好喇好喇我唔偷懶喇~西葡之旅正式啟動~
2010-09-15
Day 1—-Part 1(澳門->香港->法國->葡國)
首先我每次都要影一影萬惡既金錢….噢…..加埋加埋得七百幾蚊euro….即係….七千蚊多少少既港幣….出發之前個個都問我換左幾多錢….當我答完之後….個個既反應都係:下?!唔係呀…你夠錢使喇??去到咁遠喎……我:er….係咩….
話實在真係有d似葡幣喎~張100蚊好似我地d500蚊~講下個匯率先…依家兌euro大約10.4xx……即係大約1蚊euro等於10蚊hkd咁用啦~
哥日晨咁早就要起身……四點要起身……我之前一晚已經十點半睇完公主嫁到就爬上床….不過我碌黎碌去都訓唔著…..又三點幾醒左…..就係咁我好快起身刷好牙洗好頭換好衫pack好行李……….都只係四點半……哈哈因為要坐長途機呀….所以無化妝先至咁快咋~仲上左一陣網…..五點二度….寶寶爸爸就黎車埋我一齊出碼頭喇~佢要我地開航前一個鐘到….但係我地去到五點半…..但佢個counter要六點半先開喎……..咪唯有死等囉………唔通我自己攞住舊行李上船咩咁重(因為我買左三支大水過去….需知道係哥邊買水要廿幾三十蚊支….我係係好醒呢~)…不過我個gip真係好Q重呀~
等緊個check-in counter開既時候就影下我最愛既gipgip啦~我又帶小貞舊年送俾我既靚靚黑色gipgip出發~佢既使用率都好高架~用左三次喇~第一次去埃及…第二次去台灣…..今次又陪住我出發喇~
呢個小朋友好有自信……問我借左個中gip就話去11日旅行喇~
之後check-in過磅……航空公司規定不超過20kg….但我個gip係去既時候已經19kg……毛寶13kg…….哈哈….我有3支大水嘛~
check完in之後見有d時間淨…..就出左去望望…咦~見埋日出喎~
好靚靚呀~
入左閘之後坐係度等佢落船…見到個天越黎越光~
我地坐去機場既船呀~個相機影到個天好似油畫咁靚~
到左之後嚇我地一跳~事隔一年都無…..個香港機場碼頭裝左修呀~靚左好多~以前仲係人手dum d gip出黎俾你….依家有埋行李輸送帶轉出黎俾你~
又唔使受風吹雨打喎….好感動呀~回想起前兩年同寶寶&杯去日本時既慘況….真係歷歷在目呀!
攞左gip就去check in喇~今次我地搭air法蘭西…話實在..都幾期待
今次我地第一次坐….寶寶仲講笑話:食飛機餐我就當自己食法國大餐架喇~提提大家…..搭呢隻去機場既船….記得退番120蚊機場保安稅~
我地既般機編號AF183…..係36號閘口
會先飛去巴黎戴高樂機場…..再轉飛去葡國
我地第一次搭既air法蘭西呀~~~~
個外型都幾醜喎~
搵到個閘口寶寶就嗌肚(月我)…..於是去叫左個粥食…
仲有碟特大油炸鬼未拎黎….42蚊咋….我覺得超抵喎~機場依家仲有板長壽司tim
今次戰友仍為特區護照~點解唔用葡國護照?因為我想趁呢十年可以吸印吸滿成本薄…..如果係葡國護照…..五年後又要收番….咁我不如用哂特區護照好過~
登機喇登機喇~一飛沖天~
呢個時候毛寶已經訓到流哂口水~
派大星:喂~喂~唔好唔記得我呀~我都有去旅行架~
0我~你地收到未?
之後就派下小食咁啦…通常呢個時間我係飲下可樂或者蘋果汁之類…..但係我聽到前面有”仆”一聲…..omg~開緊香檳呀….air法蘭西真係唔同d既~
但係個”時叻”……………超難食….完全襯唔起高貴既香檳~
yeah~我應該不下數十次表達我係好鐘意食飛機餐(係咪好變態?)
都ok既….主菜係勃良第紅酒炖牛肉配雪豆及雞蛋馬鈴薯~
到晚餐…呢個唔錯真係幾好味~熏鯖魚配雜錦生菜葉沙律
連毛寶都將個餐一掃而空…..值得一提既係….佢d芝屎幾好食喎~
不過唔知點解….呢程機可以悶到咁….飛黎飛去…..都未飛到
12個鐘頭機…..悶到呀……佢機上面d戲又唔Q好睇……雜誌又無乜野睇….覺我又訓唔著…………好辛苦…..最辛苦一次…………………………….飛極都係天光….
終…終於有下降既跡象喇~~~~~yeah~~~~真係悶死我喇~~~~~
唔知點解….
放假我都係十點幾十一點就起身…
不過都好既…
咁我會有多d時間用……
好緊張呀….因間要去睇gg個bb~
一定好靚女喇~
我過2日會由澳門去香港機埸再飛葡國,我可以係邊到退戈120蚊離境稅呀
回覆刪除Candice