又係時候開始講講上海之旅呢個旅行有咩搞笑….好玩…..同特別野….介紹下今次既團友仔先：有我啦…鐵腳寶寶….小i bb…..仲有sasa……不過咁岩….同時間另外有七個同事(即係臭男人佢地)都一齊去……寶寶家姐又一齊去…..所以我成日覺得有好多人同我地一齊去~哈哈~今次好新鮮呀~同上次台灣旅行….不足一個月又出發喇~
2010-05-20
Day 1(澳門->珠海->上海)
哥日其實我地朝早係無行程….因為我地務求唔使請假….所以我地哥日係仲要番工…..咁好我地哥日全部番早…..五點半我一放工即刻跑番屋企…….衝入廁所沖涼…之後執埋未執既野……等埋寶寶就一齊搭mina個fd既車上大陸…..其實我係第一次由行車道過大陸關咋~……不過佢朋友開得超快…..最快哥次開到140…..我真係有生死時速既感覺~超快超快咁樣去到珠海三灶機場…..好似八點過少少….我地哥晚飛十點四……哥陣時我已經超肚餓…..所以無等到臭男人同iris佢地….我地自己食野先~係大家樂食左個鰻魚飯……er……唔好食囉……..
無啦啦鰻魚又走去加蔥…係咪怪?其實我有偷偷諗過上機先食飛機餐…哈哈~飛機餐忠實粉絲~
有間賣米老屎既鋪頭…賣d野超娘~
成個機場….一眼睇哂~
睇下幾多人….好難怪我會誤會我同好多人一齊去旅行架….
好難得無請過假…咁多個同事去同一個地方旅行……
今次第一次搭上海航空….我淨係知…佢d地勤好無禮貌
好似我欠佢全家咁樣….粗聲粗氣…又無禮貌….我都係坐counter…我可以理解你因為多人做到好攰而無笑容或無表情….但我理解唔到你既禮貌同態度囉…..
好彩我無信大陸d飛機餐….呢個係咩飛機餐黎架…..
超級眼訓….搭成兩個多鐘頭機…終於到左上海虹橋機場喇~
係機上面訓左一陣….睇下我幾精神~其實到既時候已經係十二點四十四分…..
hehehe~同第一隻海寶影相~海寶歡迎我黎上海呀~
有時又好難怪我地唔鐘意d內地人……..
我知…澳門人同內地人都係中國人….
只係….佢地真係太無禮貌…..活係同一個中國…都有多種文化
就好似我地到既哥晚去到酒店….我一入酒店…..reception哥個野就話
(全程請大家自行用普通話想像)
職員：甚麼事?!(超惡)
我：(已經超不爽)甚麼事?可以有甚麼事?當然租房間住….
職員：拿你們的證件出來!
我：但是我們之前已經有人過來幫我們check in
職員：都要登記!
(搞左一輪之後佢又叫我地簽名之類…其間佢都係超惡劣態度…又問我地邊個同邊個一間房….都唔知有咩關係……)
職員：鎖匙在他們那裏..你們上去拿吧…
其他女已經受哂佢氣……..不過我係哥種忍唔住….或者火爆既人啦….
我：你們兩個很沒禮貌…其實你們剛才的態度可以好一點!
佢地兩個先同我地講唔好意思………..
華….咩服務態度呀你……
我哥晚真係超不滿佢地……車…..
間酒店就無問題既…睇下個間房…仲ok大…不過呢間係佢地兩個
叫上海莫泰268旅店…..係羽山路166號…其實幾抵既…咁大間房都係200蚊一晚咋
唔…..
我發現咁多人一齊去既好處係：可以唔使買咁多手信~
我覺得
獄長和獄警的故事很好看~
突然間無得倒數去旅行….
有d無左寄託咁tim~
沒有留言:
張貼留言