2012年11月19日 星期一

東歐六國文化之旅2012-10-17第二天Part 3(天晴清爽)

哈哈~~又懶左幾日無寫blog~上個禮拜比較懶散~~~今個禮拜加倍努力先得喇~~~~星期五:放工開心到癲左~首先去左CTM出張新sim卡~俾我部新iPhone用~~~~好開心用到喇~~~….->去pokka食飯~好耐無去…點知印象超差….等野等超耐….d人無禮貌做野又唔上心…..我應該下一次再去會係一年後->同妹子去左neway唱k~~~~…………星期六:因為教ukulele既姐姐無番~停一堂….中午去左氹仔興利食茄汁意粉~~…->威尼斯人睇人體奧秒展同埋鐵達尼展覽->去銀河食飯…食完就去UA睇”寒戰”…都幾好睇~要少少用腦~….點知咁岩同朗仔睇埋同一場…順便一齊番澳門去埋金玉滿堂食糖水~…->呢晚成四點先訓~~~因為搞部電話d鈴聲~~~cut歌cut到超high~(痴線)…梗係mr.d歌我先咁high啦~……..星期日:好野~中午去左食聯記~佢d辣真係好好味~~…..->仲去埋李康記食豆腐花~…->番屋企行黎行去一陣->去威尼斯人買生日禮物->去滾動軒為我地既凱公子開生日派對~~~~



2012-10-17
Day 2—-Part 3(法國巴黎Paris->匈牙利布達佩斯Budapest)

食飽飽就去第二個景點喇~黎到了英雄廣場(Heroes’ Square)…係1896年為匈牙利建國100年而起的~










個廣場好大~大得有d猛風同曬~~wakakak~







一輪瘋狂影相~






英雄廣場旁的藝廊(Hall Of Art)





然後就去左一個自費節目…就係暢遊多瑙河(Danube River)既船河~~費用為$20=160hkd~見唔太貴~就去遊下~






我地呢d型仔梗係話要坐室外影相架啦~






懶型始終都係累事架…..你睇下d女凍到……我都….忍唔住…..打左幾下冷震~~~






導遊alex問我地:你睇到多瑙河係咩色架??…..大多數人都係答:綠色呀…啡色呀……….然後alex話:你問當地人佢地實係答”藍色”…..有無聽過藍色多瑙河呀!!….仲有..睇到多瑙係藍色代表你係fall in love呀…唔係睇到藍色要檢討下喇………….(以我既狗仔腦…希望無記錯導遊講既野啦下……)………一路遊…一路會睇到連接布達(Buda)同佩斯(Pest)好出名既橋鏈子橋(Chain Bridge)同埋伊利莎伯橋(Elizabeth Bridge)






沿途仲會經過匈牙利既國會大廈(Hungarian Parliament)



好喇~凍完落船喇~



遊完船河我地就去番機場…點解~因為之前講過有兩個團友既行李根本無寄到黎匈牙利….所以幫佢地係下一班由巴黎飛黎既機寄番過黎~好彩搵到咋~如果唔係既話成十日無衫換~搭飛機其中一樣好驚遇到既野~





之後就再坐車去我地酒店喇~好似要坐成三個鐘頭車先去到~係中途站放團友去廁所時….導遊介紹左匈牙利三大名酒…..其中一種就係Tokaji…係一種甜酒黎既….我地好似買左最右手邊哥支…..4170ft=166.8hkd




第二名酒:牛血….其實都係紅酒…只不過佢呢d會好似牛血咁既色喎….買左中間哥支….2890ft=115.6hkd




第三係用草藥整既酒…可以幫助消化….好難飲的!!…我記得大約係1000ft=40hkd




架車再行….經過歐洲最大既湖…巴拉頓湖(Lake Balaton)…..真係幾大…不過可惜黎到呢區已經日落了……..




點解毛寶用傻瓜機影既比我用數碼相機的….影得更靚??仲唔怕手震!!




呢晚我地住既酒店:Danubius Health Spa Resort Aqua….地址:Kossuth Lu,13-15,Heviz 8380,Hungary…….因為呢間野有好多溫泉療程..所以超多老人家黎呢度…..佢地仲笑話似去左老人院~房間都ok~(基本上經過韓國間民宿….我都對酒店睇得好開~)




晚餐係酒店食…..不過不失…係有d野咸左d啦…..最開心有青瓜食….仲要係酸酸地的~正~~~~




去到邊都要寫一寫postcard~匈牙利哥d已經係我去完旅行番屋企時收到哂囉~不過仲有好多其他國家的未收到~






好嬲呀….
我部iPhone5係主頁面度唔識自動鎖機…
今日落樓下CTM問…d人又無禮貌….要我去皇朝哥間CTM度整..
佢地叫籌超慢…如果係我地哥度叫咁慢d人一定日日鼓譟都得..
依家要換過另一部機囉…….仲要唔係新機係保養機…
好sad呀….我依家又要用番3GS喇….
三四日後先有機..
仲有…..我唔明CTM點解可以咁唔便利d客囉…
我係氹仔出機….要去皇朝維修….再係南灣攞番部機…
我想部機快d番黎我身邊呀…….好失落呀….



大賽車完左喇~~~
可以有覺好訓~~~
又唔怕塞車囉~~~



一年既公子生日會已經完滿結束~
凱公子係一年裏面最後生日既一位公子~
期待下一年~~~~~~~~~~
噚晚又係笑到我標哂眼水~~~~~

沒有留言:

張貼留言