食玩訓西葡之旅20100916第二天Part1(天晴)

噚日係寶寶生日……點知佢噚日同我講：我決定左今年送俾自己既生日禮物…係去宣明會助養一個小朋友……………聽完之後就覺得….呢個小朋友真係好乖呀……仲好感動…..出左黎做野可以照顧到自己既時候又會想幫下其他人………於是我地噚日係宣明會分別助養左小朋友….不過暫時仲未知佢係咩地方咩性別…好緊張呀~所以我覺得噚日過得好有意義~希望之後我有能力可以助養多d小朋友啦:]………仲有希望寶寶真係鐘意我送俾佢既生日禮物啦~………………..不過我今日就好心力交瘁…………今朝八點半起身…..為左同媽媽一齊上大陸搞一d銀行既事務….點知真係好Q煩……d人傻傻地…..老點人….又唔識做野…去問第一間銀行既時候已經要鬧交…….鬧完第一次已經好攰……佢地d銀行好癲架…..全部分行係唔通架…..如果你想取消同一間銀行分別既兩個戶口……即使一個係拱北…..一個係北京….都麻煩你分別去番呢兩個地方…..仲一定指定去番你開戶既哥一間銀行先得…..如果間銀行摺埋我都唔知點算……………仲有….如果你係中銀都好d…..如果係工商你就仆街喇…….佢係唔會承認你地澳門政府發出既文件架…..一定係大陸公證先得架…..所以我建議大家千祈唔好係大陸開戶口…..就算要開…..都千祈千祈唔好開工商….如果唔係玩死既係你自己!!!!!!!!!!!!!!!!!!!!!!!!!!!!!!!!!!!今日咁辛苦…..先搞掂一間銀行既野咋(仲要全部銀行之前都問過哂清楚d手續喎…..)….俾哂文件佢睇佢都係唔接納….痴線架……………………………………………



2010-09-16

Day 2—-Part 1(葡國里斯本)

第一日去葡國…..搭完飛機去到都係同一日既夜晚…….大約十一點到番到酒店…..真係好攰囉…….一訓就訓著~第朝精神爽利….不過由於之前哥晚個air法蘭西晚餐太流…..於是我地快速衝落去食個早餐…..個早餐超正~有哂火腿沙樂美腸食……仲有好多好多款芝士~~~諗起都想食…超多野食~

估唔到葡國原來唔止係食薯仔既~



哈哈…..雖然俾我地訓完有少少亂~不過想俾大家睇下間房有幾大~訓得超舒服…最緊要係夠乾淨~~呢間酒店叫Corinthia Lisboa Hotel…正~

大堂都唔錯~好開心可以係度住兩晚~

不過出發時導遊同我地講：er….呢間係我地整個行程最靚既酒店….之後西班牙哥d…..會舊d同無咁靚…..所以好好享受埋今晚~………………..下….唔係呀….



第一日…..覺得d團友怪怪地又串串地……介紹下先……個導遊叫clive…..不過佢自從上個月帶完西班牙團唔記帶帽狂曬一日後….老人斑由原先兩粒變三粒…我地稱佢為”三筒”…..仲有一堆好嘈既人….自稱係澳洲黎既人……有一個叫大家姐：華?!咁都叫乾淨呀呢度…..我地布里屍斑一舊垃圾都無架…..(就憑佢呢句…我唔想去澳洲)…….仲有d公公婆婆…….兩夫妻有好多…..一家三口又有……兩姊妹又有…….第一日我地就研究：我地好似好難融入呢堆怪人度喎……………………………….失望中(其實本身我地兩個都係有d怪架喇~)



好~出發…….行過見到個郵筒…….真係同澳門d一樣咁~

出發坐左差唔多一個鐘車去到第一個景點—-大石角(Cape of the Rock)….呢度係成個歐洲既最西端…..有個詩人講過呢度係”陸地既盡頭….海洋之開端”

臨海既天氣都幾變幻莫測…..我覺得有d凍凍地~

聽講呢個地方離美國東面好近…最近係…華盛頓??仲話游水過到去~

但係……咩都望唔到喎



大石角既紀念碑….記得係呢度影影下相….有第二團既內地團友同毛寶好熟咁講：幫我拍照……………….救命……勁無禮貌囉

睇下個天…..又突然間好多雲…..超驚佢落雨



呢張……其實係去完廁所出黎影~

派大星佢真係有黎架….不過真係好難幫佢影相….一係就影到佢但後面個景朦….一係就佢朦後面個景清…..哈哈~

臨走前再同個紀念碑影影…應該都唔會再黎喇~

之後再去—-奧比多斯古城(Obidos)…..葡皇丹尼士送俾伊貝莎女皇作為結婚禮物…….等緊d團友去廁所時我地就周圍影影睇下人地賣咩….都幾貴喎….成2euro一個齋包……同埋佢地都鐘意賣d果仁類既野~

離開大可角後又一片天朗氣清…呢個時候熱到痴肺~

來到奧比多斯古城門口~

入到去~華~我覺得唔似古城…似d意大利小鎮feel~好鐘意個藍天呀~

唔知點解今日真係好攰…..

跑幾跑就攰到飛起…….

借頭借路又話肚餓要食野….哈哈

呢個假期我都唔知肥左幾多磅……

仲有三日假咋……好好享受埋先得~