2011-06-18
Day 6—-Part 3[挪威(富林)->卑爾根]
行完個爛鬼教堂我地就折返頭先經過既海灣~哥度有個漁夫碼頭~有好多海鮮野賣架~~勁吸引~~~仲有好多海鷗~~
我地係呢間野買左d蟹肉罐頭….其實都唔係平…..不過試食過幾好食所以先五個人夾份買六罐……..呢個係中國福建黎既後生仔…係呢度讀書…不停游說我地買個貴d既話會送野俾我地…我地考慮左好耐之後都係買平野~點知佢突然話：你地買咁多呀好啦送支魚子醬膏俾你地啦…..仲叫我地唔好話俾老細知呀…………果然大家係同胞有著數呀~
之後我地就跟住導遊周圍試食…..終於食到挪威三文魚喇~~好好味…..隔間黑黑地色哥d係鯨魚肉…..開頭毛寶話：反對捕鯨…..點知哥個野切左俾我食….佢又要搶住試…..仲話：唔殺都殺左啦…試埋先(乜都係你講)…..不過話實在….我覺得一d都唔好食囉…味怪…試完覺得唔好食毛寶又話：所以我就話反對捕鯨!
跟住又走過少少試食佢d蝦….咦~唔錯喎~
於是我地買左少少黎試…呢度買左隻長腳蟹蟹腳…..再加一大堆蝦……都係280hkd咋~~~~~~~~~好好好好好好味架…蟹腳真係好好味呀~~~實在係我黎到食到最好味既野….d蝦都好正….不過我地係買最cheap哥隻….因為我地覺得貴哥隻個味無咁好食…….諗番起之前飲四罐啤酒加一包薯片都係呢個價….不期然就覺得呢d抵到爛~~~~話哂都係食海鮮喎~~~~~~~~~~~
食飽飽係其他檔口發現有藍青口……….噢………..好想食呀
同埋有d後悔無食生蠔;[
食飽飽就行番去後面哥排彩色尖頂屋影相~
係其中一間尖頂屋買左個雪糕食…又係因為導遊推介…佢話食呢個雪糕好正可以任加d topping喎……又唔加錢…..好好味….所以我地就跟試……點知就係一個普通既呍呢嗱雪糕再加d朱古力粒呀….朱古力粉呀….m & n呀….咪好似麥當勞d麥旋風咁囉……………仲有囉…唔係唔使錢囉….收左我3Nok架…….
好彩一個兩份食….真係勁飽囉…….
好鐘意卑爾根呢度….唔知呢覺得呢度d建築物又靚喎…又多好野食喎……氣氛又好又舒服喎…..都幾想再黎呢度:]
晚餐係中餐again….不過呢餐中餐勁難吃…好彩之前食到好飽je~
d湯勁似洗菜水呀……………..呢晚住係Scandic Bergen Airport Hotel…有d偏僻…因為係機場酒店…
有個人番左好耐北區今日番左黎……
坐我隔離………..
仲走過黎同我講：我地相愛七年(工作上)……呢次係我地分開最耐既一次(3個月)
窩心是挺窩心的…..也是真實的
有時我都會諗起佢既…….
但我還是打了一個深深的冷震…………哈哈~
沒有留言:
張貼留言