杯杯結婚新加坡印尼之旅2011-11-13第五天(雷雨)

華….今日真係好q凍呀…仲要放工哥時落埋雨添囉……想點先….連我今日都要著大褸番工呀………由於今日好凍…….所以….我今日食左好多野保暖…..你知啦…..冬天要食多d野先製到熱能架嘛……唔食野會凍架………冬天邊有人減肥既je~~~~~~~加上mina仔去完台灣又買左d好好味既蝦薯餅喎~~~~~要食架嘛~~~~~~咁見到臭男人又買左豬肉乾係個櫃度…咁就黎過期嘛…..唔可以浪費野食架嘛~~~哈哈

2011-11-13
Day 5(新加坡->澳門)

一早起身就快快趣執埋個gip喇…因為今日係最後一日係新加坡lu~臨check out影下間房~個樓底係咪好高呢~~隻窗超大~

check out完之後就跑去酒店對面既商場…因為我地要去食早餐呀~商場裏面有間阿坤~

個肚已經打哂鼓喇~~~睇下餐牌…選擇就唔多架喇~因為主要我都係要食kaya toast…..唔知我有無記錯上次個價錢呢???硬係覺得呢間貴d既??不過都唔算太過貴~可以接受~

呢間裝修就比較新d~之前我地去哥間係第一間開既…比較古舊同有特色~各有各好啦…因為呢度….有冷氣~~~你知新加坡幾熱啦~

我地每人叫左個kaya toast set….4.5SG=27hkd….有杯野飲…有個咖央多士….仲有個半生熟蛋~毛寶要凍檸茶..我又叫左薏米水~我真係好鐘意新加坡既薏米水架~~好好飲~~佢呢個仲有加蛋白添~~~我同你講…始終都係阿坤既咖央多士先係最好味既~~~~炭爐烤到塊多士脆一脆…..佢係脆到變啡色架~~同普通多士爐烘到仲係白濛濛既多士係完全兩碼子既事!!!裏面有充足既咖央醬同埋牛油…..好配合呀~~~~~~~~~~我以後再去新加坡再食咖央多…我只會食阿坤…..其他既….唔再試喇~~~半熟蛋都好好味呀~~加埋黑豉酒同少少胡椒粉食…正呀~~~~~~

今日睇番~~仍然回味~~~~~

食完阿坤出黎行下…原來間商場11月頭已經有聖誕節既裝飾喇~~

下次再黎都想再住番呢區~唔知呢~我幾鐘意克拉克碼頭喎~

之後就又去左牛車水china town喇~因為今日既任務就係去美珍香買牛肉乾同豬肉乾~因為有佢有小小的獨立包裝肉乾…..連包裝袋一齊放入熱水浸十分鐘……肉乾會超好食~~又熱辣辣又多汁~~好正呀~~佢仲有個芝士豬肉乾~~浸左之後都好好味架~~缺點係：太貴了….好似係哥度買少少野….已經用左300幾蚊港紙……..

哈哈….跟住….我地…又去食野喇~~又係去麥士威熟食中心…我要食肉骨茶呀~~~~上次食過好好味~~你知啦…又係搭廉價航空無野食嘛~~梗係食到飽一飽先再上機啦~~好味喎呢間真係~~今次發玩佢肉骨茶仲可以加麵落去….係哥d…好幼好幼既麵線呀~~好好味呀~~~仲有呀肉骨茶同油炸鬼真係絕配~~~

之後三點幾就出發去機場喇…我估唔到….原來佢係有一個專係廉價航空既terminal…..同我上次哥個好唔同….不過都算乾淨既~heehe~~我地今次有退稅….個關員問我地攞d野黎睇…我話我入哂gip check in….跟住佢話我地要睇哥d野….我不停話sorry我唔知呀….跟住佢就好好人同我講…今次算啦下次唔好喎….佢仲以為我之前係新加坡讀書添….哈哈…所以我地好叻咁退到稅~

臨上機之前落勁大既雷雨…….所以delay左好一陣…等場雨細d同無雷先可以登機……當我地上到機時…又無雨落喇~~哈哈….新加坡呢個地方可以朝早超好天萬里無雲…..下晝突然落勁大雷雨…過一陣又會變天晴……所以大家留意下…次次睇親電視報天氣都係話新加坡有雷暴……….佢又真係無呃你架~byebye喇新加坡~~下次見~

今次唔係買左好多野咋~有d野食咁囉…..仲有三個袋同一件厚褸~好~開~心~

hehe~~毛寶幫我寫postcard寄俾自己~佢呢兩幅畫已經代表哂我今次黎新加坡既目的同結果：就係參加杯杯婚禮…同埋食到撐肚回家~

總結：
1.參加左呢世人(暫時)最感動既婚禮…你倆要往後日子都係開開心心…相愛到老呀~
2.其實今次杯杯佢地有贊助我地既機票同一晚Banyan Tree….我地只係俾左三晚房錢同埋我食+買都係使左三千蚊度…所以好多謝你地兩公婆呀~
3.新加坡真係美食天堂….d野簡直想一吃再吃…
4.你係新加坡唔帶遮出街一定後悔….
5.我想問…..幾時再有機會去呀??

~~~The End~~~





又完左一個遊記喇~下一個就到迪士尼喇~
不過俾d時間我執下相先~
星期一就開始睇新劇缺宅男女….
幾好睇喎….同埋我覺得好真實呀….
睇鐘嘉欣話好多謝佢阿哥苗僑偉為左供佢讀書…
而賣左佢地間房屋….由於市道唔好一直買唔番樓…
直到佢依家四十幾歲都未上到樓…
唔知點解….睇完..我有d想喊…..



噚晚睇左Mr.首新歌…一人世物一世mv
見到人到扮老..笑左…扮得好似七十幾八十歲既公公咁..
真係好似…尤其布志綸粒老人斑…
阿tom超老坐係度打鼓….睇完…笑左~
唔知點解噚晚夢見馮允謙…佢仲同我影相呀~~~



唉…..其實我今日唔係太開心架…
因為俾我知道左兩個幾傷心既消息…
噚晚出去同同事們食飯….
知道左臭男人做埋呢兩個禮拜就會走…
唉….之前..都有聽佢講過…
不過我無諗過咁快….
噚晚仲扮型….
番到屋企就自己偷偷喊左出黎….
識左佢七年半…我入職既時候就識佢..
因為佢早我兩個月入去做….
由初頭唔係太熟…..到因為某件事開始混熟…
到依家既成個部門打成一片….
能夠捨得同唔難過??
我自認我異性既朋友真係無乜…..(唔係同事…)
佢真係唯一比較熟既…..
好難形容哥種唔捨得(不嬲覺得佢係我一個好特別既朋友..但絕唔係男女私情哥d…..)
我真係好唔捨得你呀……
始終做過咁耐戰友……
成日做野都窒我…又成日笑我…
以後無人俾爛gag謎語我估….無人講新野我聽….
我會…..覺悶…
七年半前你係我地綜合唯一既男丁….七年半之後都係…
以後係我心目中你都係綜合唯一男丁!!(因為我地綜合真係得一個男同事…連佢都走埋..可以話無男同事….)
不過小i都講得岩既….天下無不散之延席….
我都想你有更好既發展….
祝你一切順利!!
另外一個消息都好傷心….
不過不能多說…..
希望唔好既野都快d過去啦…..
噚晚你同我講我既長處係可以帶俾身邊既人快樂….
我希望係真既…因為我想繼續帶多d歡樂俾大家*3*



報時：距離法國瑞士塵世美之旅仲有—-134日~