2012年1月26日 星期四

The Twenty Four Seven 247 Breakfast Cafe

終於放完五日新年假喇~~有點失落~~~不過放完假都係咁架啦~~不過最sad既係:天氣太凍了………離開我溫暖既被竇時真係一萬個不捨呀~~~~真係凍到唔知噚日定前日得哥6度!!!!!天文台好似話係16年黎最凍既新年……華……….不過好彩既係….今日竟然唔使開OT喎~~~都正常地多野做….無話瘋狂哥隻~~我已經好感謝喇!!!!多謝老天爺爺~不過因為太凍…所以我都懶左幾日無寫blog呀……因為隻手凍到係硬哂打唔到字!!其實今日番工個位都好凍架…不過多謝寶寶送我最包~~希望快d回暖~~~同埋今日最重要要做既野係:番工逗利是!!!超級開心~~因為今年有好多同事都結左婚~~又可以逗利是~~(我真係唔知醜…仲跨部門逗利是….除左自己個部門…仲另外逗左三個部門既利是~~哈哈~~)~~~同大家再講多次:新年快樂身體健康心想事成~~



上個星期六係新年假期既開始~化個好妝~又出發~





hehe~~今日post d新d既相先~~呢間新試既cafe叫Twentyfourseven 247 Breakfast Cafe~~之前坐車成日都經過好想試下…不過又唔知好無味…點知見fb有人推介~咁就去試下啦~佢係全日提供類似英式早餐….開24小時架~

係新口岸頂上魚翅同一條街架~



裝修都幾舒服悠閒feel~而且佢有兩邊大玻璃窗~可以全開~咁就變左好似坐露天位咁開揚又唔怕日曬雨淋~唯一缺點係…..無乜景睇~




話明係Breakfast Cafe嘛~梗係要黎一客早餐試試~毛寶呢個係:三文魚麵包圈套餐(The Twenty Four Fish Bagel Deluxe)




解構下個早餐先~呢個早餐包含:1.麵包圈一份(含奶油芝士,蕃茄及續隨子)…2.煙三文魚一份…3.水煮荷包蛋一份…4.果汁(小)一杯…..價值79蚊~

第一口食落…..好好味呀~~~~~水煮蛋有好多蛋黃流出黎~~加埋麵包圈同奶油芝士一齊食…..好好味好軟綿綿呀~~~~~~~熱辣辣食真係唔錯喎~煙三文魚都好好味~~~



跟住就到我呢個:公司推介(The Twenty Four Seven)




而呢個早餐有:1.雞蛋三份(可選碎蛋..生蛋..熟蛋..太陽蛋..水煮荷包蛋)—我揀左兩份要太陽蛋一份要碎蛋…2.煙肉兩份…3.火腿一份…4.香腸餡餅一份…5.小食兩份(薄切蘋果..鮮雜果..烤蕃茄..洋蔥炸薯..焗豆..田園沙律)—要左田園沙律同炸薯…6.多士一份(可選白麵包..麥包..鬆餅..牛角包)—我梗係要牛角包啦~~~…7.果汁(小)一杯….呢份早餐74蚊咋~~超級多野食囉~~~

好宏偉呀個早餐~~~~



太陽蛋同碎蛋都好好味~~煙肉煎得夠香口唔怕太肥~中間圓形哥塊香腸餡餅就真係麻麻地…因為係d好鞋口既豬肉……..火腿煎兩煎又係好好味~吃得出唔係cheap火腿~唔鐘意田園沙律..原因係有青椒同太少………仲有…其實牛角包就麻麻地~我覺得個牛角包整既時候落得唔夠多牛油~~但總括黎講…..超級滿意呢個早餐~真係食到飽到下午茶都無食~~飽足成日~都唔算太貴~又有埋野飲~~~算係咁~~仲有免費wifi喎~~算係咁啦~




我平時d相都擺夠幾個月先擺出黎俾大家睇……..今次咁心急擺出黎…..哈哈…..因為我去食哥日….幫襯既人……真係一隻手就數得哂…….d好食既野怕無人幫襯會好快執(我唔係黑心呀….我想佢長開長有架~~因為我好想再去食~)…..所以想早d介紹下大家~有興趣就去試下~(講明先…我咁推薦我無股份…亦唔係識佢地架~純粹覺得好味介紹下~)





講下新年做過d咩先~
年廿八:中午就係試左The Twentyfourseven Breakfast Cafe…食飽去venetian行街…見到大減價我不為所動…為既就係三月去日本先買~~好乖~~~夜晚走兩場食飯….第一場同姑媽表姐佢地食團年飯…第二場就係朗仔生日會~~超好笑遲d post相上黎呀~~
年廿九:
又去左Galaxy UA睇戲…今次係睇左地心探險記2 3D…超級好睇~~我未睇過咁3D既3D戲……之前睇哥d都唔係真係咁3D…好似世紀未光煞咁就麻麻地~~地心探險記2 3D得黎又好笑~~係令我覺得值得俾錢睇下既3D戲~~~媽媽都覺得好睇~原來The rock識彈Ukulele架~~~睇完戲夜晚同媽媽去食年夜飯~
年初一:一早起身先去拜爸爸~~再去同姑媽佢地飲茶~之後再去睇紅花坂上的海….好好睇~夜晚同另外三位公子去一年一度發大財~不過無落手~
年初二:食完野毛寶上來我家拜年…我又去佢度同佢爸爸媽媽拜年~跟住同媽媽毛寶再入賭場~~今次揀玩角子機…..玩sic寶(唔記得隻字點寫)~~好開心開中左兩次圍sic~1賠24~~(不過我係5蚊投注~)….哈哈~~同100蚊嬴左300蚊好叻呀我~~~~不過玩到個心大哂夜晚再去玩~~我仲俾人查證呀~~~~(擺明認緊叻~~)不過..之後輸番200蚊….都好啦~~即係都有嬴100蚊~~~新年去賭場咁多年第一次有嬴錢~~~~~我諗我之後都係玩角子機好喇~~因為永利呀或者其他賭場好多賭(木台)最低投注額都要300蚊…角子機呢d最低投注額5蚊先岩我玩~~~~
年初三:因為太凍…係被竇訓到兩點……之後起身去左杯杯度拜年~笑左成個下晝~~



咪睇我咁多節目好似好開心…其實呢幾日我都唔係咁開心架….因為我成日諗起爸爸…..諗起佢係依家存在既地方有無得過新年…..過得好唔好….又唔知佢有無買新衫過新年….又唔知佢開唔開心……其實爸爸係度哥時我都有三年無同佢過新年…因為好姨番黎澳門過新年…..佢又知我唔鐘意見到佢…..所以佢會同佢地番上大陸過……間接我地無得一家團聚…..唉…..我好懷念我地一家人過既新年……我年廿九晚臨訓時想起……以前一到新年零晨零時….我同爸爸會鬥講好意頭說話….跟住就會俾利是我……..想到這裏….我哭了;[



報時:距離日本東京血拼美食之旅仲有—-44日~
報時:距離台北吃吃吃之旅仲有—-70日~
報時:距離法國瑞士塵世美之旅仲有—-113日~

沒有留言:

張貼留言