2010年9月11日 星期六

牛記咖喱美食

今日係假期第一日…….訓到自然醒….都係十點未夠…….但係好精神…..自我感覺良好……..但係下晝睇左一陣國家地理雜誌……………………..又訓左……………………..哈哈~



本身今日無諗住寫blog…..但因為頭先唔知食咩好……..所以上網搵…..


搵到一間有人極力推介既:牛記咖喱美食…..係十月初五街一號地下………哥個人既推介係:蟹皇撈麵……….睇個名好吸引…所以我同寶寶即刻衝去~




睇睇~華~好靚女既蟹皇撈麵呀~個重點係:19蚊咋~


蟹皇像熔岩湧出來~~~~~~19蚊….想點?



撈勻左佢之後…………………..香噴噴~~~~我已經流哂口水~


最後…..我用左五分鐘唔使食完~寶寶見狀:下?!乜你咁快既?(哥陣時佢仲有半碟未食~)………我平時好少食撈麵….不過蟹皇同麵真係天作之合~~好味~



仲叫左個花雕雞…我初時以為係凍食….類似醉雞…..不過係烏雞…仲要係熱食…..成五十蚊架……個味似d藥膳雞…..食完喉嚨有d唔舒服..可以不試~




佢既外觀~其實係茶餐廳黎既….環境其實唔係幾好….仲有少少污糟…..同埋好多烏蠅……不過為左蟹皇撈麵……我會再黎架~~~~~


個撈麵真係真係一試無妨~正呀~仲有提提你…..最好既地方係:佢開24小時架~~~去食宵夜都得~~~







噚晚我發晚見到爸爸呀……

同佢係一個唔知咩地方一齊食飯….仲有其他人係度

見佢氣息都幾唔錯…..我同佢既對話如下

我:其實….我地燒俾你d野你收唔收到架?

爸爸:一dd咋…有d都收唔到

我:下….係架?

爸爸:不過唔緊要啦…..其實我地呢邊有百佳架…我可以自己買~

醒左之後我心諗…..百佳既業務範圍都….幾廣喎~

我頭先同媽媽講….

原來媽媽之前都有夢見爸爸….

佢話爸爸叫佢唔好再食安眠藥….

同埋叫佢照顧我

跟住媽媽之後真係好乖無食喇……..

就算係真又好….係我地先我投射發夢又好….

起碼我知你依家生活唔錯…..我心裡已覺安慰:]

我地要繼續努力呀!!!!!



報時:距離西葡之旅仲有—-3日

哈哈~打開左個gip~仲執左少少衫~~

算係咁啦~

沒有留言:

張貼留言