香港迪士尼反斗奇兵大本營探險之旅2011-12-08 Part 2

今日都無咩特別呀~~雖然無乜野做….不過都遇到幾個客串到爆炸…..唉…算啦~~我心情靚靚~~唔同你計較~~今日好開心咁~~買左麥當勞早晨全餐開會~因為今日係臭男人最後一個早餐會…所以我都有請佢食…..噢~等我好好記住你個特別order：豬柳蛋漢堡餐餐飲飲橙汁加大另加多一塊薯餅…..第日有機會再請你食啦~今晚媽媽仲整煎餃子~我期待左成日~~好好味呀~~



2011-12-08  Part 2(香港迪士尼樂園)
順利跑入園區喇~~~(其實係出面d檔仔都影左成大半個鐘~~)





新開既園區就係反斗奇兵大本營~~~連d地圖同小冊子都換哂胡迪佢地喇~~

樂園又充滿哂聖誕氣氛~~~好鐘意呢棵高高的聖誕樹~~好天氣~~

熟悉既美國小鎮大街~~~~~幾時都係咁人山人海~

連d樹都有聖誕裝飾~~kawaii呢~~~




首先去到咩唔做~~食個飯先~~襯12點度唔係太多人~~去上次美國小鎮大街街尾哥間有套餐食既餐廳~~不過之前一個set連埋甜品都係15x蚊….依家…已經要258三道菜…..流汗…….




我地上次都有黎…不過無坐係呢度~~今次坐左出黎呢個好似玻璃屋咁既..朗仔話好似係外國露天茶座咁呀~~




於是我地四個人就叫左兩個餐另外再叫左d野食~~呢兩個係套餐外點既…有個蜆肉意粉…同埋三文治~~蜆肉意粉ok…三文治樣幾靚但麻麻地好食~

呢個就係set入面既湯….係蘋果南瓜忌廉湯….估唔到咁好飲喎~~~~
另一個紅菜頭牛肉清湯配酸忌廉就…………………………….



其中一個主菜：芝士焗龍蝦半隻伴番紅花意大利飯…..唔…我覺得麻麻啦…因為本身呢d龍蝦就無咩肉食……意大利飯我又唔係太識欣賞…..哈哈




呢個主菜就唔錯唔錯：焗牛柳伴薯仔蟹肉脆包配金巴利汁~牛肉都幾淋~配個汁都幾好味~

我們在外國街頭吃飯~




套餐甜品都叫左兩款試~個樣都幾靚架~上面哥個係聖誕布甸伴雲呢拿雪糕及栗子慕絲配白蘭地汁….下面哥個係朱古力慕絲配櫻桃醬及紅桑子雪芭…兩款都又靚又好食~~

每人食左240蚊度…以樂園裏面食野又唔係快餐黎計…我接受到~因為坐既地方舒服又靚~






我人懶…
好想日日都咁舒適就好喇~~
弊喇…
我幾日都無練過Ukulele呀….



報時：距離日本東京血拼美食之旅仲有—-59日~
報時：距離法國瑞士塵世美之旅仲有—-128日~
以日本作為今年旅行既首站~~
實在令人太興奮喇~~~