飲飽食醉的週末

飽飽….飽飽…..呢三日都食得好飽飽……….真開心~星期五晚食完蟹…星期六又食左個好靚既下午茶同晚飯……今日又食到飽飽滯滯…..週末又變回吃飽飽的週末…..哈哈…….今朝我一起身就好驚……因為我發左個好恐怖既夢…..夢裏面講我殺死左人……仲將個人放係一張中空既石椅下面…..跟住又諗自己就黎終生監禁既命運………下半世都要坐監……..真係好驚….所以我一訓醒….牙都唔刷….我就走左去開電腦….搵一搵解夢…..不過睇完之後……夢見殺別人：大吉，大富貴之兆…………下?!哈哈~開心番哂……今日星期日…..去拜爸爸肥仔鵬既日子…….今日買左…..哈哈…..印尼小食請佢食~跟住…..我又買左隻印尼小食雞奕俾自己食….終於食到….好好味~今日肥仔鵬餐飲係：馬蹄竹蔗茅根水~…….中午又去飽餐……之後就睇左套戲(遲幾日先講番套戲好無睇)….今日過得好開心~



上個星期二晚…我地又同姑媽佢地一家出去食飯~今次既地點係噴水池附近哥間龍記酒家….即係義順隔離~點解要去食??因為表哥話佢就黎執喇喎..

我做左澳門人廿幾年…….從來都無入過去…..其他親戚就係入去懷舊~我就當試新野~




喂喂….呢個女人….我想淨係影正門架….你仲搶我鏡……

不過呢個女人….係我愛的媽媽~



其實鳳城即係…..邊度???廣州??澳門??

影下佢內部裝修……唔影可能遲d真係又執一間老字號~

聽講佢個蝦多士好鬼好食….不過你地估下呢度咁多個名稱…邊個先係蝦多士?

答案係：窩貼大明蝦……呆左…我地初初以為係西焗千層蝦tim~



我最愛…..生炒骨…..佢唔係唔好食…係我覺得氹仔某間酒樓最好食~

出場喇~蝦多士隻蝦真係好大囉~不過我食一舊已經覺好漏囉~

仲有呢個先生炒飯….聽都未聽過…不過好平…23蚊個…

媽咪話有左好耐喇…..以前爸爸仲成日唔煮飯時買番去同佢食….



其他都係d肉餅咁樣既家常小菜~

成左咁多個餸…….都係541蚊~8個人…每人七十蚊度!!都幾平!!味道都ok既…..不過都係家常菜囉……去懷舊下都唔錯既……哈哈~







唔………

依家我好似開心番d喇可??

應該係啦……

但心底裏仲係好掛住肥仔鵬….

好掛住好掛住……

今朝起身都流左幾滴眼淚……

都唔知個幾月之前我係點樣捱過黎到依家……

今日睇戲時講個男主角細個時爸爸媽媽撞車死左…..

睇緊哥時我都有諗起自己……令我充滿淚水係隻眼度….

不過佢(女麻女麻)同佢講…..起碼你知道佢地臨死之前都係咁愛鍚你!

係喎……….

噚晚睇番自己個blog…..睇到同爸爸d抵死既對話…

:]………我地成日捉弄對方…..爸爸走之前又鍚足我廿幾年…….

我已經好幸福:]



報時：距離西葡之旅仲有—-9日..

變單位數喇?!咁快既….

好驚呀…..驚驚…..

未買去旅行d野…..又要使一大舊錢喇….

救命呀~~~~~~~~~~~~~~~~記得要買保險