2012年11月5日 星期一

鍋 火鍋美食

20日假期後的第一個工作日~~~~沒有厄運的一個工作日…工作多..但流暢~星期六:去左食九記~~跟住去攞毛寶去旅行d相~~….->諗住ukulele復學~點知搵黎搵去都搵唔到車位所以又延遲一堂~…..->萬眾期待~去九澳燒野食~~~~~超多野食….有靚牛扒..大眼雞..扇貝..大蝦..墨魚..蟹………….樣樣都好味~仲紅白酒任飲~~由五點開始燒…燒到十一點幾….痴線架!!!!!!但食得好開心!………星期日:諗住去一間新開既拉麵試試…點知佢話由於要參加澳門美食節….所以十二月一日先開番….所以去左食雅香…..唔好食…..->仲去左書局睇旅遊書~買左一本自由行既書呀~~地點先保密…因為未決定去唔去->去左探小公子~~~又唔同左樣~~~但都係咁似爸爸~…->夜晚去左佳爵同婆婆佢地鋸扒~



要介紹一下其中一間我好鐘意既火鍋店~叫”鍋”~~~係新口岸既pizza hut對面~






其實地方都唔算好大~樓下有兩三張檯~樓上就有四張細檯同四張大檯左加啦~不過環境舒服乾淨的~~~~~~




講講第一次去時~去試下佢d湯底~因為佢d湯底佢地好推介的…..不過我哥次病了…..唔可以食辣~叫了清雞湯~挺不錯的~也試了其他人的辣湯….有個係泡菜辣湯(呢個強烈不建議吃!!得個辣字!!)…..另外有一個麻辣湯~~~麻辣湯好正呢~~~~~唔會死辣~~仲好香添~~~




第一次唔識叫~我地六個人散叫…..叫左牛肉…..牛肉真的沒話說!!!真好味!!!但唔平囉~好似要百幾蚊一碟




黑毛豬……唔知點解….咁少…同咁薄呢????????其實味道可以的!…但係成百蚊一碟…會唔會太少呢?????????仲要碎濕濕咁?????




海鮮拼盤…我無記錯係200幾…..其實蝦同帶子都唔錯的….但係d魷魚可以唔使咁姑寒囉~




蠔…好吃…..但都係太少~其實生蠔或桶蠔係街市買都唔係好貴咋喎~




認真說的~我地公子平時大食開…….第一次去既結論係:唔飽…….咁樣已經每人160幾……料係好食……但份量真係少得…..可憐~可能新口岸鋪租貴卦~如果講完以上因素….已經吸引唔到我再去~




但係我其實都幾鐘意佢個麻辣既湯底…….雖然貴….但都有再去試下~今次我地換個方式….叫套餐…….睇你叫咩啦…有d一百….有d百幾兩百…..睇食咩架je……牛就百幾….豬就一百度……海鮮就接近兩百啦~我地叫左一個牛一個海鮮……套餐仲包有一個菜盤~~~有好多款菜~~~幾粒丸咁~~~都ok夠飽~於是再叫一個烏冬兩份…..將烏冬放入佢個麻辣湯底食…超正….牛肉同佢個麻辣湯都好夾的~~~~留住我既…係佢既麻辣湯底~仲有佢d靚牛肉~我要再講一次:佢個麻辣湯真係真係好好味!!

其他配料~少叫~因為價錢都幾貴加上得幾粒~~~~~但套餐可以再食~~~~清雞湯都不錯吃的~其實呢間火鍋店係我一個朋友同佢其他既朋友夾份開的~不過我都無偏私咁寫左呢篇食評~幾叻~讚下自己先~



仲有一樣要投訴係:啤酒嚴重的不夠凍~

其實我都幾羨慕你的~可以有自己鋪頭~~~我都夢想自己有一間鋪頭~但……無諗頭開咩~~~哈哈~~~





我要講我哥樣去旅行黑仔慘野喇…..
由於我地去完東歐之後…會轉飛法國搞蘇州屎..
於是我地要改機票由德國轉飛巴黎….
6日後再由巴黎飛番香港…
代理旅行社懶好咁話怕哥日我地去到巴黎太夜落機..
所以幫我地訂左中午12點鐘機由柏林去巴黎..
仲同我地講話應該德國d路都唔係好難..
叫我地到時問領隊點搭地鐵或包車由酒店去機場…
臨出發時我發現….喂..我地最尾一日仲有行程架喎…
有景點柏林圍牆之類…仲有特色餐:德國香腸…
條氣已經唔係好順….我未行哂行程…你就要我走??
(因為12點機我最少都朝早10點出到機場啦…)
都算喇…出發時心情都平伏左唔少…媽咪話:咪留番下次再去囉~
點知去到第四五日時…..
我地問個領隊我地點樣最尾一日去機場時…
至發現….我地係柏林飛
但係…前一晚既酒店根本就唔係柏林住!!
而係一個叫德國叫Dresden既城市住!!!
領隊同我地講話由Dresden坐旅遊巴去柏林係要3個鐘的!!!!!!!!!
咁我地點呀??????????????
我又唔識路……….領隊提議我同媽媽搭哥朝一早搭火車上柏林…
但問題係:我點樣由酒店去火車站呢????
之後我地叫領隊幫我地打番香港問下可唔可以改遲少少張機票..
哥度問黎問下搞左幾日………………………
最後先覆番我地話法航出左飛改唔到…..
咁我提議不如買過張…..
點佢答我好貴…要成€300幾=3000幾hkd….一個人…
跟住我地問佢包車由Dresden去柏林要幾錢..
佢話由於路程好遠….問過一架車要€550=5500hkd…
我真係…無話可說….
幫我訂機票哥間代理旅行社…我真係唔該哂佢!!!!
即係話唯一可行….就係搭火車…
但係….雖然火車平d…..大約€30=300hkd一個人..
我上網睇過佢個鐵路網絡應該同瑞士一樣咁完善
容易睇…問題係….我無做過資料搜集
我完全唔知火車站係邊…只可以搭的士由酒店去火車站..
去到柏林火車站又唔係連住機場…即係又要係火車站駁的士去機場…
火車+兩程的士…
哥度又係一筆錢…..仲要兩大舊行李同媽媽一齊搬….
唔想行呢個方法!!
後黎我自己上網睇到Lufthansa德國漢莎航空..
€160=1600hkd一個人…..柏林飛巴黎…
即買!!!1740先飛!!
可以跟埋佢地旅行團出柏林之餘…
仲可以去哂成個行程先出機場!!
相信呢個係要俾錢既方法之中…最舒適!!最安心既方法!!
就係咁…我地使多左3200hkd係買多張機票度…
錢都唔緊要…呢件事直至飛之前既三日先搞掂!!
即係煩足我成個行程!!!我超心煩不知去向個心覺得好徬徨
搞到玩得都唔盡興!!!
我真係唔該哂新新麗華旅行社!!!!!!!
你根本就無幫我留意最尾一日行程住邊!!!!!!使多我3000幾蚊!!!!!!!



噚日見到有兩個人都話我瘦左..
塊面都尖左…又白左…
搞咩??我明明去旅行日食夜食…
連薯片都食埋……連宵夜都食埋..
瘦左似乎係無咩可能既事….
陰公豬啦~~~~~~~~~
但係唔知點解….毛寶今日又話我係咪肥左..
到底我係肥左….定瘦左??

沒有留言:

張貼留言