2011年8月24日 星期三

北歐四國午夜太陽之旅2011-06-23第十一天Part2(陰晴不定)


唉……….噚日放工已經呆下呆下…….諗住放工番屋企抖下會無事……….點知食左藥坐係屋企都係覺得好唔舒服……………夜晚十點鐘頂唔順又上左山頂睇醫生……..其間個頭都係好痛….痛到隻眼扯住…….個胃反下反下個人好暈….媽媽陪我上去睇……見到我咁樣好擔心…….叫我問下醫生可唔可以做下腦掃瞄之類check下……點知我睇既第一個醫生…..超衰……諗住求其開d藥俾我同埋開日假俾我就打發我走…….於是我向佢提出同佢講話個頭痛得好密….睇下佢有無野可以幫我…….點知佢話:你自己都有睇開神經內科啦…..仲想照咩???……我:下…..但我睇過兩次佢都無幫我照過喎…….(我懷疑個醫生趕住收工)…….醫生:咁你想照咪囉…..你自己諗啦要等好耐架………我答唔到你幾耐呀……我:(開始火起)…..咁即係幾耐呀…..係咪要等到聽朝呀!…..醫生:er…唔緊要啦我幫你安排………………………之後我等抽血….聽到個醫生對其他病人都係語氣好差……真係……我未試過上山頂遇到d咁衰既醫生……..如果我下次再睇再撞到佢仲係對我咁衰……我決定係會一定投訴佢!!!



2011-06-23

Day 11—-Part 1[芬蘭(伊瓦洛)->挪威(康寧斯娃)->挪威(北角)]

呢幾塊紀念碑係代表七大洲架~





東影西影一輪返轉頭霸番個好位睇午夜太陽…係咪吹走左d雲呀?!





望落好似越黎越有機喇~~~~~~~~~~~不過企係最北個位真係幾凍下~



有藍天喎!!!!!!


不過等呀等呀等…..到左午夜12點…..太陽還是沒有給我乖乖的出來;[………….就黎到集合時間喇…….失望的孩子最終…….任務失敗….看不到午夜太陽…





最後只可以望到咁既似日出既天空…..  ;[


iPhone和Lomo機下的北角…..好美好美!!






有太陽再多拍一幅…………….. ;[



最後一眼望回美麗的北角…..因為希望走前有一線希望可以看到;[

要走了;[


似要跟我作對!!!我地上左車之後…..回程途中…..佢就出左黎喇…不過已經升番起……可以當我有看過在午夜裏的太陽嗎?????

後尾導遊陳仔為左安慰我地…..先講出:官方公佈每年睇到清楚既午夜太陽機會率係………5%……………………………………………………………………..頂你…..咁個旅程就唔好用呢樣野黎做引人報名既標題啦”北歐午夜太陽之旅”……..等我覺得自己實睇到………依家睇唔到喇….我係咪又要再黎呀………激死我喇….最後我安慰自己…..其實….每年都有95%既人都睇唔到架啦;[


黎到北角…看不到午夜太陽…得到既係:證書一張…..證明我去過歐洲大陸既最北點…….我已經有一張進入過北極圈內(芬蘭)….同埋一張歐洲最西點(葡國)……希望之後會有越黎越多證書….證明我踏足越黎越多既地方~

我同你講….呢個導遊都幾黑仔…..佢話有個客試過無夾埋…..咁岩線跟佢帶既團跟左3次…..有一次北極光睇唔到…有一次坐破冰船破唔到…..有一次去北歐….去13日落足11日雨…….問你死未…..如果我有佢既經歷….我會睇清楚係邊個領隊先好報名!!!!!!!





其實噚晚照磁力共振時……

我好驚……其實不痛不養….

但照緊個陣就係成個硬哂…..

媽媽:你驚咩呀….都無感覺既….

其實我知我自己驚咩…..我驚我照左出黎真係唔知有咩….

我唔知點面對……….


等左一個鐘之後就有報告出….由第二個醫生接手

醫生:個報告出左喇喎….完全無事

我:(鬆一口氣)係呀~

醫生:(以一個超深情既眼神望我)咁咪好囉…淨係偏頭痛

我:咁都好d

醫生:其實有好多種成因喎….有可能係血管…有可能係壓力形偏頭痛…會唔會關你工作事??

我:唔…….可能卦….因為我都係坐counter既…….

醫生:你都係做前線???

我:係呀…..咪好似你地咁囉…你知d人癲架啦….係又鬧唔係又鬧…

醫生:係呀~(此時大樂認為有知音人)…..d人真係唔知鬧咩…..你哥度應該有d唔使對客既位架…..

我:唔使對客既位xxxx……..(係呢度保密~)

醫生:(忍笑)你老細會撐你架下

我:撐我……我老闆撐我xx

醫生:(噴笑)唔係下……

我:d人不停鬧都算…….你唔好蠢囉唔該….講十次十次都聽唔明

醫生:(不停點頭)係啦…一係你講左一百次之後佢話你無講過…一係就曲解你既意思………

我:無辦法啦….以民為本嘛~

醫生:咁你都係睇開d~(此時幫我拆針既姑娘笑得超大聲~)

我:其實做左咁多年都睇得好開….大家咁話啦……

醫生:無辦法呀…你都係要休息多d!!

個醫生真係好逗趣…………

仲叫我休息多d…..

俾左兩日病假我….

其實我覺得好唔好意思…

因為又煩到公司d人…..

雖然公司唔會話無左我唔得…

不過又要大家負責食埋我既工作….同埋要搵人頂我…

良心有愧…..

希望我會身體健康!!!令我有精神既體魄工作!!

我要衝刺!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


所以大家放心…

岩岩照左腦掃瞄….

我無事:]


今日玩左陣電腦..

睇左陣書….

做左陣運動…

收衫摺衫…..

休息左一日….

真希望時間能留在中午的時光~*3*

沒有留言:

張貼留言