杯杯結婚新加坡印尼之旅2011-11-11第三天Part 6(晴空萬里~)

大家~happy new year呀~~~~~~~~~2012年第一篇blog~~~請今年大家都再多多支持我呀~哈哈….又放除夕假放左三日….玩左三日又懶左三日~星期六就去左杯的新居開派對….星期日就去左黑沙買肥佬燒烤食~睇左套最爆伴娘團….係舊戲黎架…不過好好笑….又睇到有眼淚…好睇!!噚晚做左天與地大結局lu~即係話今晚開始無陳豪睇….失落……仲有噚日係1月1號…有叱吒睇!!不過睇左好耐….Mr.得組合銀獎….失望….上台得獎時布志綸一句都無講話仲失望呀…唉~不過都係哥句….Mr.係我心目中既組合金獎~~~~今日就去左neway唱k唱足三個鐘……爽哂……不過…我搵左好耐…點解佢無方大同哥首好不容易架………(今日係neway狂唱d叱吒十大….哈哈~)



2011-11-11
Day 3—-Part 6(印尼民丹島)到左夜晚…杯杯就換左一條優雅既裙去出席佢自己夜晚既婚宴~

而我呢…我都換番條簡單舒適既裙~依家我趷高左腳模擬自己著左高踭鞋….又確係高d瘦d咁既…….好可惜我無帶黎…嗚嗚~

婚宴係沙灘上面架~~~~~~~~~我第一次參加沙灘上的婚宴~~~好開心~~~

哥晚個月亮好靚好靚~呢張相叫做”看月亮的女孩”~

婚宴會場~有三圍~主要都係男女家親戚好友食飯….所以我被有幸邀感到十分榮幸~唔知點解哥個沙灘d沙幼滑到不得了….我成餐飯都係除鞋食架~~因為腳踩係沙上太舒服喇~~而且d沙一拍即甩~

本身我叫左白酒飲…點知之後知道原來有香檳飲(好似係Moet~)….好貪心咁…又要白酒….又要香檳~仲…好唔知醜咁….飲左三杯~

婚宴開始之前新郎哥同大家講幾句說話….講講下…新郎都喊喇~呢對感性既新人~

婚宴上面主要係食印尼野(因為我地係印尼嘛~哈哈~)…所以有多種印尼調味料~

前菜有沙爹食架~~幾好味~

仲有d印尼沙律呀~~好味~~

而主菜就係各種咖哩~有蝦..牛…雞…之類之類~都幾好味架…我仲食左好多飯~



杯杯*3*

食到咁上下…仲有餘慶節目…..天呀…..佢地個婚宴仲要有煙花燒囉….就係沙灘上面燒….好靚好浪漫呀~~~~~~~~~~~~我同毛寶仲一路飲香檳一路欣賞~~~

甜品係生果盤….仲有一個很難食的印尼糖水…..

正經的全體大合照~

佻皮的全體大合照~~like~

之後佢地番自己間新房….原來Banyan Tree一早為佢地準備好驚喜~~好有心思喎~~

哥日婚宴都好完滿咁結束….恭喜你地呀~~要sweet sweet一輩子呀~~





哈哈….
呢幾日都有同毛寶一齊練ukulele~
不過幾難唱同彈一齊黎..
所以毛寶做彈哥個…
我就做唱哥個….
依家就係練緊梁靜茹既小手拉大手….
我地依家夾得好high~
我好希望我會快d彈得熟呢首歌!!
好想好想自彈自唱呀~