好喇好喇…..萬眾期待既美國之旅黎喇….不過呢今次就無上次去日本影得咁多相….不過都有d相可以同大家分享下咁啦….好啦….睇下先
呢d花碌碌既美金係我出發之前影既….因為去完之後應該就會無哂啦……所以要影定先哈哈
Day 1……..噢………一個人的我要係澳門機場出發啦…….我逼媽媽幫我影的………..因為就淨係得媽媽一個咁好人送我機………..睇我去之前幾咁精神奕…………睇下我去完之後又係咪咁既樣………..不過我去到咁遠都係用中gip
今次去美國選擇左長榮……唔係有咩特別好….只不過佢係澳門飛同埋價錢平d…..亦都係我第一次搭長榮既飛機
不過最煩要轉機呢…….要係台灣轉…等成三個鐘…….戇居居咁…….又要過多次安檢…….唉…..諗諗下又計計下……原來計埋番黎哥次……今年已經到過台灣機場轉機三次囉…..對上哥次係係日本番黎…….依家現正飛往台灣上空
到左台灣之後戇居居咁……周圍行下……發現佢依家有一個全球第一個以hello kitty為主題既候機室….所以就用腳架幫自己影下相咁……..我發現一個人搭機都幾寂寞..不過我得既
由阿寶介紹下我個晚餐先…..係牛肉薯蓉…..成日聽我表姐佢地講話長榮d野有幾難食……..又唔係喎……我覺得好好味喎……尤其是係個溝左牛油既薯蓉…好味到呀…….成個餐連餐包我都食埋………絕對好味過國泰d餐…….等我仲準備左好多娛樂俾自己tim…又雜誌呀…ipod呀….又小說呀…..我唔知原來依家d飛機咁鬼先進(可能我有成兩年無搭過長途機)….睇戲可以自己話幾時開始睇就幾時開始睇…..又有得暫停……簡直好似睇緊dvd不特止……..仲有麻雀打哥下先正……..所以話咁快睇左兩套戲(殺神特工同埋地心探險記)…打下機….食左兩餐…..十三個鐘頭咁就過左喇….我做到喇………我無轉錯機去非洲呀……..順利到左美國喇
一落到機之後……過關時……哥個野問我超多野……又問我係邊度做係邊度黎做乜職位黎美國做乜黎幾多日黎之前去過邊度有咩人係美國住係邊度會去邊之後又會去邊問我識唔識葡文你本身講乜話你唔識葡文做乜有哥本護照等等下刪幾廿百個問題……佢可能見又唔使簽證又一個女仔過到去可能唔走留係度卦…….不過你問夠未呀….好煩呀……下次我話我唔識英文睇下你點問我…….順利過左關之後又有另外一關…..攞完行李之後又有一個海關既物體….又要問你一輪野….之後先可以出到去咋……一出閘見到阿家同e媽等緊我超開心飛埋去攬住佢地啦…….去到停車場仲見到肥佬丈同埋阿家既未婚夫—-Calvin(我尊稱佢做B哥)…跟住就番佢地屋企喇
一去到就認識既新朋友——波波….佢係一隻好乖既芝娃娃呢
由於時差去到哥邊都係同日既下午三點…..跟住佢地驚我訓著覺夜晚又訓唔著….所以捉左我陪佢地去修甲…但好可惜係等佢地既修甲途中我又訓左差唔多一個鐘..哈哈…終於等到食飯喇….由於第二日就係B哥同阿家大婚日子…所以哥晚妹子過左黎呢邊過夜….記起我倆舊年聖誕都見過一次面……好彩我岩岩落機都未至於咁樣衰….上圖左邊就係我地既阿家大表姐…..右邊就係佢妹妹..妹子…..我地三個由細個哥時就好老友啦..依家大表姐結婚真係幾開心架!!
今晚食既係韓餐…….圖為豆腐沙律…..又幾好味喎…….之前當然有一大堆的美味前菜啦!!!!!!!
主菜係熱辣辣既韓式豆腐窩….唔….唔錯唔錯
番到屋企沖好涼就進行上頭儀式喇…..一梳梳到尾哥d…..點知個儀式分半鐘就搞掂左喇…….就係講到三梳兒孫滿地……超搞笑
做好左上頭儀式既準新娘子……笑騎騎地
Day 2…….終於到左結婚當日喇!!!!!超早起身….五點幾化妝師已到為佢地化妝……搞到我都要一齊起身………我無人幫我化妝……化左個比起係澳門仲淡既淡妝…..因為呢邊既天氣太乾燥……..我既皮膚完全適應唔到……完全乾到上唔到粉…..噢…..殘樣登場….不爽….個個都靚靚的……只有我一個個妝淡到無人有……我和新娘子臨出門口前既合照……好短呀….我哥件應該係衫黎囉
新娘子與她的妹妹妹子…..妹子今日做伴娘….兩個都靚…….臨出發之前有導演係度拍野…..問肥佬丈感受….佢既打翻五味架既言論…….真係好好笑
呢個就係行禮既會場喇….一到場就會見到呢個用氣球整成既迷宮…..其中仲有好多佢地一對新人由細到大到相識既相穿插係其中….都幾有意思……
阿家有三個伴娘…..圖左為ada….圖右為…(我唔記得左sorry…我會問番佢地)….不過我想講……你地兩個都好nice呀…..好開心識到你地!!!!!
係新娘房等待出嫁係咪好緊張呢???????
講住咁多先呀…….仲有Part 2…Part 3…Part 4….Part 5….黎緊…..請耐心等候
今次我唔會形容當地天氣啦….因為L.A每一日都係sunny day啦~仲熱過澳門呀
不過聽日又要番學喇…….唉
沒有留言:
張貼留言