應該係今年最後一次打邊爐

今日本身好擔心公司d野唔知搞唔搞得掂….本身要做成日不過唔知點解好順利咁朝早就搞掂完…..真係太好喇~所以可以準時咁番屋企….沖完涼….輕輕鬆鬆咁打blog~今日都有好乖….食麥皮同菜米~



上幾個禮拜打左應該係今個冬天最後一次邊爐….去左毛寶家姐屋企打….好開心因為又可以自己去街市買料打~今次買左隻花甲王…..

真係成隻手指咁長~~好q大隻…….我記得都唔係好貴….大約一百鬆蚊八大隻!!




後面仲有我好愛既象拔蚌仔~超鐘意食架!!

係乳豬海鮮煲湯底…..仲係哥間鋪買左佢d黃牛肉….

原來黃牛肉仲好味過肥牛!!!!



食左好多野….每人都係百三蚊度….好抵呀~

仲有食左一樣超耐無食既野~就係冰條喇~~

以前我記得一蚊條…成日同同學仔夾份買一人一半….唔知依家係幾多錢一條呢?????以前我淨係鐘意食紫色架咋~~







今日有一陣覺得….

唔知點解覺得自己係工作上好無用….

好唔開心….

望住窗外面….見到以前間中學d學生放學(公司同以前中學只有兩街之隔)

好想番去以前讀書咁無憂無慮……..

因為唔知自己依家個定位係咩….

不過後尾諗諗下…

我又唔係唔俾心機做野哥d人….

都唔算係無用丫…….咁樣氹番自己開心

今晚食左媽媽既牛油煎帶子…同埋拍黃瓜..

好好味!!



報時：距離北歐四國午夜太陽之旅仲有—-46日~