2011-06-22
Day 10—-Part 1[芬蘭(羅凡尼米)->(伊瓦洛)]
一早起床….今日我係超級超級的興奮~~~因為我地今日會去聖誕老人村呀~~~~~~~~好開心………有好多去北歐既團都無去聖誕老人村架~~~~~不過呢日一起身……就落雨….有少少大既雨………..以~~~~~~~~聖誕老人送左個好靚好好味既早餐俾我地….我同毛寶同表姐都開心到癲…..因為……有夾餅做早餐呀!!!!!!!佢擺個機同粉漿係度俾你自己整……睇下整得幾靚…我仲好似食麥當勞熱香餅咁搽牛油同蜜糖呀~~~~~~~~
第一站首先去—-馴鹿場(Reindeer Farm)……去睇馴鹿真身~(即係我地噚日食哥d)…但由於依家係夏天….馴鹿開始甩毛…到冬天先生番……無陰功喇甩到咁醜怪………仲俾我地笑佢地似爛地拖咁…………………….
我照舊係戰戰兢兢咁同佢影相………其實馴鹿場有好鬼多鹿屎架…….
呢個係….馴鹿人(講到好似驅魔人咁)…著得幾有特色咁去餵鹿~
其實係呢度係有個笑話……事緣係大家係車上面討論緊到底馴鹿係食咩….冷不防我伯娘爆出黎：馴鹿….馴鹿咪食猛獸架囉!!(為左加強佢既公信力….佢再用佐證)乜你地無睇哥d紀錄片既咩???????????……..其實我地都好懷疑架喇…..馴鹿d牙咁齊……點樣食呀……..最後你見啦…有哂馴鹿人係度餵佢…….唔通馴鹿人係猛獸???…….馴鹿人係餵d類似青苔既物體俾佢食架…………最好笑係話佢食”野獸”都算啦……仲要話佢地係食”猛獸”囉……都唔知係邊搵咁多猛獸俾隻馴鹿食…..事後我同毛寶偷偷笑左超耐……哈哈…諗番起都好笑…你想唔想像到馴鹿食猛獸個樣有幾唔襯………哈哈
好喇好喇到左—-聖誕老人村(Santa Claus Village)喇……呢一日有3個人一見到我就話：華…..今日著呢件衫好有聖誕節feel呀!!……氹得我超開心呀~~因為我係一個攻心計既女仔…我一早係澳門已經諗定去聖誕老人村….就要著一件好有聖誕節feel既衫去先有氣氛架嘛係咪~~~~~
其實係呢度又有另外一個故事…..就咁既….咁遠黎到….無理由唔同聖誕老人影張相架係咪…不過佢唔係任你影架…..因為呢…..最平哥隻5R相一張都要25euro…..得一張相…..仲要唔可用你自己相機再影………開頭都諗住唔影…..但黎到唔影….咪即係見唔到正牌聖誕老人囉??咁遠黎到唔通淨係睇佢d紀念品鋪頭???於是我地諗左個絕招：就係我地五個人夾錢影一張…..番到澳門就相曬相!!!!咁咪平好多囉~~~我地真係醒目仔呀~~由於無得用自己相機同佢影…所以我就影下電視機
佢個樣好慈祥呀~~
拿…佢個入口就係咁喇….有好多野遮住哂唔俾你見到佢….所以一日唔入去….一日都見唔到佢…..呢個就係導遊陳仔……好彩我地早黎….因為我地前面排緊既都係我地團友……如果係d鬼仔就死得…因為佢地真係好鐘意聖誕老人架…佢地會攬住佢同佢傾到飽先走(因為無限時…..)……..岩岩影到我地之前既一pair團友影左超耐……見佢搞左咁耐問導遊咩事….佢話佢地個相機壞壞地……….我地問佢係咪成日都會發生….佢話黎咁多次都未試過!!!下…唔係咁黑下嘛?!
事情總係峰迴路轉既…..整左半個鐘度….之後員工宣佈：可以俾我地用自己相機同聖誕老人任影!!!!!重點係：唔使錢!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!天呀…..原來我地等左咁耐絕無一次既壞機……..係奇蹟黎架!!!!
我同你講…聖誕老人既魔力係勁大!!!!!!我地五個見到佢既威力覺得好大….心中都充滿喜悅…….雖然我知係人扮….但比起見到迪士尼既卡通人物….哥種激動既程度更甚!!!!!!!你睇下大年紀既介別….如我媽媽….笑得幾天真?
終於到我喇….我帶住寶寶向聖誕老人一路揮手一路講(扮寶寶既聲)：Hello hello santa claus…….my name is poupou and i love u so much~聖誕老人聽到好開心……同番寶寶講：hello pou pou~…….坐埋佢身邊簡直開心到想融化……..聖誕老人攬到我同寶寶超實….佢隻手仲好大好溫暖….種感覺..我仲記得!
hehe~睇下佢捉到我同寶寶既手仔超緊架~~好開心呀~
聖誕老人真係好好人好慈祥呀:]…好似一個好錫小朋友既老人家…..睇下毛寶幾開心~~~~聖誕老人隻腳都好大隻呀~
仲有一張超靚爆既五人大合照呀~~~~你睇下我伯娘笑到幾可愛同真心~~~我好鐘意呢張相呀…因為大家都有好warm既氣氛呀:](好一家人feel呀)
好難忘既時刻…令我深深地愛上聖誕老人呢~如果你地有機會黎到呢度…..又遇到佢相機壞機….唔好以為自己好黑…..你簡直行運行到落腳趾尾呀~
呢度除左係聖誕老人村之外仲有一個特色……就係呢度有一個北極圈既緯線地標!!!!!!!!!好開心…有機會踏足北極圈內!!!!!
呢度係北緯66度32分35秒!!!!!!!!!!
睇下我!!!!!左腳還在原地….但右腳已踏入北極圈內!!!!感覺好奇妙呀:]
仲有勝景遊仲送一張踏入過北極圈既證書以供證明~
噚日人口普查d人黎左我屋企收問卷…
佢問左幾個幾搞笑既問題….
其實我最在意既係…
我地屋企有無被納入合作住戶….
因為合作住戶有幸運大抽獎…
頭獎係幾萬蚊既電器禮券~~
華~~~~~~~~~~~~~~~~~~
有幾萬蚊禮券買咩好呢??
唔知點解好想要個吸塵機呀~~~~~~~~~~
今日媽媽去飲…
得番我一個人係屋企烚西蘭花食…
嗚嗚~~
今日番緊工影印哥時…..
有個男同事係我背後用喉嚨頂發聲向我講左句：肥妹…肥妹呀
頂你呀!
沒有留言:
張貼留言