續上回既第六日行程………..同完固力果男人影完相之後….我地就去左道頓堀極樂商店街……….佢係有樓高三層….但係裏面係模仿日本舊時古代d商店呀咁….
初時我都覺得有d娘娘地咁…….因為覺得有咩好玩呀……咁岩線我地去哥日係ladies night……..係唔使入場費既…….入到去又覺得………..幾靚喎…..又幾過癮喎……結果流連到超哂時…….入面仲有好多小食架….其中最好食就係首推呢條非常出色既青瓜…..又脆…..又腌得非常好味!!
帶有懷舊色彩的街……….其實真係幾得意
我個立頭……真係睇見都覺痕….唔會再俾自己有一日唔沖涼
模仿以前既電話亨…………我諗係卦
又食野喇…….就係呢個甜品…買一支湯圓仲要送三杯茶俾我地…………..生意真係難做呀……條湯圓既味道同吉祥寺一樣…即係話佢地兩個係唔鐘意食既….所以多左哥粒又係我食埋佢啦…………..
跟手仲見到有好耐無玩過既扑傻瓜機…八佰伴無左之後我都唔知邊度先有得玩…………不過玩完隻手抽哂筋
去到頂樓仲有野玩tim…….有d攤位玩古舊日本祭典玩既野….咩撈金魚呀…….釣下波仔……….都幾過癮呀
我記得好似欣欣杯撈左五條…我就好似撈左兩條啦……不過其實撈完之後佢係將佢放番落去……志在俾你過下手癮
而呢個就係釣波仔遊戲…………係用條紙巾吊住個鉤釣個波上黎…..毛寶就嬴左圖中的其中一個紅色波波….好似係中間哥個
玩完d攤位遊戲之後…….我地就去左其中一間餐廳………佢既特點就係……….可以自己整章魚燒…..其實我地都唔係咁鐘意食架咋…..所以我地又搞搞陣叫左一份三個人玩啦…..等緊d材料黎既欣欣杯同我都係無時停喇
其實倒d漿落去都係要有少少技巧………因為….好重呀…好難倒得中落個窿到………..好易倒哂出界…哈哈…..睇下我就知幾難啦
自以為有些少成績既我地…個樣好得戚
後尾發現唔對路……因為整極都係好軟反唔到轉佢地….後來係哥度做既員工睇唔過眼….於是走過黎救我地……原來d漿係要全部一次過倒哂落去成板都係先得…真係自以為是呀我地……
今次無錯喇……真係成型喇!!!!!!!!!!
我唔係認叻呀…..我係三個之中反得最靚架…呵呵
面對自己親手整既章魚燒….超有滿足感!!真係覺得幾好食喎
食完出黎行過一塊貼係一間甜品鋪既壁報板…..發現呢兩張相……左邊張相見到佢地食咁大個甜品已經好驚…..留意左邊張相最左哥個人……..右邊張相唔夠影淨係影左一角……..但都好足夠…..睇張相就知佢地係食到一半……睇下右邊張相既同一個人既樣……..就知道佢地食咁大個甜品食得有幾辛苦…..我同毛寶企係度笑左足足十分鐘….影埋相都唔捨得走….要欣欣杯拉我地走先至一路笑一路走….我依家都笑緊
下個禮拜五就開始美國之旅喇…..好開心因為佢地有諗到去同我食d咩……….超期待………不過我懷疑我去完美國之後都仲未寫完日本之旅呢…..哈哈
噚日睇完祖兒既現代塵世美………..係雪山上面睇哥個日出真係靚到呀……我好想有一次可以咁樣係同一個地方睇日出呀….瑞士已經被我定為下年目標喇…..雖然好細個哥時已經去過……..但係無阻我再想去既決心……下年目標：瑞士….荷蘭…..德國….法國……暫定啦………..橫掂出年有咁多假……
不過我覺得joey噚晚又講得幾好喎…..佢話我地成日都話想放假休息……但到你放假哥時又會安排一大堆節目俾自己….根本就無得休息………..我諗下年都要闢少少時間俾自己係真係用黎休息用既先……
沒有留言:
張貼留言