2008年11月5日 星期三

日本瘋狂之旅20081001---第六天part4(初時有雲及後大晴)

今日…..今日……陰天囉…..今日….朝早食左個杯烏冬囉…以為佢係撈烏冬…點知佢係湯烏冬….超鹹…真係蠢…..今日….今日…小貞休假後首個工作天囉…..食左佢好多手信囉….今日….今日…下晏俾人打我個頭囉…..超嬲……..今日今日…..無咩事發生既就係今日囉



噢…你睇下行程緊密到要講到去part4呀…..食完章魚燒之後我地就行下行下…..見到有一間賣懷舊糖果既…見番好多以前細個食既零食呀……感覺超有親切感





臨走哥時我同毛寶都要每人再買一條青瓜黎回味……



離開懷舊商店街之後………我地就去左一間賣手信既鋪頭………….跟住我見到一個章魚燒頭套非常得意…………….一手攞起就擺上個頭度叫人幫我影呀影呀影…………但係諗諗下…………..下一個試既人應該好慘………………..因為我個頭係呢個有超過三十個鐘無洗既不良紀錄…………….好立



行係街頭聞到好香既味呀……0我………又係我地最愛食既蟹道樂呀…係大阪原來有街頭燒烤賣………雖然真係好香…不過我地覺得太貴所以無買黎食囉……….1000yen得三小舊……..不過依仲記起佢燒既時候d味係傳到好遠都聞到(流哂口水)




行到出黎天色已黑……霓虹燈已經亮起……..轉個角….又再遇到我既愛…………固力果男人呀….聽講佢會隨季節而轉衫…換衫?!好驚




呢個就係毛寶係道頓崛商店街玩攤位遊戲得黎既…..毛寶係大阪哥幾日不停玩呢個波……一路玩一路大叫媽媽……好似外國d頑童咁………..不過你咪話呀….個波真係幾好玩….試過我同毛寶爭住玩唔捨得放手…..不過個波帶唔到番黎lu



放係心齋橋既時間太少…….下次放多少少時間係呢度應該可以發現更多既愛………..尤其係藥妝店啦仲使講…………….



跟住就諗住去坐呢個一早預定想坐既搞笑摩天輪…..但係點知去到之後………….哥日竟然………..無開………成程都想暈低…………真係好想坐呀…..因為個形狀好搞怪…希望下次黎有得坐啦…..唔想再失望而回呀





小型版既搞怪摩天輪…無得坐梗係要影番夠本啦




同完摩天輪影相之後我地終於捨得番去酒店哥區結束我地一天既行程喇…..諗住去食下一間同事推介既燒烤……點知收左……於是就轉左去食壽司啦……..門面見佢非常吸引………..又夠大件……….但係……一入到叫…….終於知道圖片只供參考呢個道理…………………超縮水囉…….又貴又唔好食…..一個字:衰





第五日既戰利品…….救命……..對鞋著到我對腳超痛….d帆立貝好重呀



呢個係第六日既…..睇下固力果男人幾靘仔…..唔知個朋友幾時食完剪佢俾我?



阿杯由於趕搭去大阪既車而搞到自己個gip爆開左……..好彩有條gip帶圍住….如果唔係個gip會搭搭下車成個反開………….唔知點解係大阪搵野會比較難….搵乜都係………連便利店都係……….d人仲好似無東京咁好禮貌……仲娘d tim………..條gip帶仲要搵左好耐先搵到……………仲要超貴呀



噚晚同毛寶講電話先講番之前去日本唔知點解我個樣特別樣衰……….d面色係灰色既…………研究之下應該係訓得太少(每日都係三四個鐘度)……希望我去美國哥時個樣唔好咁衰啦



沒有留言:

張貼留言