出黎見到對面都有間幾靚既cafe~下次都可以試下~







報時:距離容祖兒no.6演唱會仲有—-3日~

好興奮呀!!!!!!!!!!!!!!!!!!要練歌喇~~~~~~~~~~~~~~~

沒有留言:

張貼留言