台北喪食自由行之旅2013-02-28第一天Part 1(台北天晴)

今日番工齊腳~做起野上黎都舒服好多~~~爽呀~~~我覺得我呢個禮拜食到有d滯滯地…..星期六日完全係mark大個喉嚨食野無停過~~~又下午茶又晚餐又甜品~~~我諗呢個禮拜一至五我要清一清先得~~~~~~今個禮拜去學ukulele時…我唔知醜要求老師教我近排好喜歡聽的”到此為止”~感覺唔錯~hehe~星期六去見過小公子~感覺佢又好似大個女左d喇~~~



(此篇遊記全為素顏….膽小者勿看XD)



2013-02-28
Day 1—-Part 1(澳門->台灣台北)
wow~要出發了~~哥日出發時天氣陰陰的~幾驚落雨~好彩有毛寶的爸爸車埋我過機場~謝謝呢~

團友有：毛寶+t+mo仔+tiffany+…..(簡單來說就是我和毛寶豬~:-])

忘了提大家~~香港澳門出世既港澳居民….只要上網登記填好表…..再印埋張入台證出黎就OK~不用再簽證~~網址：https://nas.immigration.gov.tw/…….中國出世第一次去好似要親自去台北經濟文化中心簽證…..如果仲有咩問題就打澳門台北經濟文化中心電話：28306289…..香港的是：25258316


為左今次旅程我真係好認真….認真到走去買本新書….呢本書有好有唔好~容後再講~

今次我認真到成個行程寫哂出黎……地址又有….營業時間又有~~寫到鬼火咁靚~幾可有咁勤力呀~~~(因為我唔衰得嘛~~今次個行程我plan架~~點可以衰俾自由行達人睇呢~)

係喎~~漏左講我有帶燕早小朋友一齊去架(大家都知…我又俾毛寶笑咩啦~)…..今次係澳門機場飛…..感覺不太像要衝上雲宵呢~;]….還是最喜歡在香港機場飛呢~

哈哈~~好開心澳門機場依家都有麥當勞啦~~~~我地食埋麥當勞先上機的~


這天的1155….我們乘搭長榮航空EVA AIR BR808班機……在2A閘口登機…..我堅持揀長榮的原因…係因為佢delay既情況比較少…但其實呢日都有delay 10幾分鐘的…..澳門既航班最令我不滿就係…..準時既情況較少!!!!仲有呀…..本身唔係呢個閘口登機架….佢無啦啦轉左又無廣播……我係見到個登機口點解黎左架澳航既機我先如夢初醒走去睇指示牌(因為佢登機閘口個顯示遲遲未出係邊班航班)!!!!!最最離譜既係：有乜理由澳門機場既廣播….係以普通話係主導??????????????搞咩?

本身諗住去到台灣機場先換錢…..之前睇澳門出面d兌換店港幣兌台幣匯率係3.75….最衰係貨….點知澳門機場有一當不知名的….又係3.75…..有大把貨….順便換埋先過海關~即26.6hkd=NT100~


久違了的長榮航空~

燕早也要乖乖的戴好安全帶~:]

wow~這次空中的雲很美呢~~

上次還在和表姐妹們爭辯….長榮航空的餐膳不太差後….這次的這個豆腐雞肉飯……我確是覺得有點難吃;-[

這個蘋果汁是我小時最愛喝的~


說說笑笑一個半小時後~大約中午1點35分左右~我地就到左台北的桃園機場囉~

天氣好像不錯呢~~~~我在發夢嗎???我去過3次台北…但我好似未試過係台北見到太陽喎~~~~~


上次黎既時候過關仲要排一陣子隊…..今次仲懶醒叫毛寶我地條隊要排台灣居民隔離…因為佢地人少…做完佢地哥批海關會叫隔離條隊d人過去…咁我地就會快d….點知人家台灣居民都換成自助過關啦~我真老土~~~不過今次都係幾分鐘就過左關囉~~~行李都算快出~~~~機場既人仲會好細心咁件行李一出就會幫你移好行李把手哥邊等你方便d攞~件件都有整~挺貼心的服務~望真d~~~台灣機場裝修好新新的~~好靚呀~~~~

我認我懶…..亦唔想浪費時間…因為上次係坐巴士出市區的~但巴士兜左超耐~~~我住西門町仲要係台北車站再轉巴士~~~咁呀~上次有台幣淨左嘛~~咁人地今次咪豪d坐的士出去囉~~~~~由機場出市區要加附加費的~~唔記得係咪12%…..總之計跳錶加埋附加費大約係NT1200=320hkd~~~我認我懶喇~~搭巴士明明50hkd都唔使~~~大約45分鐘左右就舒舒服服的到了西門町囉~


今次都係揀住西門町~~因為多野食又夠方便~~酒店：頭等艙酒店Airline Inn….地址：台北市中華路一段144號8樓…..你無睇錯…係8樓!!!!!呢間酒店地段係唔錯…..同阿宗麵同一條街得10步之隔….可惜我嫌佢係一層商業大廈內!!!!呢棟野堅係咩都有…….地下係美食廣場….2..3樓係港式酒樓….4..5..6樓係教會!!!7..8樓就係我地酒店!!!上面哥層係舞場囉唔該!!!!!!!!!!!!!!!試過係酒店落樓搭lip時遇到去完”舞場”的大叔與姨姨…..大叔仲要係飲醉的….大聲叫囂….勁恐怖!!!!!那時只想快d到1樓…..

睇個門面就唔開胃!!!


一上到去…..check-in counter…好彩好似幾光猛~

又幾似係機艙喎~~

好彩間房都幾光~~~乾淨~~~~唔怕太細~~~個心都定d~

今日係3月11呢….
日本的311地震兩週年…
希望災後重建順利啦(因為今日睇新聞好似話仲未ok)
上年既今日我就係日本….玩玩玩~買買買~食食食~
今年…….就在工作中渡過……………



救命呢~
呢個月份糧要黎找哂d旅行錢~~~
又民宿又機票又換英鎊……
戶口的錢已失蹤了~



係喎~~
原來仲有好多人會誤會…
澳門既黑沙海灘=黑沙環or黑沙灣~
黑沙海灘係路環~
黑沙環係澳門半島的~
完全兩個的不同地方~
南轅北轍的呢~
唔好去錯呀~



報時：距離冰島英國自由行2013之旅仲有—-88日~
巧剪爭呀~