東歐六國文化之旅2012-10-19第四天Part 4(大晴天)

今日公司既工作量~最適合懶懶熊工作~如果~聽日都係咁~就好喇~~~hehe~妄想~聽日係星期五~實有超多人湧黎~~~~但我好想快d到放工哥一刻呀~~~因為聽晚有得去睇戲嘛~~~heheheh~仔天氣冷冷的~~令人真不想坐在電腦前敲鍵盤呢~



2012-10-19
Day 4—-Part 4(克羅地亞札格勒布Zagreb->斯洛文尼亞盧比安娜Ljubljana)
搖左唔知幾多個鐘車之後~~就黎到斯洛文尼亞(Slovenia)既首都盧比安娜(Ljubljana)喇~~~佢係被選為歐洲最美麗首都之一~可惜黎到又係夜晚~~影相都唔係好夠光呢~~~~

由於佢既首都有好多大學區~~所以呢個城市相當有活力呢~~~~有好多商鋪~餐廳~食肆~

食飯前遊覽一下呢個城市~我同毛寶都超想係呢度d餐廳對住條河食餐飯呢~希望之後有咁既機會~

呢晚食飯既餐廳~~話哂都係我既生日飯呢~~~裝修好似幾有特色咁呢~

頭盤?!?!?!係有火腿呀~腸呀~肝醬呀~芝士呀~好正呀個頭盤~超級的好吃呢!!!!!!!

沙律~都唔錯~~好開心日日都有菜食~

呢度既頭盤同沙律都唔錯~我對呢度既主菜都相當有信心時…….又係食牛…..又係哥d肉積似煲湯瘦肉既牛…..我接受唔到……超大塊….完全唔想食~(好彩個頭盤已經食飽我~)

甜品係斯洛文尼亞既傳統甜品….我覺得好似聖誕葡國人食哥隻蛋糕咁….好重肉桂味…我麻麻地~

再夜遊行下佢d街就番酒店喇~我好想有多d時間係度呢~

佢呢度d建築物都好靚的~



呢晚我地住既酒店：Trend Ljubljana Hotel & SPA….地址：Dunajska Cestn 154,1000 Ljubljana,Slovenia……..呢晚既酒店好大呀~~~~~好舒服~~~設備又齊全~~~~廁所仲超大~~~~

記唔記得我地之前係匈牙利買左支牛血既紅酒呀~呢晚開左黎飲呀~~~~

大家睇下係咪真係咁似牛血咁既色???口味….唔……一般啦~飲完唔會話好飲到曉飛既~

頭先食食下飯見到電視…
閃過KFC既廣告~
咩蜂蜜脆雞……
天呀….我流了一滴口水…….
有無人可以成全我既週末小願望~~~
(不過又話做姊妹要減肥又話唔好食咁多熱氣野費事生間瘡…乜都係你自己講~)