上個星期六同媽媽番大陸睇一睇間屋…..之後出番拱北…..按左一個鐘摩~今次都幾舒服…..不過哥個野話:個膊頭好緊…..可惜你又唔受力………………哈哈~番落黎之後就搵埋寶寶我地三人行一齊去歎個tea喇~知唔知我地去邊?
無錯….我地就係去左聖地牙哥酒店high左個tea喇~
我地叫左個二人set….另外叫一杯野飲…上左野飲之後…..佢就黎左呢碟野…….我地百思不得其解….仲同佢講:我地無叫呢樣野喎…..我地叫左個set咋喎………..點知佢話:因為我地個大廚依家試整西班牙菜….所以星期六日叫set既人客…..我地會送大廚試整既俾你地食…希望俾d意見~
咁著數我地梗係食啦…..不過佢俾完我地食之後就無再叫我地俾意見~白送俾我地食…..不過其實整得幾好味~d雞肉又唔鞋…..不過….我食唔出西班牙味囉~
唔~我叫左檸茶飲….媽媽叫左熱咖啡….寶寶飲檸雜~
我真係覺得個下午茶好靚靚呀~
上下層影真d俾你地睇~~~~都ok好味架~~~~最緊要夠靚~
其實我舊年已經食過一次~寶寶要我講出黎喎….上一次黎食我地撞到梁安琪….今次黎食見到…盧冠廷@o@IIII
哈哈哈哈…..成個set包兩杯野飲…多謝228蚊~
其實又唔算太平…..不過如果係諗d傾下計….又想個環境好d….呢度真係一個唔錯既選擇喎~~想試埋其他酒店既tea set呀~~~sands都想試下~
哎呀….
今日睇電視見到….
法國大罷工喇又…….
有成二百五十萬人上行示威….
有四分一航班延誤….
點解我咁擔心???
因為今次就係搭法航囉….
可唔可以順利d呀?
嗚嗚…..可唔可以幫我祈下禱呀….
仲有我希望西班牙同葡國都唔好落雨呀
今日仲有寶寶送左個大大焦糖爆谷俾我~
好開心…..因為我好鐘意食焦糖爆谷~
因為無論係邊度食…我都覺得身處係遊樂場:]
所以我鐘意食焦糖爆谷囉~
報時:距離西葡之旅仲有—-六日~
希望去到陽光滿滿…我寧願好曬好曬呀~~
沒有留言:
張貼留言