2010年5月17日 星期一

台灣環島遊20100425第八天(陰天)

華….爆多野做呀今日…..全日都好似係drc既scs裏面渡過….超級漫長既一日……..做到個頭又開始…..有d野…..唉~放工放早喎….點慰勞我自己好????梗係去食麻辣包啦~今日仲食勁辣…….辣完個口又發麻喎…..點算好???又去買左個維他檸檬茶解解渴……..行過7仔喎…..放早喎…..行入去睇下囉…..見到薯片做特價喎…..要買囉…..唉….我真係戒唔到野食…..特別係零食……開心時要食野令到個情緒再高興一d~唔開心時都要食架….咪提高下士氣囉……..我諗我都係減唔到肥架喇….哈哈……當初諗住減係為左……哈哈…..不如由佢啦好無呀…..最多早餐同午餐我都係keep住麥皮同菜米囉好無???一係咁…..愛我就接受我咁為食吧啦~好似咁樣好d喎~



2010-05-25

Day 8(台北->澳門)

一早起身見頭痛…應該之前唔小心凍親造成…食完藥就去左買定飯團番澳門…..執好哂d野之後…….我地去左酒店附近一間鋪頭仔食野


唔好睇佢係鋪頭仔…..我呢個花枝麵….幾好食喎…..唔知同哥幾棵葉有無關係呢??



坐左一陣的士….好快就去到機場….成班人一係無錢一係唔想唱散d錢….夾埋夾埋d錢先夠錢買個burger king既餐食…

真係慘…er….係呀同之前哥日一樣衫架….吹咩~發現好似泰國既burger king好似好食d咁既~仲有張相點解影到我好似有病咁既…..依家先睇到~隻腳短到….



咁岩線今次登機個閘口….撞岩係hello kitty~




下次飛台灣見到寫住C3登機…就會見到hello kitty~



食完個飛機餐…..就要同台灣講拜拜~

是次旅程完結…..今個星期上海世博之旅再見~



今次去台灣….同上次既感覺好唔同….覺得好玩好多~野食又好食好多~多謝crystal做我地既導遊!!都玩得幾開心…又去多左唔同地方…唔使淨係台北~仲有就係四年前黎得一日無落雨…今次就淨係落左半日雨…..仲要台北以外…下下都有陽光….好開心~期待下一次旅程~~~~~~~~~~~







今日係counter自己一個人時

不停諗起我上個禮物食過既野….

李家韓式烤肉….仲有佢個炒粉絲

唐吉柯德既牛扒配藍芝屎汁

粥麵莊既炸醬撈麵……

秀蘭小館既醉雞加小籠包….

點解我個腦只有食物既………哈哈~



噚日同少女high既tea好開心~

仲好平呀~

遲d講下先~



以下係今日食完麻辣包番屋企接左個電話既對話….對象係我同我老豆…..請全程想像我係用超級小朋友+白痴口音講野~

我:喂~喂~喂….請問搵邊位?

老豆:叫媽咪聽電話

我:下?!呢度無人叫媽咪喎….得bb同埋xx(媽咪名)咋喎

老豆:…………..(好明顯有人係佢隔離同埋唔想睬我)

我:喂~喂~喂~你想搵邊個呀?

老豆:(唔想同我講咁多)你叫媽咪係雪櫃攞d葡國雞出黎

我:咩話??葡國雞???係雪櫃攞出黎邊度呀??係雪櫃攞出黎放入冰箱?

老豆:唔係呀(唔耐煩)….攞番佢出黎呀

我:係咪係雪櫃攞出黎然後擺係(木台木台)度呀?

老豆:哎呀….係喇….

我:呀……你係咪爸爸呀??

老豆:喂你….係呀…

我:爸爸~爸爸~我好掛住你呀

老豆:……………..er…係啦……拜拜

我:拜拜~爸爸~

哼…..平時你都玩得我多喇….仲唔玩番你一次..哈哈~yeah



不過呢件事未完…岩岩食飯哥時…

老豆:今晚食唔食生果?

我:唔…..係咩黎架?

老豆:有得你食仲問咩黎?

我:下…如果你覺得屎係生果咁我咪要食屎?

老豆:…….(我覺得佢覺得我有道理)山竹呀….

我:唔……你幫我meet我咪食囉….

老豆:下…..如果我話唔meet呢?

我:你~唔~會~既~…..爸爸~

老豆:(因為爸爸二字令佢諗起頭先件事)你呀….頭先0徒左我d錢呀…

我:咩呀…..

老豆:打番黎你又係度玩電話….0徒左我成蚊…仲以為自己打錯….望下個電話….明明係屋企電話呀!

我:車…..你依家俾唔起一蚊咩?同我傾下電話唔好咩

老豆:唔係唔好….我唔想俾你玩囉…(記仇鬼:p)

我:你平時夠玩我咯

老豆:點同呀…..我玩你就得…..我唔想俾我個女玩囉….我接受唔到囉…..

我:你痴線架……..

老豆:d x燒好無食呀(x燒係燒味…我唔識打哥隻字)

我:唔…..唔好囉…芬記哥d好食d呀

老豆:咁梗係啦…..佢個女你同學嘛…

我:唔係呀….佢低我一級架…同校咋…

老豆:係咩

我:佢阿媽好似好串架喎

老豆:佢阿爸都串啦…

我:人地個女考第一架嘛….抵人地咁串既….

媽咪:佢地得一粒女

我:(心湧起一陣滄涼~)點解人地又係一個女…你地又係一個女….人地個女讀書考第一….你地個女讀到一pat屎…..

老豆:你有無用過力?

我:無用過呀….我覺得我聰明到唔使用力~(自信)

老豆:咁如果你放屁唔用力都放唔到啦…..(席間即刻用力示範)….咁先放到嘛….

我:係喎!(恍然大悟)

我爸爸就係咁樣教我大道理架喇~





報時—-距離上海世博仲有:2日咋…..

希望個天保佑大家工作順利啦~

沒有留言:

張貼留言