台北喪食自由行之旅2013-02-28第四天(陰天)

今日狀況…一個字講哂：劣……我病了…又頭痛了…..其實痛了好幾天….今天起身最痛…..胃反反…..暈陀陀……放左日病假…… ;[…..要趕緊好番過週末呀……謝謝毛寶和表姐都說要幫我買晚餐….也謝謝朋友們的關愛~更謝謝媽的越洋短訊慰問~滿滿的愛~很幸福~但我會努力照顧好自己~



2013-03-03
Day 4(台灣台北->澳門)
wakakak~起身刷好牙執好野~房都未check out~跑落去買碗阿宗麵線食個早餐~正~~再將隻溫泉蛋浸入去食..流流地心~勁正~

再買飯團做手信~

chlo子成日叫我去食爭鮮….我話點解要食喎香港都有啦…..佢就成日鬧我….次次叫親你去食都唔去食……所以今次咪順下佢意囉~哈哈~~地址：台北市萬華區漢中街49號2樓(西門店)

唔講好無味先….重點是…….樣樣都係NT30=8hkd…..好平呢~~~~

chlo子有幾樣推介我食的~其一是蝦手卷…..我地食左阿宗其實已經好飽…..蝦手卷以為有重飯係入面….點知係用生的椰菜絲代飯……超清新超好吃呢!!!!!!!!我地有再叫~太好吃~

另外一樣我覺得唔錯既係呢個洋蔥燻鮭…..即係用煙三文魚捲住d洋蔥…初頭仲笑佢咁重口味~~~不過食落都唔錯喎~~

其他chlo子既推介有味噌湯..茶碗蒸..代鮑沙拉~我覺得麻麻啦~上面哥兩樣好味d~

甜蝦仔都係8hkd咋~抵~

之後就出機場喇~check in完等過海關…..望望下…咩黎架呢舊~

原來係俾長榮航空既hello kitty機既self check in counter~

點解我覺得裝修左之後…台灣桃園機場…咁似韓國既機場既?????

可惜~我地唔係搭kitty機啦~(雖然我唔係喜歡佢~不過未搭過主題機嘛~)

總結：
1.今次使費：3551hkd(機票+酒店+稅+燃油附加費)+6000hkd(使費..其實有用淨..不過我媽呢個禮拜去…我俾埋佢用~)+320hkd(機場出市區的士錢)=9871hkd…使費乜咁高既??
2.台北實在不宜每年去…要隔兩三年先再去為佳…因為我舊年有去今年又去….實在係覺得無咩新鮮感囉~
3.不過我都係好鐘意台灣d野食~
4.台北天氣確係難預料~不過今次竟然見到台北有太陽真係一大收獲~5.上引水產同埋胡同燒肉我都一定會再去~其他就要搵d新野試下lu~
6.今次去旅行都係用google map….但我想講…換左iPhone 5佢自家出哥個地圖真係超唔掂囉…要用番之前3GS哥個google map先得….搞到人要帶兩部電話出街!!!!!記得去旅行千祈千祈唔好用iPhone5個map呀!!!你會後悔的!!!!

~~~The End~~~

報時：距離冰島英國自由行之旅2013仲有—-77日~