時光倒流二十年Part 2

由於一個人係屋企悶到煲醋…….所以就呢個時寫下blog喇…..因為今日都係放假….又無其他人同我一齊放……又唔想洗頭出街….所以我今日就係屋企過…..迎接開心旅程既開始~不過我依家又好擔心喎~因為我見天氣唔係咁好……好驚呀….我唔想哥邊凍同落雨呀……………….唉………..我想玩得開心同影靚相呀….好擔心好擔心呀………成個旅程可唔可以唔落雨同唔好咁凍??求求你啦老天爺爺~我想要陽光呀



續上篇個時間後左少少喇….應該有七歲……當年移民左去法國…..生活苦悶….好彩有一大班親戚黎探我……不過佢地探完我之後….我喊哂要番澳門

我都係最細粒哥個~哥期個個都驚一樣野….叫回歸……..不過最後我地過到去….悶到喊………傻仔咁……留左九至十個月……又番黎可愛的澳門……不過我都感激呢個悶到喊既經歷~因為有時諗番起….原來係呢個地方有好多笑料~希望家家同敏敏睇完呢輯相唔好嬲到震啦~哈哈~~唔係呀我地都好靚女呀~



又後多幾年…..應該係十歲….第一次去美國….呢度係夏威夷海灘

有可能係出名既威基基….又可能唔係….我都唔記得~



第一次去既迪士尼….係法國…….第二次…係美國….

法國個迪士尼…..真係無得同美國哥個比~



我最驚係呢輯相….個衣著造形太正…..你地可以笑….但希望唔好笑得咁大聲~六年級小學畢左業哥年…..應該係十二三歲….同爸爸媽媽去地中海旅行……呢度…係土耳其既棉花堡…..雖然個攝影師影到令人唔係咁睇得出~

埃及……三個金字塔……..上年再去多一次….我應該唔會去第三次

我最愛既希臘聖淘維尼島(Santorini)…….除左澳門外…..我最鐘意既地方….因為真係好靚好舒服….不下百次幻想可以兩個禮拜咩都唔做攤係哥度~

白色小屋呀~點解我老豆可以做最型哥個??點解佢可以帶烏蠅鏡……….



仲有巴特隆神殿…..其實今年都有諗過重遊舊地….不過佢之前又政變之類….都係遲d先去….加上西班牙羸左世界盃嘛~即刻轉~

睇我以前幾瘦~~~~~~~~~~~~~~~



跟住就到左初中二…..第二次去美國….原因係去探美國讀書的兩位表姐~

兩位表姐就係上面第一幅巴黎鐵塔圖中既兩位高少少既小姐~兩位個樣都好經典囉~



呢張應該係….高二升高三??高一升高二??我都唔係好記得……00年….應該係15歲卦………我淨係記得同好姨去俄羅斯咋……………………………

呢次就係我地最後一次一家人一齊去旅行喇……..四年之前…..2006年…..一齊去西班牙同葡國旅行…….好岩呀可…..今年我又係去哥度……….

之後變到一家三口都係咁肥…..我地三個係三隻小豬~

四年之前點解可以咁樣衰架……………………………唔……睇番d相…..真係……有好多開心既回憶…….爸爸我很想你……大慨我喜愛旅行同樂天既性格都係遺傳自你……係你地幫我培養我去旅行既興趣~…..我慶幸做到你們倆的女兒…..真架~雖然你煮餸食到我咁肥…..但我都係咁愛你地………睇完呢d相我仲有一個感覺……就係數碼相機真係好方便…..不過……細細個哥d咁有懷舊味既相…..係傻瓜機先做到……..同依家影完張相再用電腦整懷舊佢…..係兩碼子既事……….所以我好慶幸細個既相由傻瓜機影~可能無修飾過既相….係最靚~………………最後….懷緬….時時其實還有~



聽日就要去旅行喇……咁就要暫別呢個blog十多天…….希望番黎時可以帶黎精彩靚靚既相同滿滿既旅行日記~不過….我依家已經開始掛住媽媽喇……..唔知小別十多天有無人會掛住我呢~



報時：距離西葡之旅仲有—-0天~

出發喇~去玩喇~

但係我要四點半起身…..六點去到碼頭…..哈哈

希望一落街有的屎啦~