2010-04-22
Day 5—-Part 1(台中->台北)
起左身之後十一點幾check out左之後….我地就去左一間叫做Mr.38既餐廳醫肚先…..係一間專係食咖哩既餐廳~Mr.呀~
我就叫左個泰式炸蝦餅咖哩飯…..d咖喱唔係唔好食既….不過咁早要我食咁多大個飯…..好漏呀~不過都ok好食!
食飽左十二點幾….我地就出發去台中高鐵站….
又係時候同台中say goodbye lu~…..都係一個鐘度就去到台北~
到達台北丹迪旅店(Dandy Hotel)
都幾新既一間酒店~好似開左唔係好耐…..由一間舊酒店翻新…感覺….幾young~
唔知點解…..覺得個數字好靚….哈哈
我地貪平….所以揀雙人床既雙人房…..其實都唔差~
我地知道呢間酒店有d房係有主題既….仲好想睇下tim…不過我地兩個抽唔中~
走廊有好大張畫…畫哂365日既每一個公仔~
睇下我生日哥日~係隻老鼠仔呀~好襯我呀~
點知後尾知道左…成間酒店得四間房係有主題….我地租左四間房…….有兩間中左~~~好勁呀~~~好羨慕呀~~~其中一間~
無啦啦又有個琴……好得意呀間房…..好綠色呀…唔知訓得舒唔舒服呢~
另外一間…好聖誕節同冬天feel~
點解喎….點解無我地份喎~~嗚嗚………………好靚呀…邊爐小組成員…….無一個中….唉
人地間房就算無主題….都叫有個騎樓喎……..
救命…..就係因為貪平……….哈哈~
頭先食飯飲番之前d蕃茄薯仔湯…
老豆：下次想飲咩湯?
我：我想飲…..粟米….煲…..
老豆：你阿媽唔食得蘿蔔喎…
我：……唔…….咁粟米煲……
老豆：粟米煲忌廉湯啦….
我：下…..忌廉湯我使乜你煲呀….我開罐頭咪得囉
老豆：哈哈…咁你想飲咩??
我：一係煲西洋菜湯囉….一係菜乾湯….
老豆：唔煲!
我：點解?
老豆：唔煲就唔煲
我：………….你係咪唔識煲呀??唔好扮野喎
老豆：(此時有人以笑遮醜…請自行想像)係呀..你又知既….哈哈…我真係因為唔識煲呀~你教我煲啦~
頂佢唔順……哈哈
報時—-距離上海世博仲有：9日!
唔知去之前寫唔寫得完台灣之旅呢?
沒有留言:
張貼留言