2011年8月2日 星期二

北歐四國午夜太陽之旅2011-06-19第七天Part1(雨天)

有邊個會估到今日會咁慘……番到去第一句就俾人問:中午開唔開ot?………咁就展開左艱苦既一日……………………點半食飯……跑番屋企……跟住兩點番工……好攰呀真係………..一直由兩點硬做到六點幾…..眼都矇埋囉……做做下我仲唔知自己做緊d咩…..所以我有樣野今日係做錯左…..不過我已經攰到無力去理…..由它吧~今晚直頭攰到覺得好飽唔想食飯;[



2011-06-19

Day 7—-Part 1[挪威(卑爾根)->瑞典(斯德哥爾摩)]

又有低脂羊奶芝士喇~~~yeah~~食飽飽早餐我地就暫別挪威喇~




今日我地暫別挪威坐飛機去瑞典喇~


由於係香港飛黎同番去我地都唔係坐窗口位….所以要靠內陸機先有機會影d雲呀~



到達瑞典首都—-斯德哥爾摩(Stockholm)…個幾鐘就到..到達機場第一個感覺….



都幾趣怪喎~不過我地一到發現….瑞典落緊大雨喎…好狼狽咁推行李上車



到左第一時間食飯先…又係自助餐…但係係幾好味既~

我仲記得個領隊搵呢間餐廳搵左超耐……淋到d團友變落湯雞…又餓…成兩點先食飯…..



食飽飯第一個參觀既景點就係—-華沙戰船博物館…..1628年8月10日華沙號首航….點知沉左….仲沉左成333年到1961年先成功打撈番上黎….之前都有人不停咁搵呢艘船但都搵唔到………由於佢沉沒地方位於鹹淡水交界…所以令到隻船無咁易腐爛……我地今日先可以見到咁完整既佢~~一入到去…..實在會俾呢首船吸引住…..因為實在太宏偉喇……超大隻!!!



幾層樓高…同維京帶俾我既感覺好唔同…….係呢度有個識講廣東話既導遊windy….詳細解釋….我地終於有d野聽喇~



打撈圖解….沉沒於斯德哥爾摩海灣….




原來係因為造船哥個人造造下隻船死左…..個國王見隻船就黎起好認為無咩問題無搵人再搞….但自己又加左超多雕像上去….搞到過重囉…..



1:10華沙號首航模型



佢仲有好幾層哥以參觀..可以唔同角度睇隻船…仲有其他模型






出番黎就無雨落喇~真係好~…首都斯德哥爾摩係由好多大大小小既島嶼組成架~參觀完戰船博物館就坐車市內觀光一番~







今日一路坐counter時……

個腦不停諗緊一樣美食—-咸煎堆….

唔~~~~~~~~~好好味架….

又脆喎……..裏面又有菜脯…….

以前爸爸收工買俾我同媽媽既消夜就係咸煎堆….

充滿了對爸爸的回憶:]



今日過得太苦喇…

頭先小 i問我:聽朝要唔要腸粉??(下…咪我恨左幾日既野)

所以我決定聽日放縱自己一日~~~~~~~~~~~~~

我的回答:yeah~~~6蚊蝦米腸齊醬多辣醬~~~~~~~(期待明天中~~~~)

沒有留言:

張貼留言