2011-11-12
Day 4—-Part 2(印尼民丹島->新加坡)由於第二日係新加坡搵既哥間超級市場係類似八伯伴咁既…我唔忿氣所以再去番Vivo City哥度搵超級市場….我唔明點解新加坡咁難搵一d好似類似百佳咁既平價超市…..由於我個人窮…所以我多數都鐘意係超級市場買手信~同埋呢d當地超市先會買到多d當地野…仲要係價錢合理哥隻~我今次又有買合味道….點解要買合味道??因為有新加坡先有既Chilli Crab味~~仲有叻沙味~~好好味架~~我地成日都係食咖哩…海鮮味…呢d有新鮮感d呀~
Vivo City裏面哥間超大的平民化超市~我呢d地盤佬的最愛~勁大~勁多野買~不過興奮得滯影相影到手震~
我仲係哥度買左好多我好鐘意食既蝦春卷~係呢間商場我又好唔小心咁買左個袋仔..哈哈…百幾蚊咋~無理由唔買卦~~
行飽街買飽野…番酒店擺低野之後…就徒步行去酒店附近哥間珍寶海鮮坊~~~好野~~又黎喇~~由於夾唔岩時間所以無同杯杯佢地一齊食…我同毛寶兩個人食~
叫左藥膳蝦~超級的好吃…好似叫左300g咁上下(呢個已經係最少份量)….但都有超多隻囉~~超級的好吃呀真係~~估唔到同d蝦咁夾~蝦又大隻蝦肉又夠爽口~~就係因為上次食過好食…今次黎再叫……都仲係咁好食呀~~~正呀~~~~~~~~
哈哈…..清炒露筍~都好吃~清新之選~
仲有呢個窩燒豆腐…我初頭叫哥時以為係有好多汁哥d豆腐…點知原來係咁架…不過…估佢唔到又幾好味喎~
黎到新加坡又點可以唔食蟹呢???無錯~今次既主角都係蟹~不過上次食黑胡椒蟹…今次我地就食另一隻….就係辣椒蟹~~~~另外再叫饅頭……其實佢就唔係好辣既……不過有好多汁…點饅頭仔食係超好食的~~蟹都好正呀~~~斯里蘭卡蟹果然係又大隻又好食~好正呀~~下次黎到都唔知叫黑胡椒風味定辣椒風味好喇~~(我估毛寶鐘意今次呢個辣椒蟹多d….所以下次交俾佢決定啦~因為我兩隻都咁鐘意~)
由於我地有使剩都有好多公數….所以我地今餐超級放縱地食…..0我…每人二百幾三百蚊咋….哈哈…好飽呀~~~好開心呀~~兩個人四個餸~超級的大滿足~
行到番出黎….喂….見到雪糕阿伯….無理由唔食埋佢je~雪糕三文治~~指定要食粟米味的~好吃~1SG=6hkd~抵食呀呢個~
兩人開心的大口吃~
美麗的克拉克碼頭~又多野食喎~超級多的靚餐廳~
講落都好神奇…..我黎到新加坡狂食….見酒店有磅….諗住睇下自己咁食又肥番幾多….點知…..竟然仲瘦左tim~呢餐食到咁飽番去再磅….食到咁飽仲瘦多一磅??沖埋個涼去埋個廁所…….下…仲瘦多兩磅…………………乜減肥咁易既咩….哈哈~~~我要食食食呀~
夜晚沖好涼就過左兄弟房….咁多個兄弟姊妹一齊飲紅酒白酒食零食….開開心心咁傾計~好搞笑呢班人真係…哈哈~
yeah~今日high番天~~
本身噚晚仲煩緊五月去旅行d野~~
今朝仲打俾露仙問佢機票d野….(以為旅行社平d)
點知上網睇今日竟然航空公司有平機票出~~
太幸運了~~
所以我今天可以宣佈了~
我今年5月已經訂左機票去法國同瑞士~~
法國入瑞士走…阿聯酋航空….6146hkd(連稅)~
好抵呀~~
下一步就係訂民宿~我地四個人
應該會租apartment住~因為法國酒店太貴了~
再下一步就係訂巴黎去瑞士蘇黎世既火車飛~
今次會玩15日~簡直就係自由行之中既挑戰!!(對我黎講)
因為上次去日本最長自由行都係10日~~
所以我依家已經開始好緊張喇~~~
歐洲自由行~未試過呢~~
報時：距離法國瑞士塵世美之旅仲有—-135日~
(叫塵世美係因為我覺得…我地應該會去睇雪山既~咪好似容祖兒去哥個瑞士塵世美之旅咁囉~)
我好開心呀~
沒有留言:
張貼留言