北歐四國午夜太陽之旅2011-06-24&25第十二&十三天(陰天)

今日都係病假中~…..可以好好休息都唔錯……毛寶噚日同我講…..話病左可以俾自己開心下食下自己想食既野………於是我噚晚發左癲咁…..食左臭臭芝士餅…..牛肉乾….同埋皮皮係泰國四番黎既濕濕辣辣尤魚……好好味好滿足呀~



2011-06-24&25

Day 12&13[挪威(康寧斯娃)->芬蘭(伊瓦洛)->芬蘭(赫爾辛基)->香港->澳門]

最後一日旅行喇……..噢…….最後一日既早餐竟然有我地係北歐好鐘意食既羊奶低脂芝士…….仲有我好喜歡食既橙色魚子既醬……..好好味呀嗚嗚~

經過早上的康寧斯娃一個湖….幾寧靜幾靚(之後應該已經昏昏欲睡左~)

唉…..又要坐番6個鐘頭車番去芬蘭伊瓦洛…..因為我地係搭Finn Air……一定要經番芬蘭走…..中途站食既午餐………又係…………….呢d………….

我記得呢餐好難食我係食沙律食飽………………



係芬蘭既伊瓦洛再搭機去赫爾辛基…….再係赫爾辛基轉機番去香港

12同13日都係車同飛機渡過…..所以上左飛機…..真的要說再見了……………好唔捨得呀…………..原因應該係我等左大半年既旅行就咁完左喇….第二係….我既大假就咁就放完喇…………………………



回程係赫爾辛基番香港哥隻機….唔講口都唔得呀……頂…..同去芬蘭哥隻差超遠……d位超窄….連毛寶咁瘦小坐都覺得好有壓迫感…都唔知d鬼佬點坐…………..真係好窄…….坐得超唔舒服!!!!!呢個晚餐都還可以………好彩飲左佢罐芬蘭啤酒…..不過就唔係咁好飲…………..

訓左一陣到起身食早餐…..火都黎埋!!!!!!咁寒酸架!!!!!!!!!!!!!!!!!!!!!!!!!!!!!!!!!!!!!!!!!

超嬲呀………….不過Finn Air最大賣點係：去程由香港去芬蘭10.5小時…….由芬蘭番香港只需9.5小時!!!!!!!以呢個時間咁快到歐洲真係……勁快!!!!不過餐飲好唔得囉…….又無小食…..中場連杯麵都要收錢…..



總結：

1.又講下使左幾多錢先……今次個團其實幾貴………團費+燃油附加費+導遊費=40xxxhkd……….我今次淨係帶左400euro過去……..諗住自己夠使……點知d野咁貴……..又唔想換當地d錢(因為驚使唔哂去到第二個國家無用)……..一係就淨係得大紙唔想換散佢…..於是成日話自己無錢…….就同媽媽或毛寶講：你幫我俾住先~……所以我13日裏面淨係使左…..190euro~~~哈哈~~

2.唔知佢地夏天係咪真係無黑夜…我無去考究….因為每次我訓之前望出去….都仲係有光……..就算用窗簾一樣光燦燦…..所以建議大家去既話記得帶眼罩~

3.由於無換錢但又逼住一定要買野…..所以就碌左卡……不過番黎找數發現….都唔係話差太遠喎…..手續費都收好少……所以去到北歐唔用歐羅既國家可以考慮下碌卡喎~因為好方便唔使換錢~

4.睇唔到午夜太陽………好失望囉…….正考慮好無再去一次……淨係去挪威…….但有95%機會睇唔到喎…..我唔想下一次黎又成為哥95%既人……..

5.如果唔食魚既人真係要好慎重考慮下黎唔黎呢個地方……..因為係挪威有成六七餐….或以上……都係食魚…有時中午食魚….夜晚都係食魚……….同埋北歐無咩特色餐食…..

6.挪威冰川真係好靚好靚…有機會去又唔落雨記得行近個冰川睇下佢~

7.聖誕老人村真係令人好興奮……不過只限於同聖誕老人影相佢地個相機壞機既情況下…….因為佢地壞機我地先可以唔使錢同用自己相機同正牌聖誕老人影相!!

8.有d酒店同郵輪無風筒囉….對於朝早起身洗頭既我黎講係好唔方便….旅行社又唔同人講……..如果唔係我實帶埋風筒去架!!

9.記得要帶傘….因為失驚無神會落雨….好彩我地去咁多日都係得兩日係成日落雨~

10.就算帶唔夠衫都好….一條厚既頸巾圍住條頸真係可以救你一命~

~~~The End~~~

er…..即係咁

噚晚我實在太貪心食得太多野喇…

搞到噚晚痾左兩次…

仲成晚個肚都嘰哩咕嚕…

今朝起身唔夠一個鐘…

又痾左兩次…

我抵死…

yahoo blog要改新版喇…

噚晚試用過…

覺得唔好用…..

舊版無得再留低….無得選擇遲早轉哂新版..

點解用得好地地既野硬係要改??

今日下晝食左個咸煎堆~

終於都食到~~久違了的味道~~

多謝媽媽買俾我~

北歐之旅完左lu~

之後又開始番我既生活瑣事….

回歸平淡~

等下一次旅遊再寫遊記~

所以我宣佈：

報時：距離喪吃喪買韓國自由行之旅仲有—-47日~

對~

又有旅行去~

期待很久~

雖然去過…但上次係跟團去..

今次同毛寶…carmen…crystal自由行

好開心呀~~~~~~~

我要食野買野影靚相~