2008年11月25日 星期二

我以後都唔敢喇....(公喜mandy大婚之喜)

小t我番黎喇……….星期日朝早十一點幾係美國番左黎喇………..好多謝毛寶黎臭我番屋企……還架著車黎接我呢…..第一次坐佢車感覺非常良好…….(其實又唔算係第一次既……正確黎講第一次係上年細鴨生日時用人地架車車哂我地鴨妹去燒烤哥次……..唔知你記唔記得)……..如果你唔黎臭我我諗我都幾狼狽…剛岩落機又係屋企扮鬼扮馬逼人幫我影相喇……..但係對眼太衰所以遮住先…….呢頂係我係迪士尼買既高飛帽……..超鐘意……仲買左頂俾阿寶帶…母子裝





係屋企行黎行去左好耐之後……終於執好野同裝好身出門口喇…差唔多用左成五個鐘呢…..五點幾出左門口之後….就同毛寶食左少少野…..再送手信俾個朋友仔之後….就由男人送左我同毛寶番去毛寶屋企換衫……出發去同事仔mandy係mgm既婚宴囉…..mandy係哥晚真係好靚女呀….我地入哥時見到d相仲以為去錯地方呀…..佢著左婚紗同化左芒芒之後…..好靚女呢….完全唔認得呀………..不過呢張影得唔係咁好….影到大家都有紅眼…..都係相機的錯




仲好開心同大家見面又有飲大兩杯既我地




不過我諗我真係飲大左太多喇……最後要由小貞同男人”送”我入埋屋除埋鞋再送埋我上床……..哥晚我仲嘔到男人架車既外殼污糟哂……真係抱歉………..到左第二朝五點幾開始就起左身嘔…..不停咁嘔….一直由五點幾嘔到九點幾….我諗真係有嘔到廿次呀…….最後嘔到由媽媽送左我上山頂睇醫生…….上到去已經係嘔到無野好嘔….連黃膽水都無得嘔…..個胃持續反下反下……醫生話我唔夠訓(因為岩岩落機又無休息)…….又飲左咁多酒……又嘔到脫水…所以要我留係醫院吊針同埋抽血驗血…………但好可惜抽血抽第一次哥時護士姐姐話我d血好杰又脫水血管又幼抽極都抽唔到……哥一針好痛….最後針左不同地方第三次先抽到….又要吊針….真係成隻手傷哂……………吊完針之後驗血報告出埋話我血裏面有炎症……..叫我飲多d如果唔係好容易發燒…..咁我先係山頂番落黎……………



話實在我以後都唔敢飲咁多喇…….我從來都未試過咁辛苦呀….哥種好想嘔又無野嘔到出黎既感覺真係……….唉…….




好多謝大家上黎探我呀….毛寶..小貞同埋sasa……累到大家都咁擔心我…….不過我要澄清我無借酒消愁呀…..係真係一個唔覺意飲左咁多咋…….



之後會再寫埋開心的美國之旅……..



我真係唔敢咁唔乖喇

沒有留言:

張貼留言