婆婆生日2011

華~~~~~好開心呀~~~~~~~~終於都歲晚收爐啦~~~~~就黎過新年~~~期待中~期待衰氣走光光~~~好運永遠跟著我一起走~~~~今年運氣都算係咁喇~無乜求喇~只希望個個都開心…身體健康(真心的….就算係對我唔好同我唔太認同既人都希望佢地平安開心健康~)……..咁過年梗係要食食食啦~~~咁減肥呢d野就梗係……有幾遠拋到幾遠先啦~~~唔係咁點先夠盡慶喎~~~~~噚日毛寶極度推介我聽蘇打綠ft. S.H.E ella既你被寫在我的歌裏~~又真係幾好聽喎~~大家得閒都聽下啦~



嘩~~~~~~~~好耐呀d相~~~~~係舊年2011年7月既相……成半年咁耐喇~~~post下先~~~係我婆婆生日時影架~~今年無聚埋一齊食飯….分開同阿paul食~~佢應該食左好多餐生日飯~~去左培正側門對面哥間L.S Cafe….我都唔知點解佢地會揀呢間呢~

d位都坐得幾舒服既….我諗佢應該係走pokka cafe咁既路線卦~



我地哥日五個人叫左個四人套餐($488)…..有9樣野食….1.精選餐湯(ok)…2.沙律(有兩小塊煙三文魚…同d沙律菜…不過d菜唔多夠食…味道還可以)…3.蜜汁燒牛肋骨(呢個好食~~)…4.黃金墨魚餅(好似有加粟米入去…味道可以…不過好薄….)…5.蒜蓉炒雜菜(d菜都係唔多夠食…)…6.芝士焗青口(其實唔好太鐘意食青口…因為覺得佢質感咬落好硬….我鐘意食藍青口多d~)…7.松子仁炒飯(唔好食!!)…8.非洲辣雞(幾好味…不過好似過於濃味)…9.白玉鰻魚卷(呢個其實幾好味…佢攞d紫菜包住玉子豆腐同鰻魚再加d燒汁~)….其實都算幾多野食….不過整體感覺麻麻地…




另外我地仲叫多左個精選西冷牛扒…..不過唔係幾好味囉….成118蚊….我去金爵食個和牛餐無咁嬲啦……….




er…呢餐飯d野食有幾麻麻都好~~重點係呢餐飯係我同妹子同阿家三粒孫一齊請架~舊年生日快樂呀阿paul*3*…哈哈~~遲左好多添~~~我婆婆同我媽媽似唔似呀???

上面幅圖係我姨丈~妹子和阿家的爸爸~





好啦~~~
今日係年廿七~~
我係呢度同大家拜個早年~~~~~~
祝大家新年快樂!!
身體健康~~
龍馬精神~~
升官發財~~
正橫財得心應手~~
一家大細平平安安~~
恭喜恭喜~~
(p.s. 我希望除左上面既願望之外…仲希望同我所愛一起環遊世界~希望不會太貪心~)



報時：距離日本東京血拼美食之旅仲有—-50日~
報時：距離台北吃吃吃之旅仲有—-76日~
報時：距離法國瑞士塵世美之旅仲有—-119日~