呢個係媽媽個fd去日本買番黎既手信…..個餅係有
mark大眼睇下紅色哥度d字………個餅係有備長碳成份~~~不過就食落又無乜話咩特別~我覺得似黑芝麻多d~不過叫幾搞笑咁囉~
有一日去學英文無飯食….就特登去左義馬路間……唔記得叫咩名tim….不過成條街得佢一間個招牌大大隻字寫住食越南河……..見佢開係以前花記個位就俾下面去食下~哈哈…….成間野係擺明外賣格局……得幾個位俾人坐…..但個價錢又唔係外賣價喎…….成37蚊碗…..呆左……叫左個越南牛肉貴刁….
失望係同個價錢唔相符~不過我發現佢有d辣同其他調味料都ok好味~算唔算係有收獲??
今日番工時聽到個唔係幾好既消息….
有個同事病左……….
我真心希望佢可以快d好番……
健健康康!
聽完之後我番工哥時都無乜心機…..唉……
不過之後見到有一幕又令我開心番少少….
有個女人帶佢阿媽黎……..佢同我講佢阿媽撞聾….
個婆婆有成81歲……..
我:咦….咁你同婆婆去邊度旅行呀??
女人:無呀我諗住帶佢過去睇個孫
我:呀!係呀….咁好….個孫係邊度讀書呀??
女人:最細個孫呀……今日先走…..去左台灣讀書…見台灣唔遠咪帶佢去
我:係呀…個幾鐘機又唔係話好遠….帶佢行下都好呀
女人:係呀..今日先同個孫飲完茶岩岩送左佢上機….我同佢講叫佢乖…..佢乖….身體健康呢就帶佢過台灣探個孫……其實我係希望佢有多d生命動力….有d野俾佢望下…..等佢自己乖希望撐得住佢身體會好d可以生活多十年…….所以我唔呃佢架….一飲完茶就帶佢黎你地度喇……
我:實得既!你睇佢個樣幾精神:]
聽到佢咁講….我會心微笑….仲有一股暖流經過…..除覺得佢對佢媽媽好好…好孝順之外……….我亦好羡慕佢……可以陪佢媽媽到八十幾歲或更多……..我諗….畢竟唔係每一個人都可以有呢個福氣………..不過我爸爸在我心裏…..永遠都活在最靚仔既時期:]…..係喇唔呃你喇….我真係覺得你靚仔架~
今日我同佢地講….
我:如果我有架電單車就好喇…
小i:我都想考呀~
臭男人:你想點呀你….ja車番工呀
我:唔係呀…..如果我有架電單車既話我放工會即刻跳上電單車然後去買印尼小食…..
臭男人:……………你咁想有架電單車就係想去買野食呀
臨放工時我已經食左包動物餅….一路行去打卡時個口又食糖….
我:點解我個口係無時停既?
小i:係呀你自己都知呀?
我:我知呀….但係我唔想改喎
小i:(受驚)改?點解要改呀…唔好改呀…你有厭食我仲驚呀….
哈哈….咁我唔改喇…我繼績個口無時停喇~
今日寶寶仲買埋串燒黎臭我放工~
好開心呀~好好味呀~
謝寶寶~~~*3*
但我還是很想吃印尼小食既雞奕…..我諗佢諗左幾日…
頂……流哂口水…….今日我好多野講…哈哈~
報時:距離西葡之旅仲有—-12日~
不過我發現好似個個都話我換得好少歐羅喎
但係我唔買名牌架喎
沒有留言:
張貼留言