Morton's The Steakhouse

懶了一晚無寫blog~昨晚跟貞和i子去左金沙城的盛宴自助餐(因為呢個月用中銀卡俾錢會有二送一)預祝小貞貞的壽辰~~~食得飽飽….貞昨晚問我：呢篇blog會幾時出??….我：你話呢…..舊年阿i生日哥篇我都未寫~…..哈哈~~~應該在大半年之後囉~~今日過得還可以…除了那件令我不爽的事外



WOW~舊年去試左威尼斯人Venetian入面間扒房Morton’s the Steakhouse~~我想試很久了~

但入到去個感覺麻麻地咁喎…..最憎食飯黑munkmunk~

最難抗拒就係~~~麵包~~~佢地d麵包整得唔錯喎~~牛油更係一絕~~~

環境太昏昏暗~~影d相都唔夠光既



我地今次係5個人一齊食的~~叫左厚切片蕃茄沙律伴紫洋蔥Sliced Beefsteak Tomato $115……好正呀~~~~因為一睇就知係個面哥d係好臭哥種藍芝士啦~~~~

凱撒沙律Caesar Salad $110~普通啦~凱撒沙律好難話唔好味喎~有d貴~

Morton’s海鮮盤(烤焗)Morton’s Prime Ocean Platters(Baked)…三至四位用$870….估唔到…如果我平時叫一定會叫凍食既海鮮盤…..熱食原來可以咁好味~~~有烤煙肉帶子…珍寶蟹餅…洛克裴勒焗生蠔….焗亞歷山特級大蝦….全部都好正~真的~

新鮮生蠔Pacific Oysters On The Half Shell $190~都唔錯~亦唔太貴~

好喇~到主角出場…事隔咁耐…我真係唔記得我叫左咩牛扒…不過佢d牛扒大約500幾至700度啦~side dishes叫左燒露筍 $95….仲有炒原粒磨菇 $95……不過認真的說….呢間叫得做扒房既餐廳…..舊扒….我覺得麻麻地囉…………………….

甜品時間~(呢d唔係我地叫既放心~係佢擺出黎話你聽有咩甜品~)

Souffle for Two $150~~我地叫左檸檬味~~堅好味~~~

Monton’s Legendary Hot Chocolate Cake $135~~呢個都好好味呢~~~~

總括黎講大部份食物其實都唔錯的~但係奈何扒房塊扒唔係咁得總係令人有d…..卻步~應該每人食左$500鬆蚊啦~服務都唔錯的~




那件令我不爽的事…
係之前我收既哥10幾隻野….
由於要補交既野太多….所以我問左我負責人收唔收..
佢話收左先再補啦…咁我咪照做囉…
點知內部個大聲婆……(平時已經多多事幹)
佢無當面話我…..
不過我知道左佢話：坐counter哥個同事都要負責囉..
我頂你呀……..我問左架…
加上你地無落order話咁既情況唔收得喎..
我真係想兜口兜面同個八婆講….
如果真係唔收得…你咁把炮咪直接同我老闆落order囉..
話咁樣以後唔好收囉…佢又無咁做
淨係係人地背後話人…….
擺明就係覺得我俾多左野佢做囉…..
你估佢要補野我寫10幾張job紙俾你唔攰既咩?
你知唔知你地一句話唔收…我拒絕個客..
我要冒俾人投訴既風險??你就係內部得把聲大大
正八婆…你唔好係我面前話我囉..
就算你資歷多我幾多你老我幾多職位大我幾多都好..
你屈我我一定向你開火…你估淨係你把聲先係最大聲呀?
我都又大又倔囉…..rap出黎唱衰你都仲得呀~
I’m ready!



哈哈~星期一係呢度講完..
我無同毛寶親口講…
毛寶已經send哂相俾我
wakakakak~~死啦~
本來諗住搵佢做藉口懶下~
話佢未俾相我寫唔到blog嘛~
依家無野好賴添~



報時：距離冰島英國自由行之旅2013仲有—-93日~